រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានរំលឹកពីអតីតកាលថា កំហុសខាងនយោបាយធ្វើឱ្យកម្ពុជាជួបវិនា.សកម្ម ខណៈធនធានមនុស្សត្រូវបានបាត់បង់ក្រោយធ្វើរដ្ឋប្រហារទម្លាក់សម្តេចព្រះនរោត្តម សីហនុ…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានរំលឹកពីអតីតកាលថា កំហុសខាងនយោបាយធ្វើឱ្យកម្ពុជាជួបវិនា.សកម្ម ខណៈធនធានមនុស្សត្រូវបានបាត់បង់ក្រោយធ្វើរដ្ឋប្រហារទម្លាក់សម្តេចព្រះនរោត្តម សីហនុ ព្រះបរមរតនកោដ្ឋ ឆ្នាំ១៩៧០ ។
ថ្លែងក្នុងឱកាសអញ្ជើញសម្ពោធអគារសិក្សាថ្មីនៃពុទ្ធិកសាកលវិទ្យាល័យ ព្រះសីហមុនីរាជា ស្ថិតក្នុងបរិវេណវត្ត ស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ នាព្រឹកថ្ងៃទី៣០ ខែឧសភា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីបានលើកឡើងថា ប្រទេសកម្ពុជាជឿនលឿនទៅមុខបានទាល់តែមានធនធានមនុស្សគ្រប់គ្រាន់ព្រោះថា កម្ពុជាធ្លាប់មានបទពិសោធន៍ដោយសារសង្គ្រាមបានបំផ្លាញធនធានមនុស្សធ្វើឱ្យកម្ពុជាជាប្រទេសក្រីក្រ ។
សម្ដេចតេជោ បានបន្ដថា ប្រទេសមួយចំនួនគ្មានធនធានធម្មជាតិតែគេបានក្លាយទៅជាអ្នកមានបានដោយសារប្រទេសនោះ ដើរនយោបាយត្រឹមត្រូវ និងមានធនធានមនុស្សគ្រប់គ្រាន់ផងដែរ ។
ជាមួយគ្នានោះដែរ សម្ដេចតេជោ នាយករដ្ឋមន្ដ្រី គូសបញ្ជាក់ថា ៖«សម្រាប់យើង (កម្ពុជា) ក៏ដូចគ្នាដែរ គឺយើងមានកំហុសខាងនយោបាយ ហើយយើងខ្វះធនធានមនុស្ស ។ កំហុសខាងនយោបាយ គឺស្អី? គឺនៅត្រងថា រដ្ឋប្រហារ១៨ មីនា ១៩៧០ ទម្លាក់សម្តេចព្រះនរោត្តម សីហនុ ព្រះបរមរតនកោដ្ឋ នោះហើយ គឺការចាប់ផ្ដើមវិនា.សកម្ម» ។
សម្ដេចតេជោ បន្ថែមថា ប្រទេសកម្ពុជាក្នុងទស្សវត្តន៍៦០ បើប្រៀបធៀបទៅនឹងកូរ៉េខាងត្បូង ប្រាក់ចំណូលរបស់កម្ពុជាមាន២៦៧ដុល្លារ ខណៈកូរ៉េត្បូងមានតែ៧២ដុល្លារប៉ុណ្ណោះ ក្នុងមនុស្សម្នាក់ ។ ប៉ុន្ដែឥឡូវនេះប្រាក់ចំណូលរបស់កម្ពុជាមិនដល់២ពាន់ដុល្លារនោះទេ ក្នុងពេលកូរ៉េខាងត្បូងឡើងដល់៥ម៉ឺនដុល្លារ ។
សម្ដេចបានបានលើកឡើង៖ «បញ្ហានេះ ដោយសារតែដើរនយោបាយខុស រដ្ឋប្រហារទម្លាក់សម្តេចព្រះនរោត្តម សីហនុ» ។ បើតាមការអះអាងរបស់សម្ដេចតេជោ ហ៊ុន សែន បានលើកឡើងថា បើគ្មានរដ្ឋប្រហារ១៨ មីនា ១៩៧០ ទុកឱ្យសម្តេច ព្រះនរោត្តម សីហនុ បន្ដដឹកនាំប្រទេសតទៅទៀតកម្ពុជានឹងទទួលលបានការអភិវឌ្ឍចម្រើនលូតលាស់ មិនជួបវិនា.សកម្មឡើយ ៕
ចែករំលែកព័តមាននេះ