អាណិតខ្លាំងណាស់! យុវជនម្នាក់រុញធុងការ៉េមដើរលក់រាប់សិបគីឡូដី រហូតខ្យល់គផ្អើលផ្លូវជាតិលេខ៤
- ភ្នំពេញ
រាជធានីភ្នំពេញ ៖ ពិតជាគួរឲ្យអាណិតខ្លាំងណាស់! យុវជនម្នាក់រុញធុងការ៉េមដើរលក់គ្រប់ទីកន្លែង
រាជធានីភ្នំពេញ ៖ ពិតជាគួរឲ្យអាណិតខ្លាំងណាស់! យុវជនម្នាក់រុញធុងការ៉េមដើរលក់គ្រប់ទីកន្លែងដើម្បីរកប្រាក់កម្រៃចិញ្ចឹមជីវិត គាត់បានរុញដើរទាំងយប់ទាំងថ្ងៃ ពុំសូវមានពេលសម្រាកនោះទេ រហូតអស់កម្លាំង ហើយសង្ស័យខ្យល់គ ស្រាប់តែដួលសន្លប់ស្ដូកស្ដឹង។
ហេតុការណ៍ខាងលើនេះបានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង៥ល្ងាចថ្ងៃទី២០ ខែមីនា ឆ្នាំ២០២៣ នៅតាមផ្លូវជាតិលេខ៤ ក្នុងភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
យុវជនរងគ្រោះឈ្មោះង៉ែត ប៉ូរ៉ា អាយុ២១ឆ្នាំ មុខរបរ លក់ការ៉េមកី ស្នាក់នៅជាមួយម្តាយមីង នៅភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ និងមានស្រុកកំណើត ភូមិប្រតោង ឃុំស្វាយភ្លើង ស្រុកតាំងគោក ខេត្តកំពង់ធំ ។
បើតាមប្រភពពីកន្លែងកើតហេតុបានឲ្យដឹងថា ដើម្បីតែប្រាក់កម្រៃសម្រាប់ចិញ្ចឹមជីវិត យុវជនរងគ្រោះនេះខំប្រឹងខ្លាំងណាស់ ដោយក្នុង១ថ្ងៃៗគាត់បានរុញធុងការ៉េមដើរលក់គ្រប់ច្រកល្ហករុញដើរចម្ងាយផ្លូវរាប់សិបគីឡូម៉ែត្រ។ គាត់រុញការ៉េមដើរលក់ទាំងយប់ទាំងថ្ងៃតែម្ដង ពុំសូវហ៊ានសម្រាកឡើយ ។ ដោយឡែកនៅថ្ងៃកើតហេតុ ខណៈកំពុងរុញធុងការ៉េមដើរលក់សុខៗ ទំនងជាគាត់អស់កម្លាំងខ្លាំងពេក ក៏ខ្យល់គ បណ្ដាលឲ្យដួល និងសន្លប់ស្ដូកស្ដឹងក្បែរធុងការ៉េមនោះតែម្ដង ។
តាមប្រភពដដែលបានប្រាប់ឲ្យដឹងបន្តទៀតថា ពលនោះបានបង្កឲ្យមានការភ្ញាក់ផ្អើលយ៉ាងខ្លាំង ហើយអ្នកនៅជិតនោះបាននាំគ្នាចូលទៅជួយសង្គ្រោះបឋម ដោយការធ្វើចលនាបេះដូងភ្លាមៗដែរ ប៉ុន្តែយុវជនរូបនោះមិនបានដឹងខ្លួនឡើយ ។ បន្ទាប់មកក៏បានរាយការណ៍ជូនអាជ្ញាធរឲ្យទៅពិនិត្យនិងហៅក្រុមសង្គ្រោះអង្គភាព៧១១ ចុះទៅជួយដឹកយកទៅកាន់មន្ទីរពេទ្យដើម្បីសង្គ្រោះបន្ទាន់។
ចំណែកអ្នកភូមិមានការអាណិតអាសូរយុវជនរូបនេះខ្លាំងណាស់ ហើយបាននាំគ្នាលើកដៃបួងសួងដល់វត្ថុស័ក្ដិសិទ្ធិទាំងពួង សូមជួយតាមថែរក្សាយុវជនដ៏កម្សត់រូបនេះឲ្យរួចផុតពីសេចក្ដីស្លា.ប់ផងចុះ៕
ចែករំលែកព័តមាននេះ