ខេត្តបន្ទាយមានជ័យ ៖ ជនសង្ស័យម្នាក់ធ្លាប់ជាប់ពន្ធនាគារនៅខេត្តបាត់ដំបង ត្រូវបានសមត្ថកិច្ចឃាត់ខ្លួនសាជាថ្មី ក្រោយធ្វើសកម្មជិះម៉ូតូ១គ្រឿង ពាក់ស្លាកលេខបាត់ដំបង1AL-1386 ឆក់កាបូបគេបានសម្រេច កាលពីវេលាម៉ោង០២រសៀលថ្ងៃទី២០ មិថុនា ឆ្នាំ២០២២ ត្រង់ចំណុចផ្សារគុត្តសត ក្នុងភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។
លោកអធិការបានបញ្ជាក់ថា ជនសង្ស័យឈ្មោះ យី ជ័យ អាយុ៣២ឆ្នាំ រស់នៅភូមិទំនប់ត្រកួន ឃុំឃ្លាំងមាស ស្រុកបវេល ខេត្តបាត់ដំបង ធ្វើសកម្មភាពឆក់កាបូបមានដាក់លុយពីឈ្មោះ ឡេង
គឹមទៀង ភេទស្រី អាយុ៤៩ឆ្នាំ មុខរបរលក់ដូរនៅភូមិយាងថ្មី ឃុំកូបស្រុកអូរជ្រៅ ខេត្តបន្ទាយមានជ័យ នៅក្នុងកាបូបមានប្រាក់ខ្មែរ៥១ម៉ឺនរៀល និងប្រាក់ថៃ២,០០០បាត។
ពេលឆក់បាន ជនរងគ្រោះបានស្រែកឲ្យគេជួយ ពលរដ្ឋនៅក្បែរនោះក៏បានរាយការណ៍ ភ្លាមៗនោះនគរបាលប៉ុស្តិ៍និងកំលាំងជំនាញបានចេញអន្តរាគមន៍ ចាប់ឃាត់បានជនយកមកធ្វើការសាកសួរ ។ នៅចំពោះមុខជនសង្ស័យបានឆ្លើយអះអាងថា រយៈកាលកន្លងមក ធ្លាប់ធ្វើសកម្មភាពឆក់នៅខេត្តបាត់ដំបង និងធ្លាប់ជាប់ពន្ធនាគាររយៈពេលជាង១ឆ្នាំ ទើបតែចេញ ហើយបានមកធ្វើសកម្មភាពឆក់យកកាបូបដាក់លុយពីអ្នកនៅផ្សារគុត្តសតនេះ។
បច្ចុប្បន្ន ជនសង្ស័យនិងម៉ូតូជិៈធ្វើសកម្មភាព នគរ បាលជំនាញផ្នែកព្រហ្មទណ្ឌកំពុងរៀបចំសំណុំរឿងបញ្ជូនមកស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធី ចំណែកាបូបនិងលុយ ស្នើសុំគោលការណ៍ប្រគល់ជូនម្ចាស់ដើមវិញ ៕
ចែករំលែកព័តមាននេះ