(អន្តរជាតិ)៖ នៅថ្ងៃទី០២ ខែមិថុនានេះកាសែតអន្តរជាតិ The Times , Telegraph , Athletic និង Goal បានរាយការណ៍រួមគ្នាថា Mbappe នឹងចូលរួមជាមួយក្លិបស្តេចស Real Madrid ហើយកិច្ចព្រមព្រៀង​នឹង​ត្រូវ​ប្រកាស​នៅ​ដើម​សប្តាហ៍​ក្រោយ។

នៅក្នុងវីដេអូលោក Fabrizio Romano អ្នកកាសែតជនជាតិអ៊ីតាលីរូបនេះបានបង្ហើបបន្ថែមថា៖ «រាល់នីតិវិធីនៃការចុះកិច្ចសន្យាត្រូវបានបញ្ចប់។ Mbappe បានធ្វើការសម្រេចចិត្តកាលពីខែកុម្ភៈ។ ឥឡូវនេះកីឡាករសញ្ជាតិបារាំងអាចត្រូវបានចាត់ទុកថាជាកីឡាករថ្មីរបស់ Real Madrid»។

ប្រព័ន្ធផ្សព្វផ្សាយអេស្ប៉ាញបានបញ្ជាក់ថា Mbappe បានឈានដល់កិច្ចព្រមព្រៀងរយៈពេល ៥ឆ្នាំជាមួយក្លឹប Real Madrid៕