រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សម្តេចបានប្រើទូរស័ព្ទស៊េរីអាយហ្វូន១៤(iPhone14 )តែវាពិបាកប្រើប្រាស់ណាស់ ដែលមិនដូចការនិយាយថា អាចភ្ជាប់នឹងប្រព័ន្ធផ្កាយរណបបាននោះ គឺសូន្យ។
ការលើកឡើងរបស់សម្តេចតេជោ ធ្វើឡើងខណៈមនុស្សជាច្រើនកំពុងផ្អើលក្នុងការជាវទូរសព្ទសេរីទំនើបនេះយកមកប្រើប្រាស់។ ជាក់ស្តែងតម្លៃ iPhone14 លក់នៅទីផ្សារប្រទេសកម្ពុជា មានតម្លៃចាប់ពីប្រមាណពី ១០០០ ដុល្លារ ដល់ ២០០០ ដុល្លារ ក្នុងមួយគ្រឿង ទៅតាមស៊េរីរបស់វា។
ថ្លែងក្នុងពិធីប្រគល់សញ្ញាបត្រដល់និស្សិតនៅវិទ្យាស្ថានវ៉ាន់ដា នាព្រឹកថ្ងៃទី០៣ ខែតុលា សម្តេចតេជោហ៊ុន សែន បានគូសបញ្ជាក់សម្តេចបានប្រើប្រាស់ទូរស័ព្ទអាយហ្វូន១៤ (iPhone14)មុនគេ ប៉ុន្តែការប្រើប្រាស់មានការពិបាកជាងការប្រើប្រាស់ទូរស័ព្ទអាយហ្វូនស៊េរីទាបដូចជាអា ហ្វូន១២,១១,១០ផង ប៉ុន្តែគ្រាន់តែធ្វើការអាប់ដេតកម្មវិដីវា។
សម្តេចបញ្ជាក់ថា ៖«ខ្ញុំនិយាយត្រង់ខ្ញុំបានប្រើទូរស័ព្ទអាយហ្វូន១៤មុនគេ ហើយខ្ញុំបានបង្ហោះលើហ្វេសប៊ុកទៀត។ប៉ុន្តែវាប្រើប្រាស់ពិបាកជាងអាទូរស័ព្ទរបស់ខ្ញុំចាស់ទៀត។ខ្ញុំនិយាយអីចឹង ប្រហែលក្រុមហ៊ុនអាយហ្វូនប្តឹងខ្ញុំហើយ តែជារឿងគេអ្នកផលិតសុទ្ធតែនិយាយថា ភ្ជាប់ជាមួយផ្កាយរណបបានវាគ្មានទេ»។
ជាមួយគ្នានោះដែរ សម្តេចក៏បានអំពាវនាវដល់អ្នកលេងសេរីម៉ាក់ទូរស័ព្ទថា កុំចង់ប្រើអី ព្រោះពិបាកប្រើណាស់ បើសិនប្រើស៊េរីiPhone សេរីទាបប្រើទៅវាល្អជាង។ដូចអាសេរី iPhone9 .10.11. 12ល្អជាង គ្រាន់តែយើងធ្វើការអាប់ដេតតាមការណែនាំរបស់គេទៅ។
សម្តេចក៏បានទម្លាយឲ្យដឹងថា សម្តេចអ្នកជាលេងសេរីទូរស័ព្ទជាងគេ ហើយសម្តេចបានប្រើប្រាស់សេវាទូរស័ព្ទរហូតដល់១៨ប្រព័ន្ធឯណោះ។ ការលើកឡើងរបស់សម្តេច បន្ទាប់ពីសម្តេចអះអាងថា សម្តេចទើបមើលទូរស័ព្ទមួយដែលមិនបានមើលតាំងពីមុនសម្តេចទៅក្រៅប្រទេស ដែលទូរស័ព្ទនោះជាប្រព័ន្ធសេវាស្មាត។ការមិនមើលដោយសារសេវាស្មាត គឺនៅក្រៅប្រទេសមិនមានសេវានោះទេ ប៉ុន្តែនៅក្នុងប្រទេសមាន៕
ចែករំលែកព័តមាននេះ