រាជធានីភ្នំពេញ ៖ តើអ្នកឧស្សាហ៍គាំទ្រកូនក្នុងការធ្វើកិច្ចការផ្ទះដែរ ឬទេ ? ពួកគេធ្វើមិនបានក្នុងកិច្ចការទាំងនេះមែនទេ ? ប្រសិនបើបញ្ហាទាំងនេះទាក់ទងនឹងអ្នក កាលវិភាគធ្វើកិច្ចការផ្ទះល្អជាងនេះអាចជួយអ្នកបាន ។…
រាជធានីភ្នំពេញ ៖ តើអ្នកឧស្សាហ៍គាំទ្រកូនក្នុងការធ្វើកិច្ចការផ្ទះដែរ ឬទេ ? ពួកគេធ្វើមិនបានក្នុងកិច្ចការទាំងនេះមែនទេ ? ប្រសិនបើបញ្ហាទាំងនេះទាក់ទងនឹងអ្នក កាលវិភាគធ្វើកិច្ចការផ្ទះល្អជាងនេះអាចជួយអ្នកបាន ។ នៅពេលដែលកាលវិភាគកិច្ចការផ្ទះត្រូវបានដាក់ឱ្យដំណើរការក្នុងរយៈពេលពីរបីសប្តាហ៍ អ្នកក៏អាចឃើញថា កូនរបស់អ្នកនឹងចាប់ផ្តើមធ្វើកិច្ចការផ្ទះរបស់ពួកគេដោយមិនចាំបាច់រំលឹក បើទោះបីជាអ្នកនៅតែត្រូវតាមដានដំណើរការការងាររបស់ពួកគេក៏ដោយ ។
១. កាលវិភាគកិច្ចការផ្ទះមានប្រសិទ្ធភាព ៖ មានកាលវិភាគកិច្ចការផ្ទះជួយកុមារឱ្យយល់ពីអ្វីដែលពួកគេត្រូវការ ហើយការធ្វើតាមកាលវិភាគលើកទឹកចិត្តពួកគេឱ្យបង្កើតក្រមសីលធម៌ការងារល្អ ។ កាលវិភាគក៏ជួយបង្កើតទម្លាប់ល្អដូចជាការបញ្ចប់ការងារទាន់ពេល ។ ទម្លាប់នៃកិច្ចការផ្ទះក៏ធ្វើឱ្យជំនាញសិក្សាកាន់តែប្រសើរឡើង និងលើកទឹកចិត្តកុមារឱ្យរៀបចំផែនការទុកជាមុន ។ តាមរយៈការជួយកូនរបស់អ្នកឱ្យបំពេញការងាររបស់ពួកគេនៅចន្លោះពេលទៀងទាត់ អ្នកកំពុងធ្វើជាគំរូអំពីរបៀបគ្រប់គ្រងពេលវេលា និងគម្រោងនាពេលអនាគត ។
២. បង្កើតកាលវិភាគកិច្ចការផ្ទះ ៖ សូមចាប់ផ្តើមដោយនិយាយជាមួយកូនរបស់អ្នកអំពីរបៀបដែលពួកគេចង់គ្រប់គ្រងពេលវេលា និងបញ្ចូលកិច្ចការផ្ទះទៅក្នុងទម្លាប់ប្រចាំថ្ងៃរបស់ពួកគេ ។ កាលវិភាគកិច្ចការផ្ទះដែលទទួលបានជោគជ័យអនុញ្ញាតឱ្យកុមារបញ្ចប់ការងាររបស់ពួកគេ ហើយក៏មានពេលទំនេរខ្លះផងដែរ ។
៣. ផ្តល់ឱ្យកូននូវជម្រើសមួយ ៖ ប្រសិនបើអ្នកសួរកូនៗនៅពេលពួកគេចង់ធ្វើកិច្ចការផ្ទះរបស់ពួកគេ ចម្លើយដំបូងរបស់ពួកគេអាចជា “មិនដែល” ឬ “ពេលក្រោយ” ។ ប៉ុន្តែប្រសិនបើអ្នកជីកជ្រៅបន្តិច កូនរបស់អ្នកអាចប្រាប់អ្នកពីអ្វីដែលសំខាន់សម្រាប់ពួកគេ នៅពេលពួកគេរៀបចំកាលវិភាគរបស់ពួកគេ ។ ព័ត៌មាននេះនឹងជួយអ្នកឱ្យចៀសផុតពីការកំណត់ពេលធ្វើកិច្ចការផ្ទះក្នុងអំឡុងពេលកម្មវិធីទូរទស្សន៍ដែលពួកគេចូលចិត្ត ឬនៅពេលដែលពួកគេជាធម្មតាចូលអ៊ីនធឺណិតដើម្បីលេងហ្គេមជាមួយមិត្តភក្តិ ។
៤. ទុកពេលទំនេរ ៖ កុមារភាគច្រើនត្រូវញ៉ាំបន្តិចសិន មុននឹងដោះស្រាយកិច្ចការរបស់ពួកគេ ។ នៅពេលអ្នកបង្កើតកាលវិភាគកិច្ចការផ្ទះ សូមចងចាំថា កូនរបស់អ្នកបានចំណាយពេលយ៉ាងតិចប្រាំមួយម៉ោងនៅក្នុងថ្នាក់រៀននៅសាលារួចហើយ ។ ហើយពេលនេះមិនរាប់បញ្ចូលការទៅ និងមកពីសាលា ឬការចូលរួមក្នុងកម្មវិធីក្រៅកម្មវិធីសិក្សាទេ ។
៥. ជ្រើសរើសកន្លែងធ្វើកិច្ចការផ្ទះ ៖ កំណត់កន្លែងដែលមានផាសុកភាព និងមានប្រសិទ្ធភាពសម្រាប់កូនរបស់អ្នកដើម្បីធ្វើកិច្ចការផ្ទះរបស់ពួកគេ ។ កន្លែងធ្វើការនេះគួរតែមានពន្លឺល្អ សម្ភារគ្រប់គ្រាន់ និងស្ងប់ស្ងាត់ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ