ខេត្តកែប ៖ កសិដ្ឋានភ្ញាស់កូនកង្កែបមួយកន្លែង ស្ថិតនៅភូមិអូរក្រសារ សង្កាត់អូរក្រសារ ក្រុងកែប ខេត្តកែប កំពុងស្វែងរកអ្នកគាំទ្រកសិដ្ឋានរបស់ខ្លួន ខណៈទើបតែបើកដំណើរការចិញ្ចឹមសត្វកង្កែបលក់ផង និងភ្ញាស់កូនកង្កែបលក់ផង…
ខេត្តកែប ៖ កសិដ្ឋានភ្ញាស់កូនកង្កែបមួយកន្លែង ស្ថិតនៅភូមិអូរក្រសារ សង្កាត់អូរក្រសារ ក្រុងកែប ខេត្តកែប កំពុងស្វែងរកអ្នកគាំទ្រកសិដ្ឋានរបស់ខ្លួន ខណៈទើបតែបើកដំណើរការចិញ្ចឹមសត្វកង្កែបលក់ផង និងភ្ញាស់កូនកង្កែបលក់ផង ។
បើយោងតាមការអោយដឹងពីម្ចាស់កសិដ្ឋានភ្ញាស់កូនកង្កែប ឈ្មោះឡាយ បូអ៊ី ភេទប្រុស អាយុ២៨ឆាំ្ន បាននិយាយឱ្យដឹងថា កាលពីព្រឹកថ្ងៃទី២៨ មិថុនា នេះថា កសិដ្ឋានចិញ្ចឹមកង្កែប និងភ្ញាស់កូនកង្កែបនេះ មានការលំបាកខ្លះៗ ដូចជាការថែទាំមេកង្កែបពូជជាដើម ។
ម្ចាស់កសិដ្ឋានចិញ្ជឹមកង្កែបនិយាយប្រាប់អោយដឹងបន្តថា ការភ្ញាស់កូនកង្កែបដំបូងឡើយគេយកមេកង្កែបពូជមេ៥០ក្បាល ឈ្មោលក៏៥០ក្បាលដែរ ។ បន្ទាប់មក កង្កែបឈ្មោលនិងកង្កែបញីបានជួបគ្នាហើយវាបញ្ចេញពងដាក់កន្លែងដែលមានសុវត្ថិភាព រៀបចំទុកជាស្រេចតាមបញ្ចេកទេសជំនាញខាងកសិកម្មរយៈពេល២៤ម៉ោង ទើបភ្ញាស់ចេញជាកូនក្អួករួចចេញជាកូនកង្កែប ។
ម្ចាស់កសិដ្ឋានចិញ្ជឹមកង្កែបនិយាយប្រាប់ថា ការភ្ញាស់កង្កែបម្ដងៗបានកូនកង្កែបជាប់២ម៉ឺនក្បាល ហើយកូនកង្កែបមួយក្បាលៗតម្លៃត្រឹមតែ៣០០រៀលតែប៉ុណ្ណោះ និងកង្កែបសាច់លក់ក្នុងតម្លៃមួយគឺឡូ៩ពាន់រៀល តែបើលាត់ស្បែកហើយក្នុងមួយគីឡូ១ម៉ឺន៨ពាន់រៀល ។ ម្ចាស់កសិដ្ឋាននិយាយថា ការចិញ្ជឹមកង្កែបត្រូវការអ្នកឧស្សាហ៍ព្យាយាមគ្រប់កាលៈទេសៈទាំងអស់ ព្រោះកន្លែងអាងកង្កែបរស់នៅត្រូវការពារកម្ដៅថ្ងៃ និងដូរទឹកយ៉ាងតិចមួយថ្ងៃ៣ដង ។
ម្ចាស់កសិដ្ឋានចិញ្ចឹមកង្កែបនិយាយថា នៅក្នុងសង្កាត់អូក្រសារ ក្រុងកែប នេះ មានតែរូបគាត់ម្នាក់ទេ បើកកសិដ្ឋានចិញ្ចឹមនិងភ្ញាស់កូនកង្កែបនេះ និងត្រូវការរកអ្នកគាំទ្រអោយច្រើនបន្ថែមទៀតងាយស្រួលលក់កង្កែបសាច់ និងលក់កូនកង្កែបទៅតាមបណ្ដាខេត្តផ្សេងៗ ដែលខ្លួនមានចំណង់ចំណូលចង់ចិញ្ចឹមកង្កែប។
លោកប្រធានមន្ទីរកសិកម្មរុក្ខាប្រមាញ់ និងនេសាទខេត្តកែប ធ្លាប់បាននិយាយប្រាប់អោយដឹងថាកសិដ្ឋានចិញ្ចឹមជ្រូក និងកសិដ្ឋានចិញ្ចឹមមាន់មាននៅភ្នំវល្លិចំការបីក្នុងស្រុកដំណាក់ចង្អើរ។ដោយឡែក ក្រុងកែបមិនមានកសិដ្ឋានចញ្ចឹមជ្រូកនិងមាន់ខ្នាតធំទេ។
ចែករំលែកព័តមាននេះ