យោងតាមរបាយការណ៍នៅប្រទេសអេស្ប៉ាញ បានបង្ហាញថាការវិលត្រលប់ទៅកាន់ក្លិបចាស់ Barcelona របស់កីឡាករ Neymar កំពុងមានសញ្ញាវិជ្ជមានសម្រាប់ទីផ្សារដោះដូរកីឡាកររដូវកាលក្រោយ បន្ទាប់ពីរូបគេក៏បានបង្ហាញចេតនា មិនចង់បន្តជាមួយក្លិប Paris Saint-Germain…
យោងតាមរបាយការណ៍នៅប្រទេសអេស្ប៉ាញ បានបង្ហាញថាការវិលត្រលប់ទៅកាន់ក្លិបចាស់ Barcelona របស់កីឡាករ Neymar កំពុងមានសញ្ញាវិជ្ជមានសម្រាប់ទីផ្សារដោះដូរកីឡាកររដូវកាលក្រោយ បន្ទាប់ពីរូបគេក៏បានបង្ហាញចេតនា មិនចង់បន្តជាមួយក្លិប Paris Saint-Germain តទៅទៀតដែរ ។
ក្នុងនោះខ្សែប្រយុទ្ធប្រេស៊ីលរូបនេះ នឹងត្រូវតែកាត់បន្ថយថ្លៃនឿយហាត់របស់ខ្លួន ប្រសិនបើរូបគេចង់វិលត្រឡប់ទៅកាន់អតីតក្លិបចាស់វិញ ។
យោងតាមកាសែត Mundo Deportivo បានអះអាងថា ក្លិប PSG ត្រៀមនឹងផ្តល់ប្រាក់ឈ្នួលដល់កីឡាករវ័យ ២៨ ឆ្នាំរូបនេះ សម្រាប់កុងត្រាថ្មីដែលមានតម្លៃ ៤៤លានផោនក្នុងមួយរដូវកាល ដើម្បីចងចិត្តកីឡាកររូបនេះឲ្យបន្តស្នាក់នៅក្នុងទឹកដី Parc des Princes ។
កិច្ចព្រមព្រៀងថ្មីនេះនឹងធ្វើឲ្យប្រាក់ឈ្នួលរបស់ Neymar នៅតែស្ថិតក្រោមកីឡាករឆ្នើមទាំង២រូបរបស់លើពិភពលោកគឺ Lionel Messi និង Cristiano Ronaldo ។
ផ្ទុយទៅវិញ ប្រសិនបើ Neymar ចង់ផ្លាស់ទៅចូលរួមជាមួយក្លិប Barcelona នោះរូបគេនឹងទទួលបានថ្លៃនឿយហាត់ត្រឹមតែ១៨លានផោនក្នុងមួយរដូវកាលតែប៉ុណ្ណោះ ។
សូមជំរាបជូនថា Neymar បានរួមរស់ជាមួយ PSG បាន៣រដូវកាលរួចមកហើយ បន្ទាប់ពីបានចុះកុងត្រារយៈពេល៥ឆ្នាំក្នុងការបំបែកកំណត់ត្រាដ៏អស្ចារ្យមួយដែលផ្ទេរពី Barcelona ក្នុងតម្លៃ២២២លានអឺរ៉ូកាលពីឆ្នាំ ២០១៧ ៕ (ដកស្រង់ចេញពី The Sun)
ចែករំលែកព័តមាននេះ