រាជធានីភ្នំពេញ៖ ដើម្បីសម្រួលដល់អ្នកបោះឆ្នោត គណៈកម្មាធិការជាតិរៀបចំការបោះឆ្នោត(គ.ជ.ប) បានចេញសេចក្ដីណែនាំដល់គណៈកម្មការរាជធានី ខេត្ត រៀបចំការបោះឆ្នោត(គធ/ខប) ដើម្បីធ្វើការណែនាំបន្តដល់គណៈកម្មការឃុំ សង្កាត់រៀបចំការបោះឆ្នោត(គកប) ស្ដីពីការពិនិត្យផ្ទៀងផ្ទាត់ឈ្មោះអ្នកបោះឆ្នោតក្នុងបញ្ជីឈ្មោះបោះឆ្នោតនៅតាមការិយាល័យ។
យោងតាមសេចក្ដីប្រកាសរបស់អគ្គលេខាធិការដ្ឋាន គ.ជ.ប បានណែនាំថា ការពិនិត្យផ្ទៀងផ្ទាត់ឈ្មោះអ្នកបោះឆ្នោតក្នុងបញ្ជីបោះឆ្នោតនៅតាមការិយាល័យបោះឆ្នោតទៅនឹងឯកសារបញ្ជាក់អត្តសញ្ញាណអ្នកបោះឆ្នោតឱ្យបានត្រឹមត្រូវបន្ទាប់ពីធ្វើការប្រៀបធៀបរូបពិតខាងក្រៅទៅនឹងរូបថតក្នុងឯកសារបញ្ជាក់អត្តសញ្ញាណរបស់ពួកគេនៅថ្ងៃបោះឆ្នោត។
សេចក្ដីណែនាំបន្តថា អ្នកបោះឆ្នោតទាំងអស់ត្រូវបានអនុញ្ញាតឱ្យបោះឆ្នោតនៅពេលដែល៖
ឈ្មោះអ្នកបោះឆ្នោតនោះត្រូវបានសរសេរយ៉ាងត្រឹមត្រូវ
ឈ្មោះអ្នកបោះឆ្នោតនោះសរសេរខុសប៉ុន្តែមានសូរដូចគ្នា
ឈ្មោះអ្នកបោះឆ្នោតនោះសរសេរខុសគ្នា ដោយខុសអក្ខរាវិរុទ្ធបន្តិចបន្តួចហើយសូរស្រដៀងគ្នា៕
ចែករំលែកព័តមាននេះ