សមាជិកសភាជាន់ខ្ពស់ឥណ្ឌាដ៏សំខាន់ម្នាក់ស្លា.ប់ ក្រោយជាសះស្បើយពីជំងឺកូវីដ១៩
ឥណ្ឌា ៖ សមាជិកសភាជាន់ខ្ពស់ (Rajya Sabha) នៃសភាជាតិឥណ្ឌាមកពីរដ្ឋ Maharashtra គឺ លោក Rajeev Satav បាន
ឥណ្ឌា ៖ សមាជិកសភាជាន់ខ្ពស់ (Rajya Sabha) នៃសភាជាតិឥណ្ឌាមកពីរដ្ឋ Maharashtra គឺ លោក Rajeev Satav បានទទួលមរណភាពហើយនៅព្រឹកថ្ងៃទី១៦ ខែឧសភា នេះ ក្រោយជាសះស្បើយពីជំងឺកូវីដ១៩ មិនបានប៉ុន្មានថ្ងៃផង។ នេះបើយោងតាមការចេញពីផ្សាយពីសារព័ត៌មាន Indian Today។
លោក Satav អាយុ ៤៦ឆ្នាំត្រូវបានធ្វើតេស្តមានលទ្ធផលវិជ្ជមានកូវីដ១៩ កាលពីចុងខែមេសាកន្លងទៅ។ ហើយត្រូវបញ្ជូនទៅកាន់មន្ទីរពេទ្យ Jehangir ក្នុងទីក្រុង Pune នៃរដ្ឋ Maharashtra ដោយសម្រាកព្យាបាលអស់រយៈពេល ២៣ថ្ងៃ។
បើតាមសម្តីអ្នកនាំពាក្យសភាម្នាក់បានឱ្យដឹងថា លោក Satav បានជាសះស្បើយពីជំងឺកូវីដ១៩។ ប៉ុន្តែគាត់នៅតែបន្តមានបញ្ហាជំងឺរលាកសួត។ ហើយក្រោយមកគាត់ត្រូវបានពេទ្យធ្វើរោគវិនិច្ឆ័យថា មានការឆ្លងមេរោគថ្មី ដោយស្ថិតក្នុងស្ថានភាពធ្ងន់ធ្ងរ។ មុនពេលគាត់ទទួលអនិច្ចកម្ម។
ប្រជាជន និងថ្នាក់ដឹកនាំជាន់ខ្ពស់ឥណ្ឌាជាច្រើននាក់ មានការភ្ញាក់ផ្អើលយ៉ាងខ្លាំង ក្រោយទទួលដំណឹងដ៏ក្រៀមក្រំ ចំពោះការបាត់បង់ធនធានដ៏សំខាន់សម្រាប់ប្រទេសជាតិមួយរូបនេះ ។ ស្របពេលដែលលោកនាយករដ្ឋមន្ត្រីឥណ្ឌា ណារ៉េនដ្រា ម៉ូឌី បានសម្តែងការចូលរួមរំលែកទុក្ខ ចំពោះមរណភាពលោក Rajeev Satav លើទំព័រ Twitter ផ្លូវការរបស់លោក។ ដោយលើកឡើងថា នេះជាការសោកស្តាយ និងខកចិត្តខ្លាំងបំផុត ដោយសារតែការស្លា.ប់របស់មិត្តម្នាក់ពីសភាជាតិឥណ្ឌា។
សូមជម្រាបថា វិបត្តិកូវីដ១៩ នៅក្នុងប្រទេសឥណ្ឌាមិនទាន់ស្រាកស្រាន្តនៅឡើយទេ។ ដោយគិតត្រឹមថ្ងៃទី១៦ ខែឧសភា នេះ អ្នកឆ្លងកូវីដ១៩ សរុបកើនឡើងដល់ជាង ២៤,៦លាននាក់។ ខណៈដែលអ្នកស្លា.ប់សរុបមានចំនួន ២៧០,៣១៩នាក់ហើយ៕
ចែករំលែកព័តមាននេះ