បុរសវ័យចំណាស់ម្នាក់ ត្រូវអ្នកស្រុកព័ទ្ធនិងវា.យរហូតដល់ស្លា.ប់ ពេលចូលផ្ទះគេកណ្តាលយប់
- ព្រៃវែង
ខេត្តព្រៃវែង ៖ បុរសម្នាក់មានវ័យប្រហែល៦០ឆ្នាំ ត្រូវបានអ្នកស្រុកពទ្ធ័ចាប់ និងវា.យរហូតស្លា.ប់បាត់
ព្រៃវែង ៖ បុរសម្នាក់មានវ័យប្រហែល ៦០ ឆ្នាំ ត្រូវបានអ្នកស្រុកពទ្ធ័ចាប់ និងវាយរហូតស្លាប់បាត់បង់ជីវិតនៅកណ្តាលវាលស្រែ ដោយសារតែលួចចូលផ្ទះគេទាំងកណ្តាលយប់ ដែលតាមសមត្ថកិច្ចអះអាងថា បុរសរូបនេះមានបំណងលួចទ្រព្យសម្បត្តិម្ចាស់ផ្ទះ។
ករណីនេះ បានកើតឡើងកាលពីវេលាម៉ោង24និង20នាទី យប់ថ្ងៃទី29 ឈានចូលព្រឹកថ្ងៃទី30មិនា នៅចំណុចភូមិតាម៉ូង ឃុំថ្កូវ ស្រុកកំពង់ត្របែក ខេត្តព្រៃវែង។ ជនសង្ស័យដែលត្រូវបានអ្នកស្រុកព្រួតវាយរហូតស្លាប់ មានឈ្មោះ ឡុង នី អាយុប្រហែល60ឆ្នាំ មាននីលំនៅក្នុងភូមិតាប្រុយ ឃុំព្រៃពោន ស្រុកកំពង់ត្របែក ខេត្តព្រៃវែង។
យោងតាមរបាយការណ៍របស់សមត្ថកិច្ចបានអោយដឹងថា មុនពេលកើតហេតុ ជនសង្ស័យបានលួចចូលទៅក្នុងផ្ទះប្រជាពលរដ្ឋឈ្មោះ អ៊ុច សារឿន ភេទស្រី អាយុ45ឆ្នាំ នៅភូមិតាម៉ូង ក្នុងបំណងចូលលួចទ្រព្យសម្បត្តិ ប៉ុន្តែត្រូវបានម្ចាស់ផ្ទះដឹង ទូរសព្ទ័ហៅបងប្រុសឈ្មោះ អ៊ុន រ៉ា អាយុ52អោយមកជួយ ហើយស្រែកឆោឡោឡើងផ្អើលដល់អ្នកស្រុកក្នុងរោងបុណ្យដែលនៅជិតនោះ នាំគ្នាចេញមកពទ្ធ័ចាប់ចោរបាន និងព្រួតវាយរហូតដល់ចោរស្លាប់បាត់បង់ជីវិតតែម្តង។
បច្ចុប្បន្នសាកសពចោរ ត្រូវបានប្រគល់ទៅអោយសាច់ញាតិយកទៅធ្វើបុណ្យ ចំណែកខាងសមត្ថកិច្ច កំពុងស្រាវជ្រាវកំណត់មុខសញ្ញាជនដៃដល់ ដែលវាយចោរបណ្តាលអោយស្លាប់ ដើម្បីចាត់ការតាមនិតិវិធី។
រូបភាព សាកសពចោរ និង ផ្ទះចោរចូល
ចែករំលែកព័តមាននេះ