ខេត្តមណ្ឌលគិរី ៖ ទីតាំងKTVមួយកន្លែងទៀត ត្រូវបានសមត្ថកិច្ចបង្ក្រាប ខណៈជំងឺកូវីដ១៩មិនបានថមថយអត្រាឆ្លងនោះទេ ហើយកន្លងមកទីតាំងKTV ពីរកន្លែងក្នុងខេត្តមណ្ឌលគិរី ត្រូវបង្ក្រាបជាបន្តបន្ទាប់ ដើម្បីបង្ការនូវការចម្លងកូវីដ ។
សេចក្តីរាយការណ៍បានឲ្យដឹងថា នៅម៉ោង១០និង២០នាទីយប់ ថ្ងៃទី១២ សីហា ២០២០ KTVយីហោ(កាឡាក់ស៊ីធូ)ស្ថិតក្នុងភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី ត្រូវសមត្ថកិច្ចបង្ក្រាបពេលកំពុងផ្តល់សេវាកម្មផឹកស៊ីច្រៀងរាំក្នុងបន្ទប់បំពានបំរាមរបស់ក្រសួងសុខាភិបាល។
លោក ផេង សាវន់ នាយប៉ុស្តិ៍រដ្ឋបាលឃុំស្រែខ្ទុម បានឲ្យដឹងថា ការបង្ក្រាបគឺដឹកនាំផ្ទាល់ពីលោកស្រី ហួន គឹមហេង ស្នងការរងទទួលផែនប្រឆាំងការជួញដូរមនុស្ស និង
ការពារអនីតិជននៃស្នងការដ្ឋានខេត្តមណ្ឌលគិរី។ លោកថា សមត្ថកិច្ចបានដកហូតនូវសម្ភារមានថាច់ស្គ្រីនចំនួន៣គ្រឿង អាំភ្លីចំនួន៣គ្រឿងក្បាលមេក្រូចំនួន៣អ៊ីហ្វេកចំនួន៣ ផ្លាស់ចំនួន១ ។
លោកនាយប៉ុស្តិ៍បន្តថា គ្រប់ទីតាំងខារ៉ាអូខេទាំងអស់ នៅក្នុងមូលដ្ឋានឃុំស្រែខ្ទុម កន្លងមក សមត្ថកិច្ចបានចុះធ្វើកិច្ចសន្យាឲ្យបញ្ឈប់ទាំងអស់ ប្រសិនបើលបលួចបើកច្រៀងខារ៉ាអូខេម្ចាស់ និងទទួលខុសត្រូវចំពោះមុខច្បាប់ហើយ។
សូមជម្រាបថា KTVខាងលើជាករណីទី៣ ហើយសមត្ថកិច្ចចាត់វិធានការបង្ក្រាប ដោយKTVពីរកន្លែងផ្សេងទៀត មានយីហោ(រ៉ូយ៉ាល់) និង(វង់ភ័ក្រធារី) មានទីតាំងនៅកណ្តាលក្រុងសែនមនោរម្យបង្ក្រាបមុនគេ ។
ចែករំលែកព័តមាននេះ