Haaland សារភាពរឿង១ក្រោយ Lewandowski ធ្វើបាន Hat-Trick
អាល្លឺម៉ង់ ៖ ជំនួបដ៏ធំប្រចាំក្របខណ្ឌ Bundesliga បញ្ចប់ទៅយ៉ាងជក់ចិត្តបំផុតកាលពីយប់មិញ ដោយក្រុមម្ចាស់ផ្ទះ Bayern Munich បានវាយបកយកឈ្នះលើក្រុម Dortmund…
អាល្លឺម៉ង់ ៖ ជំនួបដ៏ធំប្រចាំក្របខណ្ឌ Bundesliga បញ្ចប់ទៅយ៉ាងជក់ចិត្តបំផុតកាលពីយប់មិញ ដោយក្រុមម្ចាស់ផ្ទះ Bayern Munich បានវាយបកយកឈ្នះលើក្រុម Dortmund ដោយលទ្ធផល ៤-២។
ខ្សែប្រយុទ្ធ Robert Lewandowski ធ្វើបាន៣គ្រាប់ម្នាក់ឯង (Hat-Trick) ស្របពេល១គ្រាប់ទៀតរកបានដោយខ្សែការពារ Jerome Boateng ជួយ Bayern វាយបកយកឈ្នះលើក្រុមភ្ញៀវ Dortmund ដែលនាំមុខមុន២គ្រាប់តាំងពីដើមតង់ទី១ ដែលសម្រេចបានដោយខ្សែប្រយុទ្ធ Erling Haaland។
Bayern Munich បន្តកាន់កាប់កំពូលតារាងមាន ៥៥ពិន្ទុគិតត្រឹមសប្តាហ៍ទី២៤ មានគម្លាតពីក្រុមលេខ២ Leipzig ចំនួន ២ពិន្ទុ។ ខណៈដែល Dortmund ស្ថិតនៅលេខ៦មាន ៣៩ពិន្ទុ។
ក្រោយចប់ការប្រកួត ខ្សែប្រយុទ្ធវ័យក្មេង Haaland បានសារភាពពីរឿងដ៏លំបាកបំផុត ដើម្បីតាមស្មើគ្រាប់បាល់បញ្ចូលទីជាមួយនឹង Lewandowski ថា «នៅពេលដែលខ្ញុំស៊ុតបាល់បញ្ចូលទី ហើយមាន១គ្រាប់តាមពីក្រោយគាត់។ គាត់ក៏ធ្ចើបាន Hat-Trick ដែលប្រៀបដូចជារឿងធម្មតាសម្រាប់គាត់ដែលត្រូវធ្វើវា»៕ (ដកស្រង់់ចេញពី Goal)
ចែករំលែកព័តមាននេះ