រាជធានីភ្នំពេញ៖ លោកហុង ណារ៉ា ចាងហ្វាងកាសែតកម្ពុជាថ្ងៃនេះ តាមគម្រោងត្រូវកងរាជអាវុធហត្ថលើផ្ទៃប្រទេសនាំខ្លួនមកដល់សាលាដំបូងរាជធានីភ្នំពេញនាព្រឹក ថ្ងៃទី២ កិថុនា ២០១៣ ជាបន្តទៀត ដើម្បីព្រះរាជអាជ្ញារងទទួលកិច្ចការនេះចាត់ការសាកសួរបន្តពីបទរំលោភសេចក្ដីទុកចិត្ត (ឆបោក) ប៉ុន្តែមិនមានវត្តមានរបស់លោកហុង ណារ៉ា ទេ គឺប៉េអឹមគ្រាន់តែ ឡើងទៅយកដីកាឃុំខ្លួនពីលោកព្រះរាជអាជ្ញារងតែប៉ុណ្ណោះ ក៏ដឹកលោកហុង ណារ៉ា ទៅឃុំខ្លួននៅពន្ធនាគារព្រៃ.សបាត់ទៅ។
សូមបញ្ជាក់ថា កាលពីម្សិលមិញ មន្រ្តីការិយាល័យស្រាវជ្រាវបទល្មើសព្រហ្មទណ្ឌរាជអារុធហត្ថលើផ្ទៃប្រទេស បានអនុវត្តតាមដីកាឱ្យចូលខ្លួនរបស់ លោក មាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ នាវេលាម៉ោង ១៧ និង ៣០ នាទី ល្ងាចថ្ងៃទី០១ មិថុនា ២០១៣ ធ្វើការនាំខ្លួន លោក ហុង ណារ៉ា អាយុជាង ៤០ឆ្នាំ មុខរបរជាថៅកែកាសែតកម្ពុជាថ្ងៃនេះ ពាក់ព័ន្ធបទល្មើសរំលោភលើសេចក្តីទុកចិត្ត(ឆបោក) ។
ក្រោយការនាំខ្លួនមកដល់សាលារាជធានីភ្នំពេញ គឺល្ងាចផុតម៉ោងធ្វើការរបស់មន្រ្តីរាជការ ទើបលោកព្រះរាជអាជ្ញារង បានសម្រេចទុក លោក ហុង ណារ៉ា នៅការិយាល័យស្រាវជ្រាវបទល្មើសព្រហ្មទណ្ឌ នៃទីបញ្ជាការកងរាជអាវុធហត្ថលើផ្ទៃប្រទេសសិន ហើយនៅព្រឹកថ្ងៃទី០២ មិថុនា ២០១៣ ស្អែកនេះ ទើបតម្រូវឱ្យនាំទៅសាលាដំបូងរាជធានីភ្នំពេញ ធ្វើការសាកសួរជាថ្មទ ៕
ចែករំលែកព័តមាននេះ