ល្បែ.ងជល់មាន់រាល់ថ្ងៃ អត់អ្នកបង្ក្រាប… សង្ស័យចង្វាចិញ្ចឹមឆ្តោរ
- តាកែវ
ស្របពេលដែលរាជរដ្ឋាភិបាល បើកយុទ្ធនាការជាថ្មីបង្ក្រាបរាល់ល្បែ.ងស៊ីសងគ្រប់ប្រភេទនៅទូទាំងប្រទេស ប្រជាពលរដ្ឋស្រុកអង្គរបូរី បានស្នើទៅលោក
ខេត្តតាកែវ ៖ ស្របពេលដែលរាជរដ្ឋាភិបាល បើកយុទ្ធនាការជាថ្មីបង្ក្រាបរាល់ល្បែ.ងស៊ីសងគ្រប់ប្រភេទនៅទូទាំងប្រទេស ប្រជាពលរដ្ឋស្រុកអង្គរបូរី បានស្នើទៅលោក ឈាង ផាន់ណារ៉ា ស្នងការនគរបាលខេត្តតាកែវ មានវិធានការទៅលើទីតាំងជល់មាន់របស់លោក សឿន ដែលមានទីតាំងនៅភូមិត្រពាំងរការ ឃុំបាស្រែ ស្រុកអង្គរបូរី ខេត្តតាកែវ ផង។
ប្រជាពលរដ្ឋលើកឡើងថា ទីតាំងជល់មាន់របស់លោក សឿន នេះ បើកលេងរាល់ថ្ងៃ ដែលមានក្រុមអ្នកញៀ.នល្បែ.ងប្រភេទនេះ មកលេងហ៊ោកញ្ជ្រៀវកងរំពងមិនរំខានដល់អាជ្ញាធរបន្តិចសោះឡើយ។
ពលរដ្ឋបន្តថា ប៉ូលិសស្រុកអង្គរបូរី ដូចជាត្រូវថ្នាំសណ្តំរបស់លោក សឿន ដែលជាម្ចាស់ទីតាំងជល់មាន់នេះអញ្ចឹង ព្រោះមិនមានការបង្ក្រាបនោះទេ រាប់ចាប់ពីប៉ូលិសប៉ុស្តិ៍ លោកអធិការនគរបាលចាស់ រហូតដល់លោកអធិការនគរបាលថ្មីមកកាន់ដំណែង ក៏លោកសឿន នេះ សែនព្រេនត្រូវដែរ។ ហើយបើមិនមានការបង្ក្រាបនោះទេ ច្បាស់ណាស់អសន្តិសុខក្នុងភូមិ ស្រុកពួកគាត់ នៅតែជាក្តីបារម្ភដដែល។
ជាថ្មីម្តងទៀត ពលរដ្ឋសំណូមពរ ក៏ដូចជារង់ចាំមើលចំណាត់ការពីលោក ឈាង ផាន់ណារ៉ា ស្នងការនគរបាលខេត្តតាកែវ តើអាចបង្ក្រាបទីតាំងជល់មាន់លោក សឿន នេះបានដែរឬទេ? ខណៈពេលបូលិសស្រុកអង្គរបូរី ដូចជាគេសែនព្រេនត្រូវអស់ហើយ ឬមួយចង្វាចិញ្ចឹមឆ្នោរ៕
ចែករំលែកព័តមាននេះ