តៃវ៉ាន់ថ្កោលទោសចិន បន្ទាប់មីស៊ីលជាច្រើនគ្រាប់ហោះពីលើក្រុងតៃប៉ិ
តៃវ៉ាន់ ៖ តៃវ៉ាន់បានថ្កោលទោសចិននៅថ្ងៃសុក្រ ទី ៥ ខែសីហា នេះ ក្រោយពេលចិនបានបា.ញ់មីស៊ីល
តៃវ៉ាន់ ៖ តៃវ៉ាន់បានថ្កោលទោសចិននៅថ្ងៃសុក្រ ទី ៥ ខែសីហា នេះ ក្រោយពេលចិនបានបា.ញ់មីស៊ីល
តៃវ៉ាន់ ៖ តៃវ៉ាន់បានថ្កោលទោសចិននៅថ្ងៃសុក្រ ទី ៥ ខែសីហា នេះ ក្រោយពេលចិនបានបា.ញ់មីស៊ីលជាច្រើនគ្រាប់នៅជុំវិញដែនទឹករបស់តៃវ៉ាន់ និងមានមីស៊ីលជាច្រើនបានហោះពីលើក្រុងតៃប៉ិ។
ចិនបានចាប់ផ្តើមសមយុទ្ធយោធាកាលពីថ្ងៃព្រហស្បតិ៍ ហើយវានឹងត្រូវធ្វើរហូតដល់ថ្ងៃអាទិត្យ។ មហាយក្សចិនបានបា.ញ់មីស៊ីលបាលីស្ទីក និងដាក់ពង្រាយយន្តហោះចម្បាំង និងនាវាចម្បាំងជាច្រើនគ្រឿងជុំវិញកោះតៃវ៉ាន់។
តៃវ៉ាន់បានរាយការណ៍ថា យន្តហោះចម្បាំង និងនាវាចម្បាំងរបស់ចិនបានឆ្លងកាត់ខ្សែបន្ទាត់កណ្តាលដែលរត់កាត់ច្រកសមុទ្រតៃវ៉ាន់នៅព្រឹកថ្ងៃសុក្រ។
ក្រសួងការពារជាតិតៃវ៉ាន់បាននិយាយក្នុងសេចក្តីប្រកាសថា «គិតត្រឹមម៉ោង ១១ព្រឹក យន្តហោះចម្បាំង និងនាវាចម្បាំងរបស់ចិនជាច្រើនគ្រឿងបានធ្វើសមយុទ្ធនៅជុំវិញច្រកសមុទ្រតៃវ៉ាន់ ហើយបានឆ្លងកាត់ខ្សែបន្ទាត់កណ្តាលនៃច្រកសមុទ្រ»។
ទីក្រុងប៉េកាំងបានហៅសមយុទ្ធរបស់ខ្លួនថាជាវិធានការឆ្លើយតបចាំបាច់ទៅកាន់ដំណើរទស្សនៈកិច្ចរបស់ប្រធានសភាអាមេរិក Nancy Pelosi ទៅកាន់កោះតៃវ៉ាន់ ប៉ុន្តែទីក្រុងវ៉ាស៊ីនតោនបានអះអាងថា មេដឹកនាំចិនបានជ្រើសរើសយកការប្រតិកម្មខ្លាំងពេក។
លោកស្រី Nancy Pelosi ការពារដំណើរទស្សនកិច្ចរបស់គាត់នៅថ្ងៃសុក្រនេះ ដោយនិយាយថា ទីក្រុងវ៉ាស៊ីនតោននឹងមិនអនុញ្ញាតិឲ្យចិនបំបែកតៃវ៉ាន់បានឡើយ៕ (យោងតាមប្រភព៖ AFP)
ចែករំលែកព័តមាននេះ