បរទេស ៖ ព្រឹត្តិការណ៍កីឡាអូឡាំពិករដូវក្តៅទីក្រុងប៉ារីសឆ្នាំ ២០២៤ កំពុងតែបន្តដំណើរការបានយ៉ាងល្អ ហើយមេដាយរាប់សិបគ្រឿងត្រូវបានប្រគល់ជនអត្តពលិកជ័យជម្នះរួចមកហើយ។
ក្រៅពីមេដាយជូនជាតិ អត្តពលិកម្ចាស់មេដាយមកពីប្រទេសចំនួនជុំវិញពិភពលោកនៅក្នុងម្នាក់នឹងទទួលបានប្រាក់រង្វាន់លើកទឹកចិត្តពីរដ្ឋាភិបាលប្រទេសពួកគេបន្ថែមទៀត សម្រាប់ការប្រឹងប្រែងអស់ពីសមត្ថភាពនាំយកមេដាយត្រឡប់មកមាតុភូមិ។
យោងតាមប្រភពពីសារព័ត៌មានពាណិជ្ជកម្មអាមេរិក CNBC និង Sky News របស់ចក្រភពអង់គ្លេស កាលពីពេលថ្មីៗនេះ បានរាយការណ៍បញ្ជីបណ្តាប្រទេសមួយចំនួនជុំវិញពិភពលោក ដែលផ្តល់ប្រាក់រង្វាន់លើកទឹកចិត្តនៅក្នុងចំនួនចាប់ពី១០ម៉ឺនដុល្លារអាមេរិកឡើងទៅដល់អត្តពលិកពួកគេ ដែលឈ្នះមេដាយមាសពីកីឡាអូឡាំពិកទីក្រុងប៉ារីសឆ្នាំ ២០២៤។ ក្នុងនោះក៏មានប្រទេសមកពីអាស៊ីអាគ្នេយ៍ចំនួន ៣ ផងដែរ។
ខាងក្រោមនេះ គឺជាបញ្ជីការផ្តល់ប្រាក់រង្វាន់លើកទឹកចិត្តដល់ម្ចាស់មេដាយមាសកីឡាអូឡាំពិកឆ្នាំនេះ ដោយផ្អែកលើព័ត៌មានពី CNBC និង Sky News ដែលបានពីគណៈកម្មាធិការជាតិអូឡាំពិក សមាគមកីឡា និងរបាយការណ៍ក្នុងស្រុក ដែលគិតជាដុល្លារអាមេរិក បើទោះបីជាព័ត៌មានខ្លះមិនគ្រប់ជ្រុងជ្រោយយ៉ាងណាក៏ដោយ ៖
-ហុងកុង ៖ មាស ៧៦៨,០០០ដុល្លារ ប្រាក់ ៣៨៤,០០០ដុល្លារ និងសំរឹទ្ធ ១៩២,០០០ដុល្លារ
-សិង្ហបុរី ៖ មាស ៧៤៥,០០០ដុល្លារ ប្រាក់ ៣៧៣,០០០ដុល្លារ និងសំរឹទ្ធ ១៨៦,០០០ដុល្លារ
-ឥណ្ឌូណេស៊ី ៖ មាស ៣០ម៉ឺនដុល្លារ ប្រាក់ ១៥០,០០០ដុល្លារ និងសំរឹទ្ធ ៦ម៉ឺនដុល្លារ
-អ៊ីស្រាអែល ៖ មាស ២៧១,០០០ដុល្លារ ប្រាក់ ២១៦,០០០ដុល្លារ និងសំរឹទ្ធ ១៣៥,០០០ដុល្លារ
-កាហ្សាក់ស្ថាន ៖ មាស ២៥០,០០០ដុល្លារ ប្រាក់ ១៥០,០០០ដុល្លារ និងសំរឹទ្ធ ៧៥,០០០ដុល្លារ
-ស៊ែប ៖ មាស ២១៨,០០០ដុល្លារ
-ម៉ាឡេស៊ី ៖ មាស ២១៦,០០០ដុល្លារ ប្រាក់ ៦៥,០០០ដុល្លារ និងសំរឹទ្ធ ២២,០០០ដុល្លារ
-អ៊ីតាលី ៖ មាស ១៩៦,០០០ដុល្លារ
-លីទុយអានី ៖ មាស ១៨២,០០០ដុល្លារ
-ម៉ុលដាវី៖ មាស ១៧១,០០០ដុល្លារ
-ឡាតវី ៖ មាស ១៥៥,០០០ដុល្លារ
-ហុងគ្រី ៖ មាស ១៥៤,០០០ដុល្លារ
-ប៊ុលហ្គារី ៖ មាស ១៣៩,០០០ដុល្លារ
-អ៊ុយក្រែន ៖ មាស ១២៥,០០០ដុល្លារ
-កូសូវ៉ូ ៖ មាស ១២០,០០០ដុល្លារ
-អេស្តូនី៖ មាស ១០៩,០០០ដុល្លារ
-សាធារណរដ្ឋឆែក ៖ មាស ១០៣,០០០ដុល្លារ
-អេស្ប៉ាញ ៖ មាស ១០២,០០០ដុល្លារ ប្រាក់ ៥២,០០០ដុល្លារ និងសំរឹទ្ធ ៣៣,០០០ដុល្លារ
តំបន់រដ្ឋបាលពិសេសហុងកុង បានផ្តល់ប្រាក់រង្វាន់លើកទឹកចិត្តខ្ពស់បំផុត សម្រាប់អត្តពលិកឈ្នះកីឡាអូឡាំពិករបស់ពួកគេ។ ការលើកទឹកចិត្តជាសាច់ប្រាក់សម្រាប់អត្តពលិកហុងកុងទៅប្រកួតប្រជែងនៅទីក្រុងប៉ារីសបានកើនឡើងរហូតដល់ ២០% បើធៀងនឹងកាលពីព្រឹត្តិការណ៍កីឡាអូឡាំពិករដូវក្តៅនៅទីក្រុងតូក្យូឆ្នាំ ២០២០។
គិតត្រឹមព្រឹកថ្ងៃទី៧ ខែសីហា ឆ្នាំ២០២៤ ប្រទេសអាស៊ីអាគ្នេយ៍ចំនួន ៤ ហើយ ដែលឈ្នះមេដាយពីកីឡាអូឡាំពិកទីក្រុងប៉ារីសឆ្នាំ ២០២៤ ដែលរួមមាន ៖ ហ្វីលីពីនឈ្នះមេដាយមាស២គ្រឿង និងសំរឹទ្ធ១គ្រឿង។ ថៃឈ្នះមេដាយប្រាក់១គ្រឿង និងសំរឹទ្ធ១គ្រឿង។ ម៉ាឡេស៊ីឈ្នះមេដាយសំរឹទ្ធ២គ្រឿង និងឥណ្ឌូណេស៊ីឈ្នះមេដាយសំរឹទ្ធ១គ្រឿង៕ (ប្រភព ៖ CNBC, Sky News និង Seasia Stats)
ចែករំលែកព័តមាននេះ