មិនធ្លាប់មានពីមុន! កីឡាការិនីជម្រើសជាតិវៀតណាមម្នាក់ដឹកដៃមិត្តស្រីចូលរោងការ
វៀតណាម ៖ កីឡាការិនី Tran Thi Thu ខ្សែការពារកណ្តាលក្រុមបាល់ទាត់ជម្រើសជាតិនារីវៀតណាម
វៀតណាម ៖ កីឡាការិនី Tran Thi Thu ខ្សែការពារកណ្តាលក្រុមបាល់ទាត់ជម្រើសជាតិនារីវៀតណាមបានដឹកដៃមិត្តស្រីដ៏ស្រស់ស្អាតរបស់នាង ដែលមានឈ្មោះថា Nguyen Thi Thuong ចូលរោងការកក្រើកទីក្រុងហូជីមិញ។
យោងតាមប្រភពពីសារព័ត៌មានវៀតណាម VnExpress បានឱ្យដឹងថា គូស្នេហ៍១គូនេះ បានចាប់ផ្តើមទំនាក់ទំនងស្នេហានៅឆ្នាំ ២០២២ និងបានប្រារព្ធពិធីមង្គលការ កាលពីថ្ងៃសៅរ៍សប្តាហ៍មុន ហើយនេះគឺជាលើកដំបូង ដែលកីឡាការិនីបាល់ទាត់វៀតណាមបានរៀបការជាមួយនឹងដៃគូភេទដូចគ្នា។ មិត្តរួមក្រុមជាច្រើនរបស់កីឡាការិនី Tran Thi Thu ទាំងនៅក្លិបអាជីព និងក្រុមជម្រើសជាតិបានចូលរួមនៅក្នុងពិធីជ័យរបស់អ្នកទាំងពីរ។
ខ្សែការពារ Tran Thi Thu អាយុ៣៣ឆ្នាំ បានចុះឈ្មោះហ្វឹកហាត់នៅក្នុងកម្មវិធីថ្នាលរបស់ក្លិប Ho Chi Minh City FC កាលពីឆ្នាំ ២០០៦ ហើយបានចាប់ផ្តើមអាជីពជាមួយក្រុមនារី Ho Chi Minh City FC តាំងពីពេលនោះមក និងឈ្នះពានរង្វាន់ ចំនួន ៨ ជាមួយក្រុមផងដែរ។ កិច្ចសន្យារបស់កីឡាការិនីរូបនេះជាមួយ Ho Chi Minh City FC បានបញ្ចប់បន្ទាប់ពីរដូវកាល ២០២៣ ហើយបច្ចុប្បន្ននាងនៅមិនទាន់សម្រេចចិត្តអំពីការបន្តជាមួយក្លិបនេះ ឬចូលរួមជាមួយក្លិបផ្សេង ដើម្បីបទពិសោធន៍ថ្មីសម្រាប់អាជីពរបស់នាងនៅឡើយទេ។
កីឡាការិនី Tran Thi Thu ត្រូវបានកោះហៅចូលក្រុមជម្រើសជាតិនារីនារីវៀតណាមជាលើកដំបូងនៅឆ្នាំ ២០១៧ ហើយចាប់តាំងពីពេលនោះមកបានចូលរួមការប្រកួតជាច្រើនជាមួយការបង្ហាញចំនួន៣២ប្រកួត។ សមិទ្ធិផលជាមួយក្រុមជម្រើសជាតិរបស់នាងរួមមាន ការឈ្នះមេដាយមាសព្រឹត្តិការណ៍ស៊ីហ្គេមលើកទី៣១ និង ៣២ និងចូលរួមការប្រកួតប្រជែងក្នុងព្រឹត្តិការណ៍បាល់ទាត់ពិភពលោកឆ្នាំ ២០២៣ FIFA Women’s World Cup 2023៕
ចែករំលែកព័តមាននេះ