រាជធានីភ្នំពេញ ៖ ក្រសួងធនធានទឹក និងឧតុនិយមបានបានប្រកាសនៅព្រឹកថ្ងៃទី០៨ ខែតុលានេះថា ចាប់ពីថ្ងៃទី០៩ ដល់ថ្ងៃទី១៥ កម្ពុជានឹងមានភ្លៀងធ្លាក់លាយឡំជាមួយនឹងផ្គរ រន្ទះ និងខ្យល់កន្ត្រាក់។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបានប្រកាសនៅព្រឹកថ្ងៃទី០៨ ខែតុលានេះថា ចាប់ពីថ្ងៃទី០៩ ដល់ថ្ងៃទី១៥ កម្ពុជានឹងមានភ្លៀងធ្លាក់លាយឡំជាមួយនឹងផ្គរ រន្ទះ និងខ្យល់កន្ត្រាក់។
ស្ថានភាពអាកាសធាតុដែលបាននឹងកំពុងវិវត្តជាក់ស្ដែងនឹងបន្តវិវត្តជាបន្តបន្ទាប់បានបង្ហាញឲ្យឃើញថា ព្រះរាជាណាចក្រកម្ពុជាស្ថិតនៅក្នុងតំបន់ប្រសព្វរវាងទ្រនុងសម្ពាធខ្ពស់ពីចិន និងជ្រលងសម្ពាធទាប ដែលរុញច្រានពីភាគខាងក្រោមនៃសមុទ្រចិនខាងត្បូង។
ជាមួយគ្នានោះនៅថ្ងៃទី១៣ ខែតុលា ឆ្នាំ២០២២ ក៏នឹងអាចកើតមានសម្ពាធទាបសកម្ម (Active Low) មួយ ដើរចូលមកលើភាគអាគ្នេយ៍នៃប្រទេសវៀតណាម ។
លក្ខណៈបែបនេះនឹងធ្វើឲ្យព្រះរាជាណាចក្រកម្ពុជា ចាប់ពីថ្ងៃទី០៩ ដល់ថ្ងៃទី១៥ ខែតុលា ឆ្នាំ២០២២ ភ្លៀងនឹងនៅតែបន្តធ្លាក់លើផ្ទៃប្រទេស។ ក្នុងនោះបណ្ដាខេត្តនៃតំបន់ខ្ពង់រាបភាគឦសាន និងពាយព្យជាប់ជួរភ្នំដងរែកនឹងអាចមានភ្លៀងធ្លាក់ក្នុងកម្រិតពីតិចទៅមធ្យម ។ សម្រាប់រាជធានី ភ្នំពេញ និងបណ្តាខេត្តដទៃទៀតនៅភាគខាងក្រោមនឹងអាចមានភ្លៀងក្នុងកម្រិតពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់។
ក្រសួងបានបន្តថា នៅលើផ្ទៃសមុទ្រ ក្នុងចន្លោះពីថ្ងៃទី១៣ ដល់ថ្ងៃទី ១៥ ខែតុលា ឆ្នាំ ២០២២ នឹងអាចមានសភាពអាប់អួរ ដោយមានភ្លៀងលាយឡំនឹងខ្យល់បក់បោក និងកំសួលរលកសមុទ្របង្គួរ។
អាស្រ័យដូចបានជម្រាបជូនខាងលើ សូមក្រសួងស្ថាប័នពាក់ព័ន្ធ អាជ្ញាធរដែនដី និងសាធារណជនទទួលជ្រាបជាព័ត៌មាន និងបង្កើនការប្រុងប្រយ័ត្នខ្ពស់៕
ចែករំលែកព័តមាននេះ