ជប៉ុនបន្ថែមទឹកប្រាក់ជិត៧ពាន់លានដុល្លារចូលក្នុងកញ្ចប់ថវិការយោធា
ជប៉ុន ៖ ជប៉ុនគ្រោងបន្ថែមថវិកាចំនួន ៦,៧៥ពាន់លានដុល្លារចូលក្នុងកញ្ចប់ថវិកាយោធាប្រចាំឆ្នាំ ដើម្បីជំរុញដល់វិស័យការពារ
ជប៉ុន ៖ ជប៉ុនគ្រោងបន្ថែមថវិកាចំនួន ៦,៧៥ពាន់លានដុល្លារចូលក្នុងកញ្ចប់ថវិកាយោធាប្រចាំឆ្នាំ ដើម្បីជំរុញដល់វិស័យការពារ
ជប៉ុន ៖ ជប៉ុនគ្រោងបន្ថែមថវិកាចំនួន ៦,៧៥ពាន់លានដុល្លារចូលក្នុងកញ្ចប់ថវិកាយោធាប្រចាំឆ្នាំ ដើម្បីជំរុញដល់វិស័យការពារដែនអាកាស និងសមុទ្រ ខណៈដែលខ្លួនមានការព្រួយបារម្ភពីការគំរា.មកំហែងពីចិន និងកូរ៉េខាងជើង។
រដ្ឋាភិបាលរបស់លោកនាយករដ្ឋមន្ត្រី Fumio Kishida បានធ្វើការអនុម័តថវិកាបន្ថែមនោះកាលពីថ្ងៃសុក្រ ទី ២៦ ខែវិច្ឆិកា កន្លងទៅនេះ។ សមាជិកសភាជប៉ុននឹងត្រូវសុំឲ្យធ្វើការអនុម័តកញ្ចប់ថវិការបន្ថែម។ នេះជាការបញ្ជាក់របស់ក្រសួងការពារជាតិជប៉ុន។
ក្រសួងបាននិយាយថា «ខណៈដែលបរិយាកាសជុំវិញប្រទេសជប៉ុនកាន់តែអាក្រក់ទៅៗ កិច្ចការបន្ទាន់របស់យើងគឺដើម្បីពន្លឿនការអនុវត្តន៍គម្រោងផ្សេងៗជាច្រើន»។
ការបន្ថែមខ្ទង់ចំណាយនឹងជួយឲ្យជប៉ុនអាប់ដេតប្រព័ន្ធមីស៊ីលបាញ់ពីផ្ទៃដីទៅផ្ទៃអាកាស នៅលើកោះជាច្រើនស្ថិតនៅមាត់សមុទ្រចិនខាងកើត និងប្រព័ន្ធមីស៊ីលការពារដែនអាកាស Patriot PAC-3 នៅកន្លែងផ្សេងទៀតដើម្បីការពារប្រឆាំងរាល់អាវុ.ធរបស់កូរ៉េខាងជើង។
ទឹកប្រាក់នោះក៏នឹងជួយឲ្យជប៉ុនទទួលបានមីស៊ីលប្រឆាំងនាវាមុខទឹក យន្តហោះល្បាតដែនសមុទ្រ និងយន្តហោះដឹកទំនិញយោធាផងដែរ។
សូមបញ្ជាក់ថា ការដាក់សម្ពាធកាន់តែខ្លាំងពីសំណាក់ចិន លើកោះតៃវ៉ាន់បានបង្កភាពចលាចលនៅក្នុងប្រទេសជប៉ុន ព្រោះថាប្រសិនចិនគ្រប់គ្រងតៃវ៉ាន់បាន វានឹងធ្វើឲ្យកងកម្លាំងចិនស្ថិតនៅចំងាយប្រមាណ ១០០គីឡូម៉ែត្រប៉ុណ្ណោះពីទឹកដីជប៉ុន និងគំរា.មកំហែងដល់ផ្លូវពាណិជ្ជកម្មតាមសមុទ្រ ដែលផ្គត់ផ្គងប្រេង និងទំនិញផ្សេងៗដល់ជប៉ុន។ វាក៏នឹងអាចធ្វើឲ្យចិនមានមូលដ្ឋានសម្រាប់ចូលទៅកាន់តំបន់ប៉ាស៊ីភិចភាគខាងលិចដោយមិនមានការរំខានផងដែរ៕ (យោងតាមប្រភព៖ CNN)
ចែករំលែកព័តមាននេះ