រាជធានីភ្នំពេញ ៖ នៅថ្ងៃទី ២៨ ខែមីនា ឆ្នាំ ២០២៥ នេះ ថ្នាក់ដឹកនាំការិយាល័យកណ្តាល និងគ្រប់សាខានៃបណ្តាញគ្រឹះស្ថានអប់រំ…
រាជធានីភ្នំពេញ ៖ នៅថ្ងៃទី ២៨ ខែមីនា ឆ្នាំ ២០២៥ នេះ ថ្នាក់ដឹកនាំការិយាល័យកណ្តាល និងគ្រប់សាខានៃបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប ប្រមាណជាង ១០០នាក់បានចូលរួមដោយផ្ទាល់ និងតាមប្រពន្ធអនឡាញក្នុងវេទិកាចែករំលែក និងពិភាក្សា “LEARNING CAFE” លើប្រធានបទបីផ្សេងគ្នា ដើម្បីចែករំលែកចំណេះដឹង ជំនាញ ព័ត៌មាន និងបទពិសោធន៍ថ្មីៗពីគ្នាទៅវិញទៅមក ក្នុងគោលបំណងជំរុញប្រសិទ្ធភាពបំពេញការងារឱ្យកាន់តែល្អប្រសើរឡើង ក៏ដូចជាបង្កើនសេចក្តីសុខសុភមង្គលក្នុងគ្រួសារ និងទំនាក់ទំនងល្អក្នុងសង្គមផងដែរ ។
សម្រាប់ប្រធានបទដំបូងគេ ”ភាពឆ្លាតវៃផ្នែកអារម្មណ៍-ផ្លូវចិត្ត” ធ្វើបទបង្ហាញដោយឧកញ៉ា ប៉ិច បូឡែន អគ្គនាយកបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប ដែលផ្តោតលើ ៖ ទី ១ មានសតិ ឬត្រូវឈេ្វងយល់ពីខ្លួនឯងឱ្យបានច្បាស់លាស់ ទី ២ ត្រូវចេះលើកទឹកចិត្តខ្លួនឯងជាប្រចាំ ទី៣ ចេះឈេ្វងយល់ពីអារម្មណ៍ និងតម្រូវការរបស់អ្នកដទៃ ទី ៤ មានជំនាញប្រាស្រ័យទាក់ទងល្អក្នុងសង្គម និងទី ៥ មានសមត្ថភាពគ្រប់គ្រងខ្លួនឯងទាំងពេលវេលា សមិទ្ធផលការងារ និងអារម្មណ៍ ។
ចំណែកប្រធានបទទី ២ ”គោលការណ៍ទាំង ១០ ដើម្បីទទួលបានជោគជ័យក្នុងជីវិត” លើកឡើងដោយលោក ពុយ ស៊ីធុន នាយករដ្ឋបាលនៃបណ្តាញគ្រឹះស្ថានអប់រំ វេសឡាញ អេឌ្យូខេសិន ។ គោលការណ៍ទាំងនោះមាន៖ ទី ១ គោលបំណង ទី ២ រក្សាឥរិយាបថវិជ្ជមាន ទី ៣ ទំនាក់ទំនងល្អ ការប្រាស្រ័យទំនាក់ទំនងល្អ ទី ៤ វិន័យផ្ទាល់ខ្លួន ទី ៥ ផ្នត់គំនិតវិជ្ជមាន ទី ៦ ការប្រើប្រាស់ពេលវេលាប្រកបដោយប្រសិទ្ធភាព ទី៧ អភិវឌ្ឍចំណេះដឹង ទី៨ អភិវឌ្ឍសមត្ថភាពផ្ទាល់ខ្លួន ទី៩ ការដឹងគុណ និងទី ១០ ការចេះគ្រប់គ្រង និងប្រើប្រាស់ហិរញ្ញវត្ថុ ។
រីឯប្រធានបទចុងក្រោយគេធ្វើបទបង្ហាញដោយអ្នកគ្រូ ប៊ុន នី នាយិកាសាលារៀនវ៉េស្ទឡាញន៍ សាខាច្បារអំពៅ លើប្រធានបទ “គុណប្រយោជន៍នៃជំនាញទន់” ដោយលើកយកចំណុច ៖ ទី ១ ជំនាញទំនាក់ទំនង ទី ២ ការធ្វើការងារជាក្រុម ទី៣ ជំនាញដោះស្រាយបញ្ហា ទី ៤ ការគ្រប់គ្រងពេលវេលា និងទី ៥ ជំនាញភាពជាអ្នកដឹកនាំ ។
គួរជម្រាបថា បណ្តាញគ្រឹះស្ថានអប់រំ វេសឡាញ អេឌ្យខេសិន គ្រុបបានផ្តល់ឱកាសសិក្សាដល់បុគ្គលិកគ្រប់លំដាប់ថ្នាក់តាមរយៈវគ្គបណ្តុះបណ្តាល សិក្ខាសាលា វគ្គបំប៉នសមត្ថភាព និងអាហារូបករណ៍កម្រិតឧត្តមសិក្សាក្នុងស្រុក និងក្រៅប្រទេស ក្នុងទិសដៅចូលរួមចំណែកអភិវឌ្ឍមូលធនមនុស្សនៅកម្ពុជា ។ លើសពីនេះ វេសឡាញក៏មានយុទ្ធសាស្ត្រផែនការស្នងដំណែងសម្រាប់បុគ្គលិកឆ្នើម ដើម្បីបង្កើនអ្នកដឹកនាំជំនាន់ថ្មី និងទទួលឱកាសរីកចំរើនក្នុងស្ថាប័នផងដែរ ៕ អត្ថបទសហការ
ចែករំលែកព័តមាននេះ