ទុកពេល៣ថ្ងៃ! បើអាជីវករលក់មាសអត់ទៅធ្វើតេស្តទេនឹងបិទផ្សារ«កំពង់ត្រាច»តែម្តង
- កំពត
ខេត្តកំពត ៖ លោកឃឹម សាមី អភិបាលរងស្រុកកំពង់ត្រាចនិយាយថា គិតចាប់ពីថ្ងៃ២៦ កក្កដា ២០២១ នេះតទៅ…
ខេត្តកំពត ៖ លោកឃឹម សាមី អភិបាលរងស្រុកកំពង់ត្រាចនិយាយថា គិតចាប់ពីថ្ងៃ២៦ កក្កដា ២០២១ នេះតទៅ រយៈពេល៣ថ្ងៃអាជីវករលក់មាសត្រូវទៅធ្វើតេស្ដដោយខ្លួនឯង ស្ថិតនៅវិទ្យាល័យព្រះបិតាជាតិ ។ តែបើរយៈពេល៣ថ្ងៃនេះ ក្រុមអាជីវកលក់ដូរមិនទៅធ្វើតេស្តទេនោះ អាជ្ញាធរនឹងចេញសេចក្ដីប្រកាសបិទផ្សារកំពង់ត្រាចទាំងស្រុងតែម្ដង ។ ព្រោះមានក្រុមគ្រួសារចំនួន៣ហើយដែលរកឃើញវិជ្ជមានជំងឺកូវីដ19 ដោយរាប់ទាំងលោកប្រធានភាស៊ី ផ្សារកំពង់ត្រាចផង។ លោកហាម បាវ ប្រធានភាស៊ីផ្សារកំពង់ត្រាចពេលនេះ កំពុងសម្រាកព្យាបាលនៅវិឡាល័យព្រះបិតាជាតិ ក្នុងស្រុកកំពង់ត្រាច ។
សូមរំលឹកថា អាជ្ញាធរស្រុកកំពង់ត្រាច កាលពីព្រឹកថ្ងៃទី២៦ កក្កដា បានចុះមកប្រាប់ក្រុមអាជីវកលក់មាសនៅផ្សារកំពង់ត្រាចប្រមាណ៥០នាក់ អោយទៅធ្វើតេស្តរហ័សរកមេរោគកូវីដ19ដោយខ្លួនឯង ចាប់ពីថ្ងៃនេះតទៅ ។ ហើយទីកន្លែងដែលក្រុមអាជីវករលក់មាស និងអ្នកលក់ឥវ៉ាន់ជាច្រើននាក់ទៀត ត្រូវទៅធ្វើតេស្តគឺនៅវិឡាល័យព្រះបិតាជាតិ នៅឃុំកំពង់ត្រាចខាងលិច ស្រុកកំពង់ត្រាច ខេត្តកំពត ។
អាជ្ញាធរស្រុកចុះមកប្រាប់ក្រុមអាជីវកអោយទៅធ្វើតេស្តដោយខ្លួនឯងបែបនេះ គឺបន្ទាប់ពីលោកហាម បាវ ប្រធានភាស៊ីផ្សារកំពង់ត្រាច ត្រូវបានក្រុមគ្រូពេទ្យបានធ្វើតេស្តរកឃើញថា មានវិជ្ជមានកូវីដ19 កាលពីចុងសប្តាហ៍អាទិត្យមុន ។ លោកឃឹម សាមីអភិបាលរងស្រុកកំពង់ត្រាចបាននិយាយប្រាប់ កាលពីព្រឹកថ្ងៃទី២៦ កក្កដាថា ក្នុងនាមអាជ្ញាធរមូលដ្ឋានមានលោកមេឃុំ និងនគរបាល បានប្រាប់អាជីវកលក់មាស ក៏ដូចជាលក់ឥវ៉ាន់ផ្សេងទៀតនៅក្នុងផ្សារកំពង់ត្រាច អោយពួកគាត់ទៅធ្វើតេស្តរកមេរោគកូវីដ19ដោយខ្លួនឯង ។
ចែករំលែកព័តមាននេះ