រាជធានីភ្នំពេញ ៖ ក្រុមហ៊ុន Plus 855 Music បានប្រកាសសម្ពោធជាផ្លូវការ ដើម្បីបន្តចក្ខុវិស័យក្នុងទីផ្សារតន្ត្រី ជាមួយតារាចម្រៀងវ័យក្មេង ដែលមានទេពកោសល្យខ្ពស់…
រាជធានីភ្នំពេញ ៖ ក្រុមហ៊ុន Plus 855 Music បានប្រកាសសម្ពោធជាផ្លូវការ ដើម្បីបន្តចក្ខុវិស័យក្នុងទីផ្សារតន្ត្រី ជាមួយតារាចម្រៀងវ័យក្មេង ដែលមានទេពកោសល្យខ្ពស់ ចំនួន ១០ រូប រួមមាន ៖ La Cima Cartel (មានសមាជិកសរុប ៧ រូប YCN Tomie, YCN Rakkhie, YCN Dizzy, Meezy, Hasha, All3rgy និង Mut Phearin), Dylux ជាសិល្បករដែលពោរពេញដោយសិល្បៈ និងភាពច្នៃប្រឌិត ច្រើនទម្រង់, Monetrey ជាសិល្បករ Indie ដែលមានសម្លេងទន់ភ្លន់ សក្ដិសមបំផុតសម្រាប់ស្រទាប់យុវវ័យ និង Chan Sreykhouch ជាសិល្បករស្រីដំបូងបង្អស់របស់ក្រុមហ៊ុន ដែលមានទឹកដមសម្លេងស្រទន់ និងធ្លាប់បានឆ្លងកាត់ក្នុងការប្រឡងថែមទៀត ។
នៅក្នុងថ្ងៃសម្ពោធជាផ្លូវការ ក្រុមហ៊ុន Plus 855 Music កាលពីថ្ងៃទី ២៥ ខែឧសភា ឆ្នាំ ២០២៥ លោក ស៊ីវ រិទ្ធី នាយកប្រត្តិបត្តិ និងជាស្ថាបនិក Plus 855 Music បានឱ្យដឹងថា ៖ «ក្រុមហ៊ុនមានចក្ខុវិស័យឆ្ពោះទៅគោលដៅរួមគ្នាមួយក្នុងការបង្កើតរបកគំហើញថ្មី ធ្វើឱ្យវប្បធម៌ និងឧស្សាហកម្មតន្ត្រីក្នុងស្រុកមានស្តង់ដារ ដែលគ្រប់គ្នាតែងតែទន្ទឹងចង់បាន» ។
លោក ស៊ីវ រិទ្ធី បន្តថា Plus 855 Music បានបង្កើតឡើងពីឆ្នាំ ២០២៤ មក La Cima Cartel ជាក្រុមសិល្បករដំបូង ដែលចាប់ផ្ដើមដំណើររូមគ្នាជាមួយលោក ។ អ្នកទាំងអស់គ្នាបានស្គាល់ ពួកគាត់តាមរយៈបទអេតាស៊ីវិល កម្រ ផ្កាស្លា 10 ដែលត្រូវបានទទួលស្គាល់ ក៏ដូចជាទទួល បានការគាំទ្រពីសំណាក់យុវវ័យ និងក្មេងៗគ្រប់ជំនាន់ ។ ដូចចក្ខុវិស័យដែលបានរៀបរាប់ នេះហើយជាកត្តាដែលជំរុញសិល្បករឱ្យបង្កើតមានស្នាដៃជាច្រើន លើសពីការធ្វើចម្រៀង ដែលយើងបានឈានដល់ការថត TVC, Documentary រួមមាន Short film ជាមួយ clients យើងផ្សេងៗទៀតហើយក៏មាន Listening party, A day with LACIMA ដែលធ្វើឡើង សម្រាប់អ្នកដែលស្រលាញ់គាំទ្រ La Cima ផ្ទាល់ និងនៅក្នុងចុងឆ្នាំ ២០២៤ ក្រុមការងាររបស់យើងមានឱកាសរួបរួមគ្នាជាមួយ La Cima រៀបចំ Concert ផ្ទាល់ខ្លួនលើកដំបូងគឺ Next level concert ដែលមានអ្នកចូលរួមគាំទ្រយ៉ាងច្រើនកុះករ ។ បន្តមកក្នុងឆ្នាំ ២០២៥ នេះគឺយើងមានការផលិត MV និងថត TVC ជាបន្តបន្ទាប់ ហើយពិសេសបំផុតគឺ មានការសហការជាមួយនឹង Ganzberg Snow កាលពីខែមេសាកន្លងទៅនេះ និងបានបង្កើតឡើង Tour concert ចំនួន ៥ រាជធានីខេត្ត ។
បន្ថែមពីនេះ លោក ស៊ីវ រិទ្ធី បង្ហាញអារម្មណ៍ថា ៖ «ចាប់ពីថ្ងៃដំបូងដល់បច្ចុប្បន្ន ខ្ញុំសូមថ្លែងអំណរគុណចំពោះសិល្បករ និងក្រុមការងារទាំងអស់ដែលនៅតែមានភាពអំណត់ និងក្តីស្រឡាញ់ពិតប្រាកដក្នុងការប្រើប្រាស់ភាសាតែមួយ ហើយតួយ៉ាងរឿងចំបងដែលយើងកំពុងធ្វើនោះគឺ យើងកំពុងព្យាយាមផ្លាស់ប្តូរបែបផែនគ្រប់គ្រងសិល្បករឱ្យមានប្រព័ន្ធគ្រប់គ្រងត្រឹមត្រូវ និងមានតម្លាភាព ដើម្បីធ្វើឱ្យការងារមានភាពងាយស្រួល និងច្បាស់លាស់ជាងនេះនៅក្នុងឧស្សាហកម្មតន្ត្រី ។ នេះហើយជាមូលហេតុដែលយើងហៅ Plus 855 Music ថាជា ៖ «ផ្ទះថ្មីសម្រាប់សិល្បករ» ។
នាយកប្រត្តិបត្តិ និងជាស្ថាបនិករូបនេះ ក៏បានគូសបញ្ជាក់ផងដែរថា Plus 855 Music ក៏មានចក្ខុ វិស័យក្នុងការបើក ឱកាសស្វាគមន៍សិល្បករ សិល្បការនីដែលមានឆន្ទៈចង់ចាប់ផ្ដើមក្នុង វិស័យសិល្បៈ មិនថាពួកគាត់ធ្លាប់ឆ្លងកាត់ការប្រលងសមត្ថភាព ពីមុនមក រឺមិនធ្លាប់ក្ដី ដើម្បីឱ្យពួកគាត់បានមកប្រើប្រាស់ទេព្យកោសល្យដែលពួកគាត់មាន និងដុសខាត់ពង្រឹងបន្ថែម ដើម្បីឱ្យសិល្បៈពួកគាត់ឈានដល់ស្តង់ដារល្អមួយជាមួយ Plus 855 Music ៕ អត្ថបទសហការ
ចែករំលែកព័តមាននេះ