ចិនកោះហៅឯកអគ្គរាជទូតជប៉ុនមកសាកសួរ ក្រោយអតីតនាយករដ្ឋមន្ត្រីជប៉ុនថ្លែងពីបញ្ហាតៃវ៉ាន់
ចិន ៖ ក្រសួងការបរទេសចិនបានកោះហៅឯកអគ្គរាជទូតជប៉ុនប្រចាំទីក្រុងប៉េកាំងមកប្រជុំជាបន្ទាន់កាលពីល្ងាចថ្ងៃពុធ ទី1 ធ្នូ
ចិន ៖ ក្រសួងការបរទេសចិនបានកោះហៅឯកអគ្គរាជទូតជប៉ុនប្រចាំទីក្រុងប៉េកាំងមកប្រជុំជាបន្ទាន់កាលពីល្ងាចថ្ងៃពុធ ទី1 ធ្នូ
ចិន ៖ ក្រសួងការបរទេសចិនបានកោះហៅឯកអគ្គរាជទូតជប៉ុនប្រចាំទីក្រុងប៉េកាំងមកប្រជុំជាបន្ទាន់កាលពីល្ងាចថ្ងៃពុធ ទី1 ធ្នូ ។ ការកោះហៅនោះកើតឡើង ក្រោយពេលអតីតនាយករដ្ឋមន្ត្រីជប៉ុនលោក Abe Shinzo បានប្រកាសថា ជប៉ុនមិនអាចឲ្យចិនឈ្លានពានតៃវ៉ាន់បានឡើយ ព្រោះបើតៃវ៉ាន់មានបញ្ហា ជប៉ុនក៏នឹងមានបញ្ហាដែរ។
នៅក្នុងកិច្ចប្រជុំជាមួយឯកអគ្គរាជទូតជប៉ុន លោកស្រី Hua Chunying ឧបការីរដ្ឋមន្ត្រីក្រសួងការបរទេសចិន បានហៅការថ្លែងរបស់លោក Abe Shinzo ថាជាការខុសឆ្គង និងរំលោ.ភបទដ្ឋាននៃទំនាក់ទំនងរវាងចិន និងជប៉ុន។ នេះបើតាមសេចក្តីប្រកាសរបស់ក្រសួងការបរទេសចិន។
លោកស្រីលើកឡើងទៀតថា «ការថ្លែងរបស់លោក Abe ប្រឆាំងដោយបើកចំហរទៅនឹងអធិបតេយ្យភាពរបស់ចិន និងផ្តល់ការគាំទ្រយ៉ាងមុតមាំដល់កងកម្លាំងឯករាជ្យតៃវ៉ាន់ ហើយចិនប្រឆាំងដាច់ខាតចំពោះការថ្លែងនោះ»។
សូមរម្លឹកថាកាលពីថ្ងៃពុធម្សិលមិញ លោក Abe Shinzo បាននិយាយថា ជប៉ុននឹងមិនអាចឲ្យការឈ្លានពានរបស់ចិនលើកោះតៃវ៉ាន់កើតឡើងបានឡើយ និងបានព្រមានមេដឹកនាំចិន Xi Jinping កុំឲ្យវាយតម្លៃខុសពីស្ថានភាពក្នុងតំបន់។
លោកបានលើកឡើងថា ជប៉ុនត្រូវតែដាក់ពង្រាយកងទ័ពជាមុន ដើម្បីទប់ទល់នឹងការបង្កហេតុជាបន្តបន្ទាប់របស់ចិនពីផ្លូវអាកាស និងសមុទ្រ។
លោកបានបង្ហាញថា កោះជប៉ុនចំនួនពីរគឺកោះ Maejima និងកោះ Yonaguni ស្ថិតនៅចំងាយប្រហែល ១០០គីឡូម៉ែត្រប៉ុណ្ណោះពីតៃវ៉ាន់ ហើយរាល់ការឈ្លានពានរបស់ចិនទៅលើតៃវ៉ាន់គឺជាការគំរា.មកំហែងដ៏ធំដល់ទឹកដីរបស់ជប៉ុន ដូច្នេះទីក្រុងតូក្យូមិនអាចឲ្យរឿងបែបនោះកើតឡើងបាននោះទេ។
លោកនិយាយថា ប្រសិនតៃវ៉ាន់មានបញ្ហា ជប៉ុនក៏នឹងមានបញ្ហាដែរ។ ទំនាក់ទំនងជប៉ុន និងតៃវ៉ាន់ប្រៀបបានទៅនឹងសម្ព័ន្ធភាពរវាងជប៉ុន និងអាមេរិកដូច្នេះដែរ។ ការពិតនេះ ចិនមិនត្រូវមើលស្រាលឡើយ។
អតីតនាយករដ្ឋមន្ត្រីដែលកាន់តំណែងបានយូរបំផុតក្នុងប្រវត្តិសាស្ត្រជប៉ុនរូបនេះបាននិយាយទៀតថា ប្រសិនចិន ចាត់វិធានការយោធាប្រឆាំងតៃវ៉ាន់ វានឹងជះឥទ្ធិពលដល់សេដ្ឋកិច្ចពិភពលោក។ ទីក្រុងប៉េកាំងនឹងរងការវា.យប្រហារដ៏ធំ ខណៈដែលការខាតបង់នឹងមានចំនួនលើសពីការទទួលបាន។
លោកបានលើកឡើងទៀតថា តៃវ៉ាន់ និងជប៉ុនគួរពង្រឹងសមត្ថភាពសេដ្ឋកិច្ច និងយោធារបស់ខ្លួន ដើម្បីទប់ទល់នឹងការឈ្លានពានរបស់ចិន ខណៈនេះផងដែរត្រូវបន្តការបញ្ចុះបញ្ចូលទីក្រុងប៉េកាំងឲ្យអនុវត្តន៍ដោំះស្រាយសមហេតុផល និងសន្តិវិធី។
សូមបញ្ជាក់ថា លោក Abe Shinzo បានចុះចេញពីតំណែងនាយករដ្ឋមន្ត្រីកាលពីឆ្នាំមុន។ លោកគឺជាប្រធានគណបក្សប្រជាធិបតេយ្យសេរីដែលកំពុងដឹកនាំប្រទេស និងនៅតែជាបុគ្គលដ៏មានឥទ្ធិពលក្នុងគណបក្ស៕ (យោងតាមប្រភព៖ Channel News Asia & Taiwan News)
ចែករំលែកព័តមាននេះ