រាជធានីភ្នំពេញ ៖ ហេតុអ្វីបានជាកូនរបស់អ្នកគ្មានកម្លាំងចិត្តក្នុងការធ្វើកិច្ចការសាលា ? វាជាសំណួរដូចជាហួសសម័យកាល ហើយជាសំណួរមួយដែលឪពុកម្ដាយជាច្រើនយល់ថា ពិបាកឆ្លើយ ។ ប៉ុន្តែយើងពិតជាមានវិធីសាស្ត្រមួយចំនួន ដើម្បីលើកទឹកចិត្តកូនរបស់អ្នកឱ្យខំប្រឹងសិក្សានៅសាលារៀន…
រាជធានីភ្នំពេញ ៖ ហេតុអ្វីបានជាកូនរបស់អ្នកគ្មានកម្លាំងចិត្តក្នុងការធ្វើកិច្ចការសាលា ? វាជាសំណួរដូចជាហួសសម័យកាល ហើយជាសំណួរមួយដែលឪពុកម្ដាយជាច្រើនយល់ថា ពិបាកឆ្លើយ ។ ប៉ុន្តែយើងពិតជាមានវិធីសាស្ត្រមួយចំនួន ដើម្បីលើកទឹកចិត្តកូនរបស់អ្នកឱ្យខំប្រឹងសិក្សានៅសាលារៀន ។ ការបណ្ដុះការលើកទឹកចិត្តក្នុងវ័យជំទង់ជារឿយៗអ្នកអាចមានអារម្មណ៍ថា ដូចជាការប្រយុទ្ធគ្នាឡើងភ្នំ ។ វាអាចជាការខកចិត្ត ជាពិសេសក្នុងការឃើញសក្ដានុពលរបស់កូនអ្នកមិនអាចបំពេញបាន នៅពេលដែលពួកគេមិនមានអារម្មណ៍ចង់សិក្សា ឬខំប្រឹងទាល់តែសោះនៅសាលា ។ មិនមែនកុមារទាំងអស់ដែលមិនខំប្រឹងបណ្តាលមកពីការខ្វះការលើកទឹកចិត្តទេ ពេលខ្លះ វាអាចមកពីបញ្ហាការសិក្សា បញ្ហាប្រឈមក្នុងសង្គម ឬបញ្ហាផ្លូវចិត្ត ។ ដូច្នេះត្រូវប្រាកដថា អ្នកប្រាស្រ័យទាក់ទងជាមួយក្មេងជំទង់របស់អ្នក និងស្វែងរកជំនួយដែលមានជំនាញវិជ្ជាជីវៈ ប្រសិនបើពួកគេកំពុងជួបការលំបាក ។
វិធីជំរុញក្មេងជំទង់ឱ្យធ្វើកិច្ចការផ្ទះ ៖ អ្នកត្រូវចូលរួម អ្នកស្ថិតនៅក្នុងក្រុមដូចគ្នាជាមួយក្មេងជំទង់របស់អ្នក ។ អ្នកទាំងពីរចង់បានអ្វីដែលល្អបំផុត អ្នកប្រហែលជាមានវិធីផ្សេងគ្នាក្នុងការបង្ហាញ ។ ខណៈពេលដែលពួកគេកាន់តែធំឡើង និងទទួលបានឯករាជ្យ អ្នកប្រហែលជាមានអារម្មណ៍ចង់ដកខ្លួនចេញឱ្យបានច្រើន ។ ប៉ុន្តែវាមានសារៈសំខាន់ក្នុងការបន្តចូលរួមក្នុងជីវិតរបស់ពួកគេ ដើម្បីផ្តល់ការលើកទឹកចិត្តដល់ពួកគេ ពីព្រោះមានពេលជាច្រើនដែលពួកគេអាចវង្វេង និងបាត់បង់ខ្លួនឯង ។ ប្រសិនបើអ្នកមិនប្រាកដពីរបៀបជំរុញទឹកចិត្តក្មេងជំទង់របស់អ្នកឱ្យប្តេជ្ញាចិត្តក្នុងការសិក្សាទេ សូមប្រាកដថា ពួកគេដឹងថាអ្នកនៅទីនោះ ដើម្បីជួយពួកគេលើកិច្ចការផ្ទះ ឬឆ្លើយសំណួរដែលពួកគេមាន ។ ចូរបង្ហាញចំណាប់អារម្មណ៍លើអ្វីដែលពួកគេរៀននៅក្នុងសាលា និងការរំភើប ហើយកោតសរសើរអំពីសមិទ្ធិផលសិក្សារបស់ពួកគេ ។
ជួយពួកគេឱ្យមើលឃើញរូបភាពធំ ៖ ជួយក្មេងជំទង់របស់អ្នកឱ្យមើលឃើញពីគោលដៅ និងអនាគតរបស់ពួកគេ ។ ពេលខ្លះអ្វីដែលអ្នកត្រូវធ្វើដើម្បីជំរុញទឹកចិត្តក្មេងជំទង់ គឺផ្តល់ឱ្យពួកគេនូវការរំលឹកសាមញ្ញអំពីអ្វីដែលពួកគេកំពុងធ្វើ និងគោលដៅរបស់ពួកគេនៅពេលធំឡើង។ សិស្សមួយចំនួនមិនសូវខំប្រឹងរៀននោះទេ ប្រសិនបើពួកគេមិនអាចមើលឃើញគោលដៅចុងក្រោយ ។ អ្នកអាចលើកទឹកចិត្តកូនរបស់អ្នកនៅផ្ទះដោយរំលឹកពួកគេថា ហេតុអ្វីបានជាចំណាត់ថ្នាក់របស់ពួកគេមានសារៈសំខាន់ ? ហេតុអ្វីបានជាការសិក្សាសំខាន់ ? តើមានសាកលវិទ្យាល័យណាដែលពួកគេចង់ចូលរៀនដែរ ឬទេ ? តើពួកគេមានអាជីពក្នុងសុបិនទេ ?
រក្សាភាពវិជ្ជមាន ៖ សូមក្លាយជាឥទ្ធិពលវិជ្ជមានលើកូនរបស់អ្នក ។ សូមរក្សាទំនាក់ទំនងរបស់អ្នកជាមួយកូនដោយបើកចំហ វិជ្ជមាន និងការគោរព ។ វានឹងប៉ះពាល់ដល់ការលើកទឹកចិត្ត ក៏ដូចជាទំនាក់ទំនងរបស់អ្នក ប្រសិនបើអ្នកចូលចិត្តដាក់ទណ្ឌកម្ម ឬគម្រាមកំហែងពួកគេឱ្យប្រឹងប្រែងរៀននៅសាលា ហើយវានឹងមានឥទ្ធិពលអវិជ្ជមានមកវិញ ។ ព្យាយាមស្វែងយល់ពីកូន សាលារៀន មុខវិជ្ជាដែលពួកគេចូលចិត្ត និងមនុស្សដែលពួកគេកោតសរសើរ ឬគ្រូដែលអាចបំផុសគំនិតពួកគេ ។ ក្មេងភាគច្រើនក៏នឹងត្រូវបានលើកទឹកចិត្ត ពេលពួកគេចូលរួមក្នុងរឿងដែលពួកគេគិតថាសប្បាយ ដូច្នេះសូមលើកទឹកចិត្តពួកគេឱ្យបានច្រើនតាមតែអាចធ្វើទៅបាន ដើម្បីផ្តោតលើអ្វីដែលពួកគេរីករាយ និងចាប់អារម្មណ៍អំពីសាលារៀន ។ គ្មាននរណានិយាយថា ការធ្វើជាឪពុកម្ដាយ គឺងាយស្រួលទេ ។
ចងចាំនូវយុទ្ធសាស្ត្រទាំងនេះនៅក្នុងចិត្ត ៖ ដឹកនាំកូនដោយធ្វើជាគំរូដ៏ល្អ, សន្ទនាប្រកបដោយអត្ថន័យអំពីអនាគតរបស់ពួកគេ, ជួយពួកគេបំបែកគោលដៅរបស់ពួកគេទៅជារយៈពេលខ្លី និងរយៈពេលវែង, លើកទឹកចិត្តចំពោះចំណង់ចំណូលចិត្តរបស់ពួកគេ និងផ្តល់រង្វាន់ដល់ការខិតខំប្រឹងប្រែងរបស់ពួកគេ មិនមែនលទ្ធផលនោះទេ ៕ ប្រភព ៖ study
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ