ខេត្តសៀមរាប៖ បន្ទាប់ពីរកឃើញប្រជាពលរដ្ឋ ដែលរស់នៅខាងមុខផ្សារ ចំនួន ១១នាក់ បានឆ្លងមេរោគកូវីដ-១៩ អាជ្ញាធរស្រុកវ៉ារិន បានសម្រេចបិទការចេញចូលផ្សារ ចំនួន ២…
ខេត្តសៀមរាប៖ បន្ទាប់ពីរកឃើញប្រជាពលរដ្ឋ ដែលរស់នៅខាងមុខផ្សារ ចំនួន ១១នាក់ បានឆ្លងមេរោគកូវីដ-១៩ អាជ្ញាធរស្រុកវ៉ារិន បានសម្រេចបិទការចេញចូលផ្សារ ចំនួន ២ នៅឃុំស្រែណូយ ស្រុកវ៉ារិន ខេត្ដសៀមរាប ជាបណ្តោះអាសន្ន កាលពីល្ងាចថ្ងៃទី១៩ ខែកក្កដា ឆ្នាំ២០២១ តទៅ។
លោក ធិន នីវិធូរ អភិបាលស្រុកវ៉ារិន បានឱ្យដឹងថា បន្ទាប់ពីរកឃើញ ប្រជាពលរដ្ឋ ដែលមានវិជ្ជមានជំងឺកូវីដ-១៩ ចំនួន ១១នាក់ ខាងលើនោះ គឺពួកគាត់បានជាប់ពាក់ព័ន្ធជាមួយអ្នកវិជ្ជមានកូវីដ- ១៩ ម្នាក់ ជាអ្នកលក់ផ្លែឈើ មកពីទីរួមខេត្ដសៀមរាប ប្រហែលជិត ១០ថ្ងៃមុន។
លោកបានបន្ដទៀតថា ប្រជាពលរដ្ឋចំនួន ២១នាក់ មានការសង្ស័យឆ្លងកូវីដ ១៩ ទើបនៅព្រឹកថ្ងៃទី១៩កក្កដា អាជ្ញាធរបានធ្វើតេស្ដពួកគាត់ ហើយជាលទ្ធផលរកឃើញមេរោគកូវីដ-១៩ ចំនួន ១១នាក់ ក្នុងចំណោម ២១នាក់នោះ។
ប្រជាពលរដ្ឋទាំង ១១នាក់ ដែលមានវិជ្ជមានកូវីដ-១៩ ជាអ្នករស់នៅខាងមុខផ្សារស្រែណូយ ទើបអាជ្ញាធរបានសម្រេចបិទផ្សារស្រែណូយ និងផ្សារឯកជនមួយទៀត នៅក្បែនោះ ជាបណ្តោះអាសន្ន។
លោកអភិបាលស្រុក ក៏បានអំពាវនាវដល់ប្រជាពលរដ្ឋអាជីវករ ដែលមានពាក់ព័ន្ធជាមួយអ្នកវិជ្ជមានទាំង ១១នាក់នេះ និងមានការសង្ស័យពីអាការ:មិនស្រួលខ្លួន សូមកយកសំណាកធ្វើតេស្តរកមេរោគកូវីដ ជាមួយអាជ្ញាធរ ហើយត្រូវធ្វើចត្ដាឡីស័ក ឱ្យបាន ១៤ថ្ងៃ តាមការណែនាំរបស់ក្រសួងសុខភិបាល ក៏ដូចជា អាជ្ញាធរខេត្តផងដែរ៕ ច័ន្ទ រស្មី
ចែករំលែកព័តមាននេះ