ឧបនាយករដ្ឋមន្ត្រី កើត រិទ្ធ បានប្រកាសច្បាស់ៗថា តុលាការត្រូវចៀសវាងដាច់ខាត ក្នុងសំណុំរឿងគ្រោះថ្នាក់ចរាចរណ៍ បណ្តាលឱ្យស្លា.ប់ជនរងគ្រោះ គឺមិនត្រូវលើកលែងឱ្យជនបង្កបានរួចខ្លួនតាមរយៈការបង់លុយនោះទេ
រាជធានីភ្នំពេញ ៖ ឧបនាយករដ្ឋមន្ត្រី កើត រិទ្ធ បានប្រកាសច្បាស់ៗថា តុលាការត្រូវចៀសវាងដាច់ខាត ក្នុងសំណុំរឿងគ្រោះថ្នាក់ចរាចរណ៍ បណ្តាលឱ្យស្លា.ប់ជនរងគ្រោះ គឺមិនត្រូវលើកលែងឱ្យជនបង្កបានរួចខ្លួនតាមរយៈការបង់លុយនោះទេ។
បន្ថែមលើនេះ រដ្ឋមន្ត្រីក្រសួងយុត្តិធម៌ បានបញ្ជាក់លើ «ករណីបុ.ករត់» ថា «អ្នកបុ.កគេ ហើយរត់» នឹងក្លាយទៅជាមនុស្សក្រៅច្បាប់អស់មួយជីវិ.ត ដោយស្ពាយជាប់នូវបទល្មើស២ ដែលត្រូវចាត់វិធានការយ៉ាងម៉ឺងម៉ាត់។
រដ្ឋមន្ត្រីក្រសួងយុត្តិធម៌ បានប្រកាសដូច្នេះ ក្នុងសន្និសីទកាសែត ស្តីពី ការប្រកាសដាក់ចេញនូវ «យុទ្ធនាការជំរុញ និងពន្លឿនការដោះស្រាយរឿងក្តី នៅតាមតុលាការ» និង «យុទ្ធនាការត្រួតពិនិត្យ និងដោះស្រាយភាពមិនប្រក្រតី នៅតាមតុលាការ» កាលពីរសៀលថ្ងៃទី៩ ខែមករា ឆ្នាំ២០២៤ នេះ។
ជុំវិញចំណុចរសើបទាំង២ករណីខាងលើ ក្នុងនោះ១- បុកស្លា.ប់ និង២- បុ.ករត់ ឧបនាយករដ្ឋមន្ត្រី កើត រិទ្ធ បានបញ្ជាក់ថា «អ្នកបង្កគ្រោះថ្នាក់ចរាចរណ៍ ត្រូវតែមានការទទួលខុសត្រូវយ៉ាងម៉ឺងម៉ាត់តាមផ្លូវច្បាប់ ហើយចៀសវាងដាច់ខាតរឿងមួយ គឺរឿង «បុ.កគេស្លា.ប់ ហើយបង់លុយ រួចខ្លួន»។ ប៉ុន្តែយើងត្រូវធានាសំណង សម្រាប់ជនរងគ្រោះ ទី១- ព្រោះបុ.កគេស្លា.ប់ ក៏មិនមែនមានន័យថា ត្រូវជាប់ទោសអស់មួយជីវិ.តដែរ។ ប៉ុន្តែអ្វីដែលយើងត្រូវគិតគូរ ជាចំណាត់ការ ទី១- សំណងសម្រាប់ជនរងគ្រោះ។ ទី២- ក្នុងការកំណត់ថា អ្នកណាខុស អ្នកណាត្រូវ ត្រូវតែពិនិត្យតាមផ្លូវច្បាប់ឱ្យបានត្រឹមត្រូវ។ មិនប្រាកដថា ថ្មើរជើង ត្រូវតែជាអ្នកត្រូវនោះទេ! ឬក៏អ្នកជិះម៉ូតូ សុទ្ធតែជាអ្នកត្រូវ ហើយអ្នកបើកឡាន សុទ្ធតែជាអ្នកខុសនោះទេ។ ខុសត្រូវ ស៊ីសងគ្នាលើអង្គហេតុ ស៊ីសងគ្នាលើអង្គច្បាប់ ស៊ីសងគ្នាលើភស្តុតាង»។
ឧបនាយករដ្ឋមន្ត្រី កើត រិទ្ធ បានបញ្ជាក់បន្តថា «ឧទាហរណ៍ ៖ គាត់បើកតាមផ្លូវ ស្រាប់តែអ្នកចង់ងា.ប់លោ.តចូលឡាន ហើយយើងឱ្យអ្នកបើកឡានខុសម៉េចកើត? ឡានកំពុងបើកដូចគ្នា ហើយម៉ូតូកំពុងបើកដូចគ្នា ស្រាប់តែគាត់ចាក់ក្រឡេកគ្នា ហើយម៉ូតូកាច់ចង្កូតចូលឡាន គឺឡានទេ ដែលរងគ្រោះ! ហើយដោយសារតែម៉ូតូ គាត់ស្លា.ប់ យើងថា ម៉ូតូរងគ្រោះ? ប៉ុន្តែទាមទារសំណងបែបម៉េច? យើងគិតលើផ្លូវច្បាប់។ ប៉ុន្តែយើងមិនឱ្យកើតមានករណីថា បុ.កគេស្លា.ប់ហើយ គ្រាន់តែបង់លុយរួចខ្លួនទេ។ រឿងនេះអត់ទេ! ជនបង្ក ត្រូវតែទទួលខុសត្រូវ!»។
យ៉ាងណាក៏ដោយ លោកឧបនាយករដ្ឋមន្ត្រី កើត រិទ្ធ បានប្រកាសលើកទឹកចិត្តឱ្យមានវិធានការបន្ធូរបន្ថយ តែមិនមែនបានន័យថា ឱ្យរួចខ្លួនទេ ទៅលើជនបង្កគ្រោះថ្នាក់ចរាចរណ៍ទាំងឡាយណា ដែលបង្ហាញភាពក្លាហាន ចូលដោះស្រាយចំពោះមុខច្បាប់។
លោករដ្ឋមន្ត្រី បញ្ជាក់ថា «គ្រោះថ្នាក់ចរាចរណ៍ នៅក្នុងច្បាប់របស់យើង មិនបានកំណត់ដាក់ទោសជាប់ពន្ធនាគារអស់មួយជីវិ.តទេ។ ប៉ុន្តែបើយើងមិនប្រឈម យើងនឹងក្លាយទៅជាមនុស្សក្រៅច្បាប់អស់មួយជីវិ.ត។ អ៊ីចឹង យើងលើកទឹកចិត្តថា បើជនបង្កគ្រោះថ្នាក់ចរាចរណ៍ ចូលមកដោះស្រាយ តុលាការត្រូវប្រើប្រាស់វិធានការបន្ធូរបន្ថយទោសលើគាត់។ ធានាបាននូវសំណង ហើយធានាបាននូវយុត្តិធម៌ទៀត។ តែបើបុ.កគេរត់ហើយ គឺមានបទល្មើស២។ បុ.កគេមួយ មិនដឹងខុស ឬត្រូវ? តែបើរត់គេច គឺបទល្មើសមួយផ្សេងទៀត ហើយករណីនេះ គឺថា វិធានការត្រូវតែម៉ឺងម៉ាត់»។
ដោយឡែកជុំវិញមូលហេតុដែលកើតមានសន្និសីទកាសែតនាថ្ងៃនេះ លោកឧបនាយករដ្ឋមន្ត្រី កើត រិទ្ធ បានពន្យល់ថា «សព្វថ្ងៃ នៅក្នុងតុលាការ សំណុំរឿងគ្រោះថ្នាក់ចរាចរណ៍ គឺមានប្រហែលជា ១២% នៃសំណុំរឿងព្រហ្មទណ្ឌសរុប។ នៅពេលមានគ្រោះថ្នាក់ចរាចរណ៍ គឺក្រុមគ្រួសារ គាត់រងគ្រោះរួចទៅហើយ តែកុំឱ្យពួកគាត់មករងគ្រោះនៅក្នុងនីតិវិធីរបស់តុលាការមួយទៀត។ អ៊ីចឹងហើយ បើត្រូវដោះស្រាយក្នុងបញ្ហាគ្រោះថ្នាក់ចរាចរណ៍ អាទិភាពទី១ មុនគេបំផុត គឺសំណង»។
លោករដ្ឋមន្ត្រី កើត រិទ្ធ បញ្ជាក់ថា «បើរឿងនោះ ស្លា.ប់ទាំងឪពុកម្តាយ តែបើត្រូវការសំណង ត្រូវប្រើពេល៣ឆ្នាំ! ដូច្នេះមិនអាចឱ្យគាត់រងគ្រោះ ដោយសារគ្រោះថ្នាក់ចរាចរណ៍មួយហើយ មករងគ្រោះ ដោយសារតែការអូសបន្លាយនីតិវិធីមួយទៀត បានទេ។ អ៊ីចឹង ដើម្បីអនុវត្តការងារនេះ ក្រសួងយុត្តិធម៌នឹងណែនាំឱ្យតុលាការ ទាំងខាងព្រះរាជអាជ្ញា ទាំងខាងតុលាការ សាលាជម្រះក្តី ចាត់តាំងឱ្យមានព្រះរាជអាជ្ញារង និងចៅក្រម ដែលទទួលបន្ទុកលើការងារចរាចរណ៍តែម្តង។ ដើម្បីធ្វើម៉េចឱ្យករណីនេះ ធ្វើឱ្យបានឆាប់រហ័ស»៕
អត្ថបទដោយ ៖ អោម ចែតច័ន្ទណារ៉ា
ចែករំលែកព័តមាននេះ