ខេត្តបន្ទាយមានជ័យ ៖ ស្ពានឈើឆ្លងស្ទឹងដែលមានអាយុកាល២៥ឆ្នាំ ត្រូវទឹកជំនន់ហូរបុកដាច់បាក់ចូលស្ទឹងព្រះពន្លា កាលពីរសៀលថ្ងៃទី១៣ ខែតុលា ឆ្នាំ២០២០ ស្ថិតក្នុងភូមិ-សង្កាត់ព្រះពន្លា ក្រុងសិរីសោភ័ណ។ បើតាមប្រជាពលរដ្ឋបានប្រាប់ថា…
ខេត្តបន្ទាយមានជ័យ ៖ ស្ពានឈើឆ្លងស្ទឹងដែលមានអាយុកាល២៥ឆ្នាំ ត្រូវទឹកជំនន់ហូរបុកដាច់បាក់ចូលស្ទឹងព្រះពន្លា កាលពីរសៀលថ្ងៃទី១៣ ខែតុលា ឆ្នាំ២០២០ ស្ថិតក្នុងភូមិ-សង្កាត់ព្រះពន្លា ក្រុងសិរីសោភ័ណ។
បើតាមប្រជាពលរដ្ឋបានប្រាប់ថា នៅពេលដែលទឹកឡើង និងហូរខ្លាំង បានបណ្តាលស្ពានឈើឆ្លងស្ទឹងព្រះពន្លា បាក់ចូលស្ទឹងមានប្រវែងជិត១០០ម៉ែត្រ ហើយស្ពាននេះមានអាយុកាល២៥ឆ្នាំមកហើយ ហើយក៏ជាស្ពានឈើដែលប្រជាពលរដ្ឋឆ្លងកាត់ដឹកអាស្រ័យផលផ្សេងៗផងដែរ។
ប្រជាពលរដ្ឋបានបញ្ជាក់ថា ស្ពានឈើឆ្លងស្ទឹងព្រះពន្លា ដែលដាច់បាក់ចូលស្ទឹងនេះ គឺជាស្ពានឈើចាស់ដែលគ្មានដំបូល ហើយស្ពាននេះចាស់ទ្រុឌទ្រោមផង ព្រោះតែស្ពាននេះត្រូវបានកសាងឡើងនៅឆ្នាំ១៩៩៥ រហូតដល់ចុងឆ្នាំនេះ ស្ថានភាពស្ពានឈើមានអាយុកាលជាច្រើនឆ្នាំ ហើយមានសភាពទ្រុឌទ្រោម ធ្វើឱ្យប្រជាពលរដ្ឋឆ្លងកាត់ប្រឈមនឹងគ្រោះថ្នាក់ ហើយត្រូវអាជ្ញាធរក្រុងសិរីសោភ័ណ បញ្ជាឱ្យវ៉ៃឈើខ្វែងបិទបញ្ឈប់ការឆ្លងកាត់តែម្តង។
ប្រជាពលរដ្ឋបានបញ្ជាក់ថា ដោយមានស្ពានថ្មសម្រាប់ឆ្លងកាត់ដែលជាអំណោយថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ហើយប្រជាពលរដ្ឋនៅខាងកើតដងស្ទឹងព្រះពន្លាមានការអភិវឌ្ឍន៍រីកចម្រើន។ ក្រោយពេលដែលអាជ្ញាធរបិទស្ពានឈើចាស់មិនឱ្យឆ្លងកាត់ ហើយរយៈពេល២ទៅ៣ថ្ងៃនេះ ទឹកជំនន់បានជន់ឡើង និងហូរខ្លាំងទៀត ទើបធ្វើឱ្យស្ពានឈើចាស់ដែលមានអាយុកាល២៥ឆ្នាំ បណ្តាលបាក់ចូលស្ទឹងតែម្តង៕
ចែករំលែកព័តមាននេះ