រាជធានីភ្នំពេញ ៖ លោកស្រី ឡេង សុផល នាយិកាប្រតិបត្ដិមូលនិធិសង្គ្រោះ កុមារអាស៊ីអាគ្នេយ៍ នៅរដ្ឋផ្លរីដាសហរដ្ឋ អាមេរិក កាលពីព្រឹកថ្ងៃទី១៧ ឧសភា បាន ដឹកនាំគណៈប្រតិភូមួយក្រុម រួមមានសាស្ដ្រា ចារ្យ និងនិស្សិតពេទ្យ នាំអំណោយឧបករណ៍ មីក្រូទស្សន៍សំរាប់វិភាគឈាមមើលមេរោគ ចំនួន៥គ្រឿង ឯកសណ្ឋានសំរាប់គ្រូពេទ្យឯក ទេសវះកាត់ និងថ្នាំពេទ្យមួយចំនួនទៀតផ្ដល់ ជូនដល់មន្ទីរពេទ្យព្រះកុសុមៈ ។នៅក្នុងឱកាសនោះ លោកស្រី ឡេង សុផល រួមទាំងគណៈប្រតិភូអមដំណើរបាន ជួបសំណេះសំណាល និងទទួលស្វាគមន៍ជា មិត្ដភាពពីសំណាក់លោកសាស្ដ្រាចារ្យវេជ្ជ បណ្ឌិត តេង អឿន នាយកមន្ទីរពេទ្យព្រះ កុសុមៈ និងក្រុមគ្រូពេទ្យជំនាញជាច្រើនរូប នៅមន្ទីរពិសោធន៍ ព្រមទាំងបានធ្វើការ ណែនាំពីរបៀបប្រើប្រាស់និងដកបទ ពិសោធន៍គ្នាទៅវិញទៅមកពីប្រភេទមេរោគ គ្រុនចាញ់ មេរោគរបេង ដែលកំពុងតែរីក រាលដាលនៅក្នុងប្រទេសកម្ពុជា ក៏ដូចជាមាន នៅសហរដ្ឋអាមេរិកដែរ ។
លោកស្រី ឡេង សុផល នាយិកាប្រតិបត្ដិ មូលនិធិសង្គ្រោះកុមារអាស៊ីអាគ្នេយ៍បានថ្លែង ថា ដើម្បីបំពេញនូវតំរូវការរបស់មន្ទីរពេទ្យ ព្រះកុសុមៈ លោកស្រី រួមទាំងសាស្ដ្រាចារ្យ និស្សិតពេទ្យនៅសហរដ្ឋអាមេរិកបាននាំយក អំណោយជាឧបករណ៍មីក្រូទស្សន៍សំរាប់ វិភាគឈាមមើលមេរោគចំនួន៥គ្រឿង រួម ទាំងអាវសំរាប់គ្រូពេទ្យវះកាត់ និងថ្នាំពេទ្យ មួយចំនួនទៀតជូនដល់មន្ទីរពេទ្យសំរាប់ បំពេញការខ្វះខាតផងដែរ ។លោកស្រី ឡេង សុផល បានឱ្យដឹងទៀត ថា បើសិនលោកនាយក ឬក្រុមគ្រូពេទ្យត្រូវ ការឯកសារណាមួយដែលពាក់ព័ន្ធនឹងមេរោគ គ្រុនចាញ់ និងមេរោគរបេង លោកស្រី និង ក្រុមគណៈប្រតិភូនឹងខិតខំស្រាវជ្រាវនាំមក ផ្ដល់ជូនដល់មន្ទីរពេទ្យនៅឆ្នាំក្រោយទៀត ។
គួរបញ្ជាក់ថា អង្គការមូលនិធិសង្គ្រោះ កុមារអាស៊ីអាគ្នេយ៍នៅរដ្ឋផ្លរីដា សហរដ្ឋ អាមេរិក ជារៀងរាល់ឆ្នាំតែងតែនាំអំណោយ ជាឧបករណ៍ និងគ្រឿងបរិក្ខារពេទ្យ ព្រម ទាំងថ្នាំពេទ្យមួយចំនួន មកចែកជូនដល់មន្ទីរ ពេទ្យព្រះកេតុមាលា, មន្ទីរពេទ្យកុមារជាតិ និងមន្ទីរពេទ្យព្រះកុសុមៈ ហើយឆ្នាំនេះក៏បាន នាំយកឧបករណ៍មីក្រូទស្សន៍សំរាប់វិភាគ ឈាមមើលមេរោគ មកផ្ដល់ជូនដល់មន្ទីរ ពេទ្យព្រះកុសុមៈ ដូចឆ្នាំមុនៗដែរ មិនដែល រំលងឡើយ ។ម្យ៉ាងទៀត ថ្ងៃទី១៨ ខែឧសភា គណៈ ប្រតិភូនៃអង្គការមូលនិធិសង្គ្រោះកុមារអាស៊ី អាគ្នេយ៍ នឹងបន្ដដំណើរទៅវិទ្យាល័យប៊ុន រ៉ានី ហ៊ុន សែនវត្ដភ្នំ ដើម្បីផ្សព្វផ្សាយ និងបង្ហាត់ បង្រៀនគ្រូ និងសិស្សផ្នែករូបវិទ្យា គីមីវិទ្យា និងធ្វើលំហាត់ប្រាណ ដែលជាកម្មវិធីចែក រំលែកនូវចំណេះដឹង និងបទពិសោធន៍៍ជូនដល់ និស្សិត និងសិស្សកម្ពុជាយើង ។
ចែករំលែកព័តមាននេះ