រាជធានីភ្នំពេញ៖ កុមារគ្រប់រូបមានសក្តានុពល ក្នុងការក្លាយជាអ្នកដឹកនាំ។ ក្មេងខ្លះអាចមានចរិតលក្ខណៈកាន់តែច្រើន ដែលទាក់ទងនឹងភាពជាអ្នកដឹកនាំ ប៉ុន្តែសមត្ថភាពភាព ជាអ្នកដឹកនាំរបស់កុមារ ទោះក្នុងកម្រិតណាក៏ដោយ គឺអាចបណ្តុះបណ្តាលបាន ។…
រាជធានីភ្នំពេញ៖ កុមារគ្រប់រូបមានសក្តានុពល ក្នុងការក្លាយជាអ្នកដឹកនាំ។ ក្មេងខ្លះអាចមានចរិតលក្ខណៈកាន់តែច្រើន ដែលទាក់ទងនឹងភាពជាអ្នកដឹកនាំ ប៉ុន្តែសមត្ថភាពភាព ជាអ្នកដឹកនាំរបស់កុមារ ទោះក្នុងកម្រិតណាក៏ដោយ គឺអាចបណ្តុះបណ្តាលបាន ។
ខាងក្រោមនេះ គឺជារឿងសាមញ្ញមួយចំនួន ដែលឪពុកម្តាយអាចធ្វើបាន ដើម្បីជួយអភិវឌ្ឍសក្តានុពលរបស់កុមារ សម្រាប់ភាពជាអ្នកដឹកនាំ ៖
១. ប្រសិនបើអ្នកចង់ឱ្យកូន ក្លាយជាអ្នកដឹកនាំ អ្នកគួរអនុញ្ញាតឱ្យកុមារមើលឃើញជាមុនសិន
មេរៀនដ៏ល្អបំផុត គឺជាគំរូរបស់អ្នក ។ មធ្យោបាយដ៏ល្អមួយ ក្នុងការអនុញ្ញាតឱ្យកុមារមើលឃើញ ភាពជាអ្នកដឹកនាំរបស់អ្នក នៅក្នុងសកម្មភាពគឺការស្ម័គ្រចិត្ត សម្រាប់ការងារសហគមន៍រួមគ្នា ។ បង្ហាញពួកគេពីអត្ថន័យ នៃការស្រឡាញ់សហគមន៍ និងអ្នកដទៃ ហើយអនុញ្ញាតឱ្យពួកគេទទួលបាន បទពិសោធន៍ពីអារម្មណ៍ ដែលវាមានឥទ្ធិពលលើជីវិតរបស់អ្នកដទៃ ។
២. អនុញ្ញាតឱ្យពួកគេត្រួសត្រាយផ្លូវរបស់ខ្លួនឯង
អនុញ្ញាតឱ្យកូនរបស់អ្នកបង្កើតផ្លូវ និងគោលបំណងផ្ទាល់ខ្លួន របស់ពួកគេដោយគ្មានការជ្រៀតជ្រែក ឬការគ្រប់គ្រងពីអ្នក ។ អនុញ្ញាតឱ្យពួកគេក្លាយជាខ្លួនឯង ។ គាំទ្រពួកគេ បណ្តុះបណ្តាលពួកគេ បំភ្លឺចំណង់ និងភាពខ្លាំងរបស់ពួកគេ ហើយជួយពួកគេឱ្យក្លាយជាអ្នកដឹកនាំ លើជីវិតរបស់ពួកគេ ។
៣. បង្ហាញពួកគេពីវិធីដើម្បីជោគជ័យ
កំណត់គោលដៅ និងគម្រោងតូចៗដែលពួកគេអាចទទួលបានជោគជ័យ។ ពួកគេនឹងទទួលបាននូវការគោរពខ្លួនឯង និងទំនុកចិត្ត នៅពេលពួកគេបញ្ចប់ការងាររួច។
៤. អនុញ្ញាតឱ្យកូនៗរបស់អ្នក រៀនពីមនុស្សដែលពួកចូលចិត្ត ដើម្បីក្លាយជាអ្នកដឹកនាំបានដូចគ្នា
ត្រូវប្រាកដថាកូនរបស់អ្នក ស្គាល់មនុស្សដែលកំពុងតស៊ូ ហើយកំពុងសម្រេចបានលទ្ធផល ដែលពួកគេចង់បាន ។ អនុញ្ញាតឱ្យពួកគេរៀនសូត្រ ពីមនុស្សទាំងនោះ ដោយផ្ទាល់ ពីអ្វីដែលវាត្រូវការ ដើម្បីក្លាយជាអ្នកដឹកនាំ និងដើម្បីទទួលបានជោគជ័យ ។
៥. បង្រៀនកូនឱ្យចេះស្តាប់អ្នកដទៃនិងខ្លួនគេផ្ទាល់
ស្វែងយល់ពីពួកគេ ដើម្បីឱ្យពួកគេអាចរៀនយល់ពីអ្នកដទៃ។ បង្រៀនកូនរបស់អ្នកពីសារៈសំខាន់ នៃការស្តាប់ខ្លួនឯង និងអ្នកដទៃ ។ គុណសម្បត្តិដ៏សំខាន់ បំផុតមួយរបស់អ្នកដឹកនាំ គឺជំនាញនៃការស្តាប់ ។
៦. បង្រៀនកូនៗអ្នកឱ្យក្លាយជាអ្នកឈ្នះ
បង្រៀនកូនៗរបស់អ្នក ឱ្យក្លាយជាអ្នកឈ្នះ ។ សូមប្រើឱកាសដើម្បីបង្រៀនពួកគេ នូវការតស៊ូ និងការអត់ធ្មត់ ។
៧. ជួយកូនរៀនធ្វើជាអ្នកប្រាស្រ័យទាក់ទងដ៏អស្ចារ្យ
ការប្រាស្រ័យទាក់ទង គឺជាមូលដ្ឋានគ្រឹះ នៃភាពជាអ្នកដឹកនាំ ។ បង្រៀនកូនៗរបស់អ្នកឱ្យនិយាយអ្វី ដែលមានអត្ថន័យនិងប្រយោជន៍ទៅអ្នកដទៃ។ បណ្តុះជំនាញទំនាក់ទំនងរបស់ពួកគេ ហើយ ផ្តល់ឱ្យពួកគេនូវសមត្ថភាព ក្នុងការកសាងទំនាក់ទំនង និងលើកទឹកចិត្តដល់អ្នកដទៃ។
៨. សង្កត់ធ្ងន់លើសារៈសំខាន់ នៃការងារជាក្រុម
ការងារជាក្រុម ជួយកុមារឱ្យរៀនចុះសម្រុង ជាមួយអ្នកដទៃ ដូចជាការធ្វើការនិងសហការគ្នា ដែលអាចឱ្យពួកគេរៀនពីភាពខុសគ្នា ។
៩. បង្ហាញពីសារៈសំខាន់នៃអត្តចរឹត
កុមារដែលអាចរៀនមូលដ្ឋានគ្រឹះ នៃភាពជឿជាក់ ភាពស្មោះត្រង់ ការគោរព និងភាពស្មោះត្រង់ ដើម្បីត្រៀមខ្លួន សម្រាប់ជីវិតនៃភាពជាអ្នកដឹកនាំ ភាពជាដៃគូ និងទំនាក់ទំនងដ៏ជោគជ័យ ។
១០. លើកទឹកចិត្តឱ្យមានការបើកចិត្ត និងបេះដូង
បង្ហាញកូនបស់អ្នក អំពីតម្លៃនៃគំនិតផ្សេងៗរបស់អ្នកដទៃ និងសារៈសំខាន់នៃសមភាព ។ អ្នកត្រូវបង្ហាញអំពីការបើកបេះដូង ទទួលយកមតិរបស់អ្នកដោយបើកចំហ ហើយកូនរបស់អ្នកនឹងធ្វើតាមអ្នក៕ ប្រភព៖ lollydaskal
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ