ត្រូវប៉ាន់! មាសឡើងថ្លៃខ្លាំង និងរំពឹងរក្សាតម្លៃនៅកម្រិតខ្ពស់រហូតដល់ឆ្នាំក្រោយ
អន្តរជាតិ ៖ តម្លៃមាសបានឡើងដល់កម្រិតខ្ពស់ថ្មី ស្របពេលដែលតម្លៃនៃរូបិយប័ណ្ណគ្រីបតូ
អន្តរជាតិ ៖ តម្លៃមាសបានឡើងដល់កម្រិតខ្ពស់ថ្មី ស្របពេលដែលតម្លៃនៃរូបិយប័ណ្ណគ្រីបតូ (Cryptocurrency) Bitcoin ក៏បានហក់ឡើងផងដែរ។ នេះបើយោងតាមប្រភពពីសារព័ត៌មាន BBC ចេញផ្សាយនៅថ្ងៃទី៥ ខែធ្នូ ឆ្នាំ២០២៣។
ការកើនឡើងនេះ កើតឡើងនៅពេលដែលពាណិជ្ជករបានប្តូរយុទ្ធសាស្ត្រវិនិយោគ បន្ទាប់ពីរយៈពេលជិតពីរឆ្នាំ នៃការកើនឡើងអត្រាការប្រាក់បានជួយដល់តម្រូវការប្រេងឥន្ធនៈទូទាត់សម្រាប់ប្រាក់ដុល្លារអាមេរិក និងប្រភេទបំណុលមួយចំនួនទៀត។
យ៉ាងណាមិញ ឥឡូវនេះ វិនិយោគិនមើលឃើញពីការកើនឡើងនូវឱកាសនៃការកាត់បន្ថយអត្រាការប្រាក់ ដែលបានបង្វែរការចាប់អារម្មណ៍យ៉ាងខ្លាំងលើទ្រព្យសកម្មផ្សេងទៀត ចំពេលដែលទីផ្សារអាស៊ីបានចាប់ផ្តើមការជួញដូរកាលពីថ្ងៃទី៤ ខែធ្នូ កន្លងទៅ ដោយឃើញតម្លៃមាសកើនឡើងខ្ពស់បំផុត ២,១៤៨ដុល្លារក្នុង១អោនស៍ មុនពេលធ្លាក់ចុះបន្តិចមកនៅ ២,០៥០ដុល្លារក្នុង១អោនស៍។
ការហក់ឡើងថ្លៃមាសខ្លាំងនាពេលបច្ចុប្បន្ន ចំពេលដែលអតិផរណាពិភពលោកបានថយចុះ គួបផ្សំជាមួយនឹងទីផ្សារការងារមានភាពប្រសើរ ខណៈដែលមួយផ្នែកទៀតកើតឡើងជុំវិញការផ្ទុះព័ត៌មានអំពីធនាគារកណ្តាលសហរដ្ឋអាមេរិក (Fed) ផ្តល់សញ្ញាវិជ្ជមានសម្រាប់ការទម្លាក់អត្រាការប្រាក់នៅឆ្នាំក្រោយ។
យោងតាមទូរទស្សន៍អាមេរិក 22 News ផ្អែកតាមការលើកឡើងរបស់អ្នកជំនាញបានឱ្យដឹងថា តម្លៃមាសកំពុងឡើងដល់កម្រិតខ្ពស់បំផុត ហើយរំពឹងថានឹងនៅរក្សាកម្រិតខ្ពស់រហូតដល់ឆ្នាំក្រោយ ហើយប្រសិនបើអ្នកមានមាសឥឡូវនេះ គឺជាពេលវេលាដ៏ល្អបំផុតដើម្បីលក់ចេញ។ ចំណែកប្រភពពី CNBC ឯណោះវិញ ក៏បានរាយការណ៍ថា តម្លៃមាសត្រូវបានរំពឹងថា នឹងនៅតែលើសពីកម្រិត ២,០០០ដុល្លារក្នុង១អោនស៍ នៅឆ្នាំក្រោយ។
ក្រឡែកទៅតម្លៃរូបិយប័ណ្ណគ្រីបតូ (Cryptocurrency) Bitcoin ក៏បន្តងើបឡើងវិញគួរឱ្យកត់សម្គាល់ផងដែរ។ កាលពីថ្ងៃទី៤ ខែធ្នូ តម្លៃទ្រព្យសកម្មឌីជីថលដ៏ល្បីបំផុតមួយនេះ បានកើនឡើងលើស ៤២,០០០ដុល្លារអាមេរិក ដែលជាកម្រិតខ្ពស់បំផុតចាប់តាំងពីខែមេសាឆ្នាំ ២០២២ ដោយតម្លៃបានកើនឡើងច្រើនជាង២ដងចាប់តាំងពីដើមឆ្នាំនេះ។
Bitcoin ក៏សង្ឃឹមថា វិនិយោគិននឹងចាប់ផ្តើមសកម្មភាពបន្តបន្ទាប់ទៀត បន្ទាប់ពីនិយតករអាមេរិកបានចាត់វិធានការប្រឆាំងនឹងប្រធានក្រុមហ៊ុនជួញដូរគ្រីបតូធំជាងគេចំនួន២គឺ FTX និង Binance ខណៈដែលនិយតករអាមេរិកត្រូវបានគេរំពឹងថា នឹងអនុម័តប្រភេទថ្មីនៃការជួញដូរដែលភ្ជាប់ទៅនឹង Bitcoin នៅដើមខែក្រោយ៕
ចែករំលែកព័តមាននេះ