រុស្ស៊ីជម្រុញប្រជាជនខ្លួនឱ្យប្រើរថយន្តចិន ក្រោយការចាកចេញរបស់បណ្តាក្រុមហ៊ុនលោកខាងលិច
រុស្ស៊ី-ចិន ៖ នៅពេលដែលការចាកចេញរបស់បណ្តាក្រុមហ៊ុនផលិតរថយន្តប្រទេសលោកខាងលិចពីរុ
រុស្ស៊ី-ចិន ៖ នៅពេលដែលការចាកចេញរបស់បណ្តាក្រុមហ៊ុនផលិតរថយន្តប្រទេសលោកខាងលិចពីរុ
រុស្ស៊ី-ចិន ៖ នៅពេលដែលការចាកចេញរបស់បណ្តាក្រុមហ៊ុនផលិតរថយន្តប្រទេសលោកខាងលិចពីរុស្ស៊ី ដើម្បីឆ្លើយតបនឹងសកម្មភាពឈ្លានពានរបស់ប្រទេសនេះលើអ៊ុយក្រែននោះ វាបានបង្រួមជម្រើសសម្រាប់អ្នកប្រើប្រាស់រុស្ស៊ីទៅនឹងក្រុមហ៊ុនផលិតរថយន្តចិន ដោយប.ង្ខំប្រជាជនរុស្ស៊ីឱ្យយកឈ្នះលើការស្ទាក់ស្ទើររបស់ពួកគេចំពោះការប្រើប្រាស់រថយន្តចិនជាមួយនឹងតម្លៃកាន់តែខ្ពស់។
ក្រុមហ៊ុនផលិតរថយន្តចិនដូចជា Haval, Chery និង Geely ដែលឥឡូវនេះមានចំនួនជិត ៤០% នៃការលក់រថយន្តថ្មីនៅក្នុងប្រទេសរុស្ស៊ី ដោយគេរំពឹងថា នឹងបន្តកើនឡើងថែមទៀត ខណៈដែលទិន្នន័យពីទីភ្នាក់ងារវិភាគ Autostat និងក្រុមហ៊ុនប្រឹក្សា PPK បានបង្ហាញថាចំនួននេះ បានកើនឡើងពីចំនួនដែលមានតិចជាង ១០% នៅក្នុងខែមករាដល់ខែកុម្ភៈ ឆ្នាំ២០២២។
យោងតាមទីភ្នាក់ងារសារព័ត៌មាន Reuters ដែលបានសាកសួរទៅអ្នកទិញរថយន្តនៅរុស្ស៊ីមួយចំនួន ក្នុងនោះរួមទាំងបុគ្គល និងអ្នកចែកចាយ ដែលបានយល់ឃើញថា គុណភាពនៃរថយន្តចិនមួយចំនួនមានកម្រិតទាបជាងរថយន្តលោកខាងលិចដែលជាគូប្រជែង ហើយអ្នកជំនាញក្នុងឧស្សាហកម្មក៏បាននិយាយថា ក្រុមហ៊ុនផលិតរថយន្តចិនចាំបាច់ត្រូវតែពង្រឹងកេរ្តិ៍ឈ្មោះពួកគេ បើទោះបីជាចំណែកទីផ្សាររបស់ពួកគេកើនឡើងយ៉ាងណាក៏ដោយ។
ក្រុមហ៊ុនផលិតរថយន្ត Czech Skoda Auto ដែលជាផ្នែកមួយនៃក្រុមហ៊ុន Volkswagen Group រួមនឹងក្រុមហ៊ុនផលិតរថយន្តលោកខាងលិចជាច្រើនផ្សេងទៀត ដែលមានផលិតកម្មនៅក្នុងប្រទេសរុស្ស៊ីបានស្ថិតក្នុងដំណាក់កាលចុងក្រោយនៃកិច្ចព្រមព្រៀងលក់ទ្រព្យសម្បត្តិរបស់ខ្លួន បន្ទាប់ពីទណ្ឌកម្មរបស់លោកខាងលិចប្រឆាំងនឹងទីក្រុងម៉ូស្គូ ដែលបានបញ្ជូនកងទ័ពទៅឈ្លានពានអ៊ុយក្រែន កាលពីខែកុម្ភៈឆ្នាំមុន។
អតីតប្រធានាធិបតីរុស្ស៊ី លោក Dmitry Medvedev បានលើកឡើងកាលពីថ្ងៃទី២៤ ខែមីនា កន្លងទៅ បន្ទាប់ពីបានធ្វើដំណើរទស្សនកិច្ចទៅកាន់ប្រទេសចិនកាលពីខែធ្នូថា កិច្ចសហប្រតិបត្តិការជាមួយក្រុមហ៊ុនផលិតរបស់ចិនគឺល្អ ហើយការយល់ឃើញរបស់អ្នកប្រើប្រាស់គឺហួសសម័យហើយ។ បុរសវ័យ៥៧ឆ្នាំរូបនេះ បាននិយាយថា «យើងធ្លាប់សើចចំពោះការរចនារបស់ពួកគេខ្លះ ប៉ុន្តែខ្ញុំបានទៅជិះរថយន្តក្នុងស្រុក (រថយន្តចិន) ហើយប្រៀបធៀបទៅនឹងរថយន្តផ្សេង ខ្ញុំនឹងនិយាយដោយត្រង់ៗថា រថយន្តដែលខ្ញុំបើកគឺពិតជាមិនអាក្រក់ជាងរថយន្ត Mercedes នោះទេ»។
យោងតាមទិន្នន័យរបស់ Autostat និង PPK បានបង្ហាញថា ចំណែកទីផ្សាររថយន្តចិនបានឈានដល់ ៣៧.១៥%ក្នុងខែមករាដល់ខែកុម្ភៈ ពោលកើនឡើងពី ៩.៤៨% កាលពីឆ្នាំមុន ខណៈដែលការលក់រថយន្តរបស់អឺរ៉ុប ជប៉ុន និងកូរ៉េ ដែលបានចាកចេញពីប្រទេសរុស្ស៊ី បានធ្លាក់ចុះមកនៅត្រឹម ២២,៦% ពីចំនួន ៧០%។
ទោះជាយ៉ាងណាក៏ដោយ ការកើនឡើងយ៉ាងខ្លាំងបានកើតឡើងចំពេលដែលការលក់រថយន្តថ្មីបានធ្លាក់ចុះ ៥៨.៨% ក្នុងឆ្នាំ២០២២ ដោយសារកម្រិតជីវភាព និងបំណងប្រាថ្នាសម្រាប់រថយន្តផលិតដោយលោកខាងលិចបានធ្វើឱ្យអតិថិជនកាត់បន្ថយការចំណាយរបស់ពួកគេ និងទិញរថយន្តជជុះកាន់តែច្រើន៕ (ដកស្រង់ចេញពី Reuters)
ចែករំលែកព័តមាននេះ