រាជធានីភ្នំពេញ ៖ កីឡាករ ឡៅ ចិត្រា មកពីក្លិបកងទ័ពពិសេសឆ័ត្រយោង៩១១ត្រៀមកណ្ដាប់ដៃរួចហើយ ដើម្បីជួបស្វាគមន៍អ្នកប្រដាល់ជើងខ្លាំងមឿន សុខ ហ៊ុច មកពីក្លិបពុទ្ធសេរីវង្សពោធិ៍សែនជ័យ…
រាជធានីភ្នំពេញ ៖ កីឡាករ ឡៅ ចិត្រា មកពីក្លិបកងទ័ពពិសេសឆ័ត្រយោង៩១១ត្រៀមកណ្ដាប់ដៃរួចហើយ ដើម្បីជួបស្វាគមន៍អ្នកប្រដាល់ជើងខ្លាំងមឿន សុខ ហ៊ុច មកពីក្លិបពុទ្ធសេរីវង្សពោធិ៍សែនជ័យ នៅលើសង្វៀនស៊ីអិនស៊ី នាថ្ងៃសៅរ៍ ទី១៨ ខែមេសា ឆ្នាំ២០២០ ក្នុងកម្មវិធី «កម្ពុជា សង្វៀនគុនខ្មែរ» នាចុងសប្តាហ៍នេះ។
រវាងកីឡាករ ឡៅ ចិត្រា និងមឿន សុខហ៊ុច អត់ដែលជួបប្រកួតជាមួយគ្នាពីមុនកឡើយ ប៉ុន្តែបើនិយាយពីបទពិសោធន៍ប្រកួតនៅលើសង្វៀនវិញនោះ គឺជោកជាំដូចគ្នា។ ដូច្នេះសម្រាប់ការជួបគ្នារវាងគេទាំងពីរលើកនេះ មិនអាចមើលស្រាលលើខាងណាម្នាក់បានឡើយ ព្រោះអីម្នាក់ៗសុទ្ធតែមានថ្វីដៃប្រកួតនៅលើសង្វៀនល្អដូចគ្នា លើកនេះខ្លាំងប៉ះខ្លាំងកក្រើកសង្វៀនមិនខានឡើយ។
រីឯកីឡាករ រឿង សោភ័ណ្ឌ ក្លិបមកុដរាជសីហ៍ ប៉ះខ្លាចាស់ ឡុង សុវណ្ណឌឿន ក្លិបសាលវ័ន្តកីឡា។ មួយគូនេះ ពីមុនមកក៏មិនធ្លាប់ជួបប្រកួតជាមួយគ្នាដែរ ព្រោះអីម្នាក់ៗធ្លាប់តែប្រកួតជាមួយកីឡាករបរទេស ទើបតែលើកនេះទេ គេទាំងពីរមានឱកាសបានប្រកួតជាមួយគ្នា។ បើនិយាយពីស្នៀតប្រយុទ្ធ រឿង សោភ័ណ្ឌ ល្អជាងតែគេចាញ់ប្រៀបខាងកំពស់ឡុង សុវណ្ណឌឿនបន្តិច ប្រហែលជាមិនងាយស្រួលនោះទេ។
នៅមានគូប្រកួតពីរគូផ្សេងទៀត កីឡាករ លាស់ យីនក្លិនបក្សីស្លាបដែក ប្រកួតជាមួយកីឡាករ ផាន រះ ក្លិបជ្រៃសែនជ័យខេត្តកំពង់ស្ពឺ ខណៈកីឡាករ សោម ពិសិដ្ធក្លិបអេភូថង កីឡាប្រកួតជាមួយកីឡាករ លាស់ យីនក្លិបជ្រៃសែនជ័យខេត្តកំពង់ស្ពឺ៕ (កែសម្រួលដោយ ៖ បុប្ផា)
ចែករំលែកព័តមាននេះ