រាជធានីភ្នំពេញ ៖ ប្រជាជនកម្ពុជាភាគច្រើននៅតែគិតថា ជំងឺបេះដូង គឺជាបញ្ហារបស់ “អ្នកដទៃ” មិនមែនជាបញ្ហាខ្លួនឯងទេ ។ ប៉ុន្តែជាក់ស្តែង ការពិតកំពុងបង្ហាញអ្វីផ្ទុយទៅវិញ…
រាជធានីភ្នំពេញ ៖ ប្រជាជនកម្ពុជាភាគច្រើននៅតែគិតថា ជំងឺបេះដូង គឺជាបញ្ហារបស់ “អ្នកដទៃ” មិនមែនជាបញ្ហាខ្លួនឯងទេ ។ ប៉ុន្តែជាក់ស្តែង ការពិតកំពុងបង្ហាញអ្វីផ្ទុយទៅវិញ ។
ការយល់ច្រឡំកំពុងធ្វើឲ្យបេះដូងមានបញ្ហាដោយមិនដឹងខ្លួន ៖
នៅថ្ងៃទី ២៩ ខែ កញ្ញា កន្លងទៅ យោងតាមរបាយការណ៍ “ការយល់ច្រឡំដែលបណ្តាលឲ្យមានបញ្ហាបេះដូង” បានចាក់ផ្សាយតាមកញ្ចក់ទូរទស្សន៍ដូចជា ៖ CTN, Bayon, HMTV ដែលទាក់ទាញការចាប់អារម្មណ៍យ៉ាងច្រើនពីសាធារណជន ។ វាមិនត្រឹមតែជាការក្រើនរំលឹកអំពីអត្រាកើនឡើង និងការកើតមានជំងឺបេះដូងនៅវ័យក្មេងទេ ប៉ុន្តែក្នុងនោះក៏ថែមទាំងបង្ហាញអំពីការយល់ច្រឡំំគ្រោះថ្នាក់មួយ ដែលជាមូលហេតុនាំទៅរកជំងឺបេះដូង ។ ការយល់ច្រឡំនេះរួមមាន ៖ ជំងឺបេះដូងជាជំងឺតំណពូជ, មានតែមនុស្សចាស់ប៉ុណ្ណោះដែលកើតជំងឺនេះ ឬជំងឺកើតទៅលើអ្នកធាត់ប៉ុណ្ណោះ ។
ឆ្លើយតបទៅនឹងការយល់ឃើញបែបនេះ លោកវេជ្ជបណ្ឌិត ថេង យូដាលីន ប្រធានផ្នែកបេះដូង និងសរសៃឈាម នៃមន្ទីរពេទ្យ កាល់ម៉ែត បានបញ្ជាក់ថា ៖ “ជំងឺបេះដូងមិនលើកលែងនរណាម្នាក់ឡើយ!” ។ តាមបទពិសោធន៌ជាច្រើនឆ្នាំក្នុងវិស័យវេជ្ជសាស្ត្រ គាត់បានលើកឡើងថា ការយល់ច្រឡំនេះមានជាយូរមកហើយ ហើយបន្តជាបញ្ហាគួរឲ្យព្រួយបារម្ភ ។ ព្រោះការយល់ច្រឡំនេះនាំឲ្យមានការយល់ខុសពីទម្លាប់រស់នៅ និងរបបអាហារ ដែលប៉ះពាល់ដល់បេះដូងដោយមិនដឹងខ្លួន ។
ក្នុងកម្មវិធីផងដែរ លោកវេជ្ជបណ្ឌិត យូ ដាលីន ក៏បានបញ្ជាក់ថា មូលហេតុសំខាន់ដែលបណ្តាលឱ្យកើតជំងឺបេះដូង គឺបណ្តាលមកពីទម្លាប់រស់នៅមិនល្អ (ជក់បារី, ផឹកស្រាបៀរច្រើន) ខ្វះលំហាត់ប្រាណ និងរបបអាហារដែលមានកូឡេស្តេរ៉ូលខ្ពស់ ។ លោកបានពន្យល់ទៀតថា ៖ «កូឡេស្តេរ៉ូល មានច្រើននៅក្នុងខ្លាញ់ សរីរាង្គសត្វ និងអាហារបំពងឬ Fastfood ។ នៅពេលរាងកាយទទួលយកកូឡេស្តេរ៉ូលច្រើនពេក វានឹងបង្កើតជាកូឡេស្តេរ៉ូលអាក្រក់ ដែលប្រមូលផ្តុំជាកំណកស្ទះនៅក្នុងសរសៃឈាម ធ្វើឱ្យទំហំនៃសរសៃឈាមរួមតូចដែលនាំឱ្យមានការស្ទះសរសៃឈាមណាមួយដូចជា ការគាំងបេះដូង និងដាច់សរសៃឈាមខួរក្បាល» ។
តាមរបាយការណ៍របស់អង្គការសុខភាពពិភពលោក (WHO) ជំងឺបេះដូងជាមូលហេតុចម្បងនៃការស្លា.ប់នៅក្នុងប្រទេសកម្ពុជា ។ ហេតុនេះ ការការពារជំងឺបេះដូង គឺជាការចាំបាច់ មិនមែនជាជម្រើសទៀតនោះទេ ។
ដំណោះស្រាយសម្រាប់បេះដូងមានសុខភាពល្អ ចាប់ផ្តើមពីការផ្លាស់ប្តូរតូចៗ ៖
ក្នុងកម្មវិធី លោកវេជ្ជបណ្ឌិត យូ ដាលីន បានផ្ដល់អនុសាសន៍ឲ្យមនុស្សគ្រប់គ្នា កែប្រែទម្លាប់រស់នៅ បន្ថែមលំហាត់ប្រាណ និងកែសម្រួលរបបអាហារ ដោយកាត់បន្ថយខ្លាញ់អាក្រក់ និងជ្រើសរើសខ្លាញ់ល្អដែលគ្មានកូឡេស្តេរ៉ូល ។ លោកបន្ថែមថា ការផ្លាស់ប្តូរនេះអាចកាត់បន្ថយហានិភ័យជំងឺបេះដូងបានដល់ទៅ ៨០% ។
និយាយពីខ្លាញ់សម្រាប់អាហារ គាត់បានណែនាំឲ្យប្រើប្រេងបន្លែ ជាពិសេសប្រេងដែលមានគុណប្រយោជន៍ល្អសម្រាប់បេះដូង ដូចជា ប្រេងសណ្តែកសៀង (Omega 3-6-9), ប្រេងអង្ករសម្រូប (Gamma Oryzanol), ប្រេងផ្កាឈូករ័ត្ន (Vitamin E) ។ សារធាតុចិញ្ចឹមទាំងនេះជួយកាត់បន្ថយកូឡេស្តេរ៉ូលអាក្រក់ និងការពារសុខភាពបេះដូង ។
ក្នុងកម្មវិធីក៏មានវត្តមានចុងភៅ លោក សុ ធារិទ្ធិ បានចែករំលែកថា គាត់បានដឹងពីសារៈសំខាន់ក្នុងការការពារបេះដូងតាំងពីមុន ហើយបានកែប្រែទម្លាប់កត្តាដែលមានហានិភ័យសម្រាប់គាត់ដូច្នេះថា “ជំងឺចាប់ផ្តើមពីការញ៉ាំចូលក្នុងមាត់” ដូច្នេះគាត់ចាប់ផ្តើមការពារ ដោយផ្លាស់ប្តូររបបអាហារ ។ គាត់ជ្រើសរើសអាហារដែលមានប្រយោជន៍ដល់បេះដូង បន្ថយអាហារ fastfood និងអាហារដែលមានកូឡេស្តេរ៉ូលខ្ពស់ និងញ៉ាំបន្លែឱ្យច្រើន ។ ជាពិសេស គាត់ជ្រើសរើសប្រេងឆា Simply ដែលជាផលិតផលគុណភាពខ្ពស់ របស់ក្រុមហ៊ុន Wilmar Group (Singapore) ដែលមានជម្រើសជាច្រើនដូចជា ៖ ប្រេងសណ្តែកសៀង ប្រេងអង្ករសម្រូប និងប្រេងផ្កាឈូករ័ត្ន ។ គាត់បាននិយាយថា “ខ្ញុំមើលឃើញរាងកាយខ្ញុំកំពុងផ្លាស់ប្តូរទៅវិជ្ជមានជារៀងរាល់ថ្ងៃ”
សរុបសេចក្តីក្នុងកម្មវិធីនេះ សារៈសំខាន់ គឺបានបង្ហាញច្បាស់ៗ បើសិនជាយើងចង់រួមគ្នាកាត់បន្ថយហានិភ័យនៃជំងឺបេះដូង អ្វីដែលសំខាន់បំផុត គឺការលើកកម្ពស់ការយល់ដឹង និងការរក្សារបៀបរស់នៅឲ្យមានសុខភាពល្អ ។ ចាប់ផ្តើមពីការហាត់ប្រាណ ការទទួលទានអាហារឲ្យមានតុល្យភាព និងជ្រើសរើសម្ហូបអាហារដែលល្អសម្រាប់បេះដូង នៅក្នុងរបបអាហារប្រចាំថ្ងៃ ។ សូមកុំឲ្យការយល់ច្រឡំ ឬការជឿខុសនេះ បណ្តាលឱ្យអ្នកចូលក្នុងផ្នែកមួយដែលមានហានិភ័យនៃជំងឺបេះដូង ដោយមិនដឹងខ្លួន ៕ អត្ថបទសហការ
ចែករំលែកព័តមាននេះ