បាត់ដំបង ៖ ពលករខ្មែរប្រមាណជាង៦០នាក់ ដែលមានបំណងឆ្លងដែនចូលទៅរកការងារធ្វើនៅឯប្រទេសថៃ ត្រូវបានកម្លាំងចម្រុះ ដែលប្រចាំការនៅទីនោះ ធ្វើការឃាត់ ដើម្បីយកមកសាកសួរនាវេលាម៉ោង១៥ និង៣០នាទី ថ្ងៃទី១៤…
បាត់ដំបង ៖ ពលករខ្មែរប្រមាណជាង៦០នាក់ ដែលមានបំណងឆ្លងដែនចូលទៅរកការងារធ្វើនៅឯប្រទេសថៃ ត្រូវបានកម្លាំងចម្រុះ ដែលប្រចាំការនៅទីនោះ ធ្វើការឃាត់ ដើម្បីយកមកសាកសួរនាវេលាម៉ោង១៥ និង៣០នាទី ថ្ងៃទី១៤ ខែឧសភា ឆ្នាំ២០២០ ។
ប៉ុស្តិ៍នគរបាលច្រកទ្វារព្រំដែនអន្តរជាតិដូង សហការជាមួយកម្លាំងវរៈការពារព្រំដែនគោក៨១៩ បានផ្អាកដំណើរពលករខ្មែរដែលបម្រុងឆ្លងដែនទៅធ្វើការនៅប្រទេសថៃ ចំនួន៦៦នាក់ មានស្រី៣០នាក់ ក្មេងចំនួន០៤នាក់ នៅចំណុចប៉ុស្តិ៍ស្វាយចេក ចំណុះឲ្យវរៈការពារព្រំដែនគោកលេខ៨១៩ ។
ក្រោយមកសាកសួរ នៅប៉ុស្តិ៍និងស្ថាប័នពាក់ព័ន្ធរួមមក មន្ត្រីជំនាញបានអប់រំណែនាំឲ្យយល់ពីការឆ្លងដែនខុសច្បាប់ រួចក៏ឲ្យត្រឡប់ទៅលំនៅដ្ឋានរៀងៗខ្លួន ។
សូមជម្រាបថា យោងតាមលិខិតរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដាក់ទៅកាន់អភិបាលខេត្តនានា ស្តីពីការទប់ស្កាត់ប្រជាពលរដ្ឋខ្មែរ កុំឲ្យឆ្លងដែនដោយខុសច្បាប់ ចូលទៅប្រទេសជាតិខាង តាមច្រករបៀងនានា ទោះបីជាតាមរូបភាពណាក៏ដោយ ដើម្បីទប់ស្កាត់នូវការឆ្លងរីករាលដាលនៃជំងឺកូវីដ-១៩ ៕
ចែករំលែកព័តមាននេះ