បណ្តាសហព័ន្ធកីឡារុស្ស៊ីកាន់តែកៀកក្នុងដំណើរផ្លាស់ពីសមាជិកអឺរ៉ុបទៅចូលរួមនឹងអាស៊ី
រុស្ស៊ី ៖ លោក ឌីមីទ្រី ម៉េដវេដេវ (Dmitry Medvedev) អតីតប្រធានាធិបតីរុស្ស៊ី ដែលបច្ចុប្បន្នជាអនុ
រុស្ស៊ី ៖ លោក ឌីមីទ្រី ម៉េដវេដេវ (Dmitry Medvedev) អតីតប្រធានាធិបតីរុស្ស៊ី ដែលបច្ចុប្បន្នជាអនុ
រុស្ស៊ី ៖ លោក ឌីមីទ្រី ម៉េដវេដេវ (Dmitry Medvedev) អតីតប្រធានាធិបតីរុស្ស៊ី ដែលបច្ចុប្បន្នជាអនុប្រធានក្រុមប្រឹក្សាសន្តិសុខបានអះអាងថា បណ្តាសហព័ន្ធជាតិកីឡារុស្ស៊ី អាចនឹងប្តូរសម្ព័ន្ធភាពពីសមាជិកអឺរ៉ុប ដើម្បីចូលររួមជាសមាជិកអាស៊ី សម្រាប់ការប្រកួតដែលមានកម្រិតខ្ពស់។
អត្តពលិកមកពីប្រទេសរុស្ស៊ី និងបេឡារុស ដែលចូលរួមប្រកួតក្នុងព្រឹត្តិការណ៍អាស៊ី គឺជាសំណើមួយដែលបានធ្វើឡើងនៅពេលគណៈកម្មាធិការអូឡាំពិកអន្តរជាតិ (IOC) កំពុងស្វែងរកផ្លូវ ដើម្បីអនុញ្ញាតិឱ្យអត្តពលិកប្រទេសទាំងពីរ ត្រឡប់ទៅកាន់ការប្រកួតអន្តរជាតិវិញ ប៉ុន្តែស្ថិតក្នុងនាមអត្តពលិកអព្យាក្រឹត។
យ៉ាងណាមិញ ក្រុមប្រឹក្សាអូឡាំពិកអាស៊ី (OCA) បានសន្យាថា ខ្លួនរង់ចាំស្វាគមន៍អត្តពលិករុស្ស៊ី និងបេឡារុសជានិច្ចមកកាន់ការប្រកួតរបស់ខ្លួន ដែលក្នុងនោះរួមទាំងព្រឹត្តិការណ៍ Asian Games 2022 នៅទីក្រុង Hangzhou ប្រទេសចិន ដែលត្រូវបានពន្យារពេលដោយសារជំងឺកូវីដ-១៩។ ស្របពេលដែលអត្តពលិកប្រទេសទាំងពីរកាលពីសប្តាហ៍មុន ក៏បង្ហាញជំហរគាំទ្រគំនិតផ្តួចផ្តើមនេះផងដែរ។
ជាក់ស្តែងសហព័ន្ធអុករុស្ស៊ី បានយល់ព្រមរួចហើយ ដើម្បីផ្លាស់ទៅកា្លយជាសមាជិកសហព័ន្ធអុកអាស៊ី ប៉ុន្តែភាគច្រើននៃពួកគេបានជ្រើសរើសបន្តជាសមាជិកអុកអឺរ៉ុប បើទោះបីជាមានការរឹតបន្តឹងលើជនជាតិរុស្ស៊ី ដែលធ្វើដំណើរទៅកាន់អឺរ៉ុប ដោយសារតែសង្គ្រាមកំពុងកើតឡើងនៅអ៊ុយក្រែនយ៉ាងណាក៏ដោយ។
ការព្រួយបារម្ភត្រូវបានលើកឡើងជុំវិញការអនុវត្តជាក់ស្តែងរបស់អត្តពលិករុស្ស៊ី និងបេឡារុស ដែលប្រកួតប្រជែងក្នុងព្រឹត្តិការណ៍អាស៊ី បើទោះបីជាក្រុមប្រឹក្សាអូឡាំពិកអាស៊ីបានអះអាងថា កូតាសម្រាប់អត្តពលិករបស់ខ្លួន នៅឯព្រឹត្តិការណ៍កីឡាអូឡាំពិកឆ្នាំក្រោយនៅទីក្រុងប៉ារីសពីទ្វីបអាស៊ី នឹងមិនរងផលប៉ះពាល់យ៉ាងណាក៏ដោយ ដ្បិតសហព័ន្ធអន្តរជាតិ រួមទាំងកីឡាបាញ់ធ្នូពិភពលោក បានច្រានចោលអត្តពលិករុស្ស៊ី និងបេឡារុស ដែលចូលរួមប្រកួតនៅអាស៊ីក្នុងគោលបំណងអាចជម្រុះសម្រាប់ព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ២០២៤។
លោក ម៉េដវេដេវ ដែលជាប្រធានាធិបតីរុស្ស៊ីចាប់ពីឆ្នាំ២០០៨ ដល់ឆ្នាំ២០១២ បានទទួលស្គាល់ថាមានគុណសម្បត្តិ និងគុណវិបត្តិទាក់ទងនឹងការផ្លាស់ប្តូរឆ្ពោះក្លាយជាសមាជិកអាស៊ីក្នុងវិស័យកីឡា ប៉ុន្តែលោកបាននិយាយថា វាគួរតែជាជម្រើសមួយដែលត្រូវបានពិចារណា។
«ទាក់ទងនឹងការផ្លាស់ប្តូរទៅសហព័ន្ធអាស៊ី បើវាមានប្រយោជន៍សម្រាប់អត្តពលិកហេតុអ្វីយើងមិនធ្វើ? កន្លែងណាផ្តល់អត្ថប្រយោជន៍ កន្លែងណាផ្តល់គុណវិបត្តិ ប៉ុន្តែកន្លែងណាដែលសហព័ន្ធអាស៊ីស្ថិតនៅកម្រិតខ្ពស់ យើងត្រូវតែផ្លាស់ប្តូរ ហើយបើមានអ្វីកើតឡើង យើងនឹងត្រឡប់មកវិញនៅពេលក្រោយ ឬបន្តនៅទីនោះ»។ ទាំងនេះជាការលើកឡើងរបស់លោក ម៉េដវេដេវ ដែលត្រូវបានដកស្រង់ដោយទីភ្នាក់ងារសារព័ត៌មានរដ្ឋរុស្ស៊ី TASS។
បន្ថែមលើសពីនេះទៀត លោក ម៉េដវេដេវ បានទទួលស្គាល់ថា គឺជាការលំបាកខ្លាំងណាស់សម្រាប់អត្តពលិករុស្ស៊ី ហើយបានរិះគន់ទណ្ឌកម្ម និងបម្រាម ដែលត្រូវបានអនុវត្តដោយសារតែសង្គ្រាមនៅអ៊ុយក្រែន៕ (ដកស្រង់ពី Inside The Games)
ចែករំលែកព័តមាននេះ