សិស្សស្រី២នាក់ឌុបគ្នាចេញពីសាលារៀន ត្រូវបុរសម្នាក់ធ្វើសកម្មភាពផ្អើលពេញផ្លូវ
- ភ្នំពេញ
សិស្សស្រីសាលាជម្ពូវ័នចំនួន២នាក់ឌុបគ្នាចេញពីសាលារៀន ក៏ត្រូវជនសង្ស័យម្នាក់ឆក់យកទូរស័ព្ទដៃ ហើយជិះម៉ូតូរត់គេច តែត្រូវ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា សិស្សស្រីសាលាជម្ពូវ័នចំនួន២នាក់ឌុបគ្នាចេញពីសាលារៀន ក៏ត្រូវជនសង្ស័យម្នាក់ឆក់យកទូរស័ព្ទដៃ ហើយជិះម៉ូតូរត់គេច តែត្រូវជនរងគ្រោះជិះម៉ូតូដេញតាម រួចស្រែកថា «ចោរៗ» ផ្អើលដល់សមត្ថកិច្ចដេញតាមចាប់ខ្លួនជនសង្ស័យម្នាក់ភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង៥និង៣០នាទីល្ងាច ថ្ងៃទី១៧ ខែកក្កដា ឆ្នាំ២០២២ នៅតាមបណ្ដោយផ្លូវលេខ២០១១ ស្ថិតក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យ ។
សេចក្ត៍រាយការណ៍បានបន្តថា ជនសង្ស័យខាងលើឈ្មោះ ញឹល ធារ៉ា ភេទប្រុស អាយុ៣១ឆ្នាំ មុខរបរលក់ដូរ និងជាអ្នកសារព័ត៌មាន ស្នាក់នៅភូមិព្រៃសាលា ក្នុងសង្កាត់កាកាបទី២ ខណ្ឌពោធិ៍សែនជ័យ ជិះម៉ូតូម៉ាកស្កប់ពី ពណ៌ខ្មៅ ពាក់ស្លាកលេខភ្នំពេញ 1DG-6127 ។ ចំណែកជនរងគ្រោះមានឈ្មោះ ថេត សុភី ភេទស្រី អាយុ១៧ឆ្នាំ ជាសិស្សសាលាជម្ពូវ័ន ស្នាក់នៅភូមិចោមចៅ២ សង្កាត់ចោមចៅទី២ ខណ្ឌពោធិ៍សែនជ័យ ហើយទូរស័ព្ទដែលជនសង្ស័យឆក់ ម៉ាក អាយហ្វន១១ ពណ៌ស្វាយ ។
តាមប្រភពព័ត៌មានពីសមត្ថកិច្ចនគរបាលប៉ុស្តិ៍កាកាបទី១ បានអោយដឹងថា នៅមុនពេលកើតហេតុ ជនរងគ្រោះជិះម៉ូតូម៉ាកនិច បានជូនមិត្តភ័ក្ដិម្នាក់ទៀតទៅផ្ទះ នៅម្តុំហ្គ្រែនភ្នំពេញ ដោយអោយមិត្តភ័ក្តិជាអ្នកឌុប ជនរងគ្រោះជិះពីក្រោយ លុះធ្វើដំណើរមកដល់ចំណុចកើតហេតុ នៅផ្លូវ២០១១ ទល់មុខហាងលក់ម៉ូតូ ជនរងគ្រោះក៏បាននិយាយទូរស័ព្ទទៅកាន់អ្នកផ្ទះ ក៏ស្រាប់តែមានជនសង្ស័យម្នាក់ជិះម៉ូតូម៉ាកស្កប់ពី ពណ៌ខ្មៅ ធ្វើសកម្មភាពឆក់ទូរស័ព្ទដៃពីជនរងគ្រោះ ហើយជិះម៉ូតូគេចខ្លួន តែត្រូវបានជនរងគ្រោះបានស្រែកថា «ចោរៗឆក់ទូរស័ព្ទ»។
ប្រភពដដែលបន្តថា ខណៈពេលភ្លាមៗនោះ កម្លាំងសមត្ថកិច្ចនគរបាលប៉ុស្តិ៍កាកាបទី១ ដែលកំពុងល្បាតនៅក្នុងមូលដ្ឋាន បាននាំគ្នាជិះម៉ូតូដេញតាមប្រផាត់ប្រភីង រួចទាក់ទងទៅកម្លាំងសមត្ថកិច្ចនគរបាលប៉ុស្តិ៍ សង្កាត់គោកឃ្លៀង ខណ្ឌសែនសុខ ជាប់ព្រំប្រទល់ ដើម្បីជួយសហការឃាត់ជនសង្ស័យបានភ្លាមៗ រួចបញ្ជូនជនសង្ស័យមកកាន់ប៉ុស្តិ៍នគរបាលសង្កាត់កាកាបទី១ ខណ្ឌពោធិ៍សែនជ័យ ដើម្បីសួរនាំភ្លាមៗផងដែរ ។ បន្ទាប់ពីសួរនាំជនសង្ស័យខាងលើ ក៏បានសារភាពថា ខ្លួនពិតបានធ្វើសកម្មភាពឆក់ទូរស័ព្ទពីជនរងគ្រោះ ពិតប្រាកដមែន ។
ក្រោយពេលកើតហេតុ សមត្ថកិច្ចនគរបាលប៉ុស្តិ៍កាកាបទី១ បានប្រគល់ទូរស័ព្ទអោយទៅជនរងគ្រោះវិញភ្លាមៗ ចំណែកជនសង្ស័យខាងលើ ក៏ត្រូវបានសមត្ថកិច្ចនគរបាលប៉ុស្តិ៍កាកាបទី១បញ្ជូនជនសង្ស័យ និងមធ្យោបាយម៉ូតូស្កប់ពី ទៅកាន់ផ្នែកជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធីបន្ត ៕
ចែករំលែកព័តមាននេះ