ស្មារតីការពារបូរណភាពទឹកដី និងស្នេហាជាតិខ្មែរ
រាជធានីភ្នំពេញ៖ ធនាគារ ឌីជីប៊ីសូមជម្រាបដំណឹងជូន អតិថិជន និងសាធារណជន មេត្តាជ្រាបថាយោងទៅតាមសេចក្តីអំពាវនាវរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី…
រាជធានីភ្នំពេញ៖ ធនាគារ ឌីជីប៊ីសូមជម្រាបដំណឹងជូន អតិថិជន និងសាធារណជន មេត្តាជ្រាបថាយោងទៅតាមសេចក្តីអំពាវនាវរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងសេចក្តីណែនាំលេខៈ ធ១៧.០២៥.០១៩ ស.ក.ណ.ន ចុះថ្ងៃពុធ ៥កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែកក្កដា ឆ្នាំ២០២៥ របស់ធនាគារជាតិ នៃ កម្ពុជា ក្រោមការដឹកនាំរបស់ លោកជំទាវ បណ្ឌិត ជា សិរី អគ្គទេសាភិបាល និងក្នុងស្មារតីសាមគ្គីភាព មនុស្សធម៌ ព្រមទាំងរួមគ្នាដើម្បីជួយសម្រាលបន្ទុកដល់យោធិនដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ ដោយជម្លោះប្រដាប់អាវុធព្រំដែនកម្ពុជា-ថៃ ធនាគារ ឌីជីប៊ី នឹងលុបចោលឥណទានទាំងស្រុង ជូនដល់យោធិនពលីជីវិត អ្នករួមខ្ចី និង យោធិនពិការ ដែលបានធ្វើប្រតិបត្តិការក្នុងសមរភូមិប្រយុទ្ធការពារបូរណភាពទឹកដីកម្ពុជា ។
ធនាគារ ឌីជីប៊ី សូមគោរពកោតសរសើរដល់ភាពអង់អាចក្លាហានរបស់កងទ័ពកម្ពុជា និងការលះបង់ដ៏ធំធេងនៅក្នុងការការពារជាតិមាតុភូមិកម្ពុជាយើង។ ធនាគារ ឌីជីប៊ី និងប្រជាជនខ្មែរទាំងអស់ សូមចងចាំជានិច្ចនូវគំរូវីរភាពមួយនេះ និងប្ដេជ្ញាបន្តរួមចំណែកគាំទ្រ កសាង និងការពារមាតុភូមិយើងឱ្យបានរឹងមាំជានិរន្តរ៍ ៕ អត្ថបទសហការ
ចែករំលែកព័តមាននេះ