រាជធានីភ្នំពេញ ៖ រដ្ឋបាលរាជធានីភ្នំពេញសម្រេចបិទខ្ទប់កំណាត់ផ្លូវលេខ ៩៣ ក្នុងភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ ដោយសង្ស័យពាក់ព័ន្ធមេរោគបំប្លែងថ្មី Delta ។
យោងតាមសេចក្តីសម្រេចរបស់ រដ្ឋបាលរាជធានីភ្នំពេញ ចុះថ្ងៃទី ២ សីហា និងចុះហត្ថលេខាដោយលោក ឃួង ស្រេង អភិបាលរាជធានីភ្នំពេញបានបញ្ជាក់ថា «ត្រូវបិទខ្ទប់មិនឱ្យមានការចេញ-ចូល ចំពោះកំណាត់ផ្លូវលេខ ៩៣ ពីចំណុចសាលាបឋមសិក្សាពញាក្រែក រហូតដល់ចំណុចផ្ទះលេខ ១១៦ រួមទាំងលំនៅឋានក្នុងបុរី ខេស៊ី (KC)ស្ថិតនៅក្រុមទី ៤ ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រជធានីភ្នំពេញ ដោយសង្ស័យពាក់ព័ន្ធមេរោគបំប្លែងថ្មី Delta ។
ការសម្រេចបិទរយៈពេល ៧ ថ្ងៃគិតចាប់ពីម៉ោងសូន្យ នាថ្ងៃទី ៣ ខែសីហា ដល់ថ្ងៃទី ៩ ខែសីហា ឆ្នាំ ២០២១ រហូតការស្រាវជ្រាវត្រូវបានបិទបញ្ចប់ ដើម្បីទប់ស្កាត់ការឆ្លងរាលដាលនូវមេរោគបំប្លែងថ្មី ក្នុងសហគមន៍ ៕
ចែករំលែកព័តមាននេះ