លោកជំទាវ ខៀវ ស៊ីណា និង លោកជំទាវបណ្ឌិត ជា សិរី វេរប្រគេនអគារសិក្សាថ្មីដល់ពុទ្ធិកសាកលវិទ្យាល័យព្រះសីហនុរាជ
លោកជំទាវ ខៀវ ស៊ីណា និង លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញចម្រើនព្រះបរិត្ត…
លោកជំទាវ ខៀវ ស៊ីណា និង លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញចម្រើនព្រះបរិត្ត និងវេរប្រគេនអគារសិក្សាថ្មីដល់ពុទ្ធិកសាកលវិទ្យាល័យព្រះសីហនុរាជ ក្រោមព្រះរាជាធិបតីដ៏ខ្ពង់ខ្ពស់ សម្តេចព្រះមហាសុមេធាធិបតី កិត្តិបណ្ឌិត អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា នាថ្ងៃទី ៣០ ខែកញ្ញា ឆ្នាំ ២០២៥ ។
អគារសិក្សាថ្មីមួយខ្នងមានទំហំ ២៥ ម៉ែត្រ គុណនឹង ១៨,៦ ម៉ែត្រ កម្ពស់ ៤ ជាន់នេះ ជាសមិទ្ធផលថ្មីមួយដែលឆ្លើយតបទៅនឹងសំណូមពររបស់សម្តេចព្រះមហាអរិយវង្សបណ្ឌិត យ៉ន សេងយៀត ព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហនុរាជ សំដៅបំពេញកង្វះខាតអគារពុទ្ធិកសិក្សា ខណៈដែលចំនួនសិស្ស សមណនិស្សិតកំពុងកើនឡើង បន្ទាប់ពីការសាងសង់បានបញ្ចប់ក្នុងខែកញ្ញា ឆ្នាំ ២០២៥ នេះ ។
ក្នុងទិវាដ៏វិសេសវិសាលនេះ លោកជំទាវ ខៀវ ស៊ីណា និង លោកជំទាវបណ្ឌិត ជា សិរី ទេសាភិបាល ព្រមទាំងថ្នាក់ដឹកនាំ និងមន្ត្រីបុគ្គលិកធនាគារជាតិនៃកម្ពុជា ក៏បានឧទ្ទិសកុសលផលបុណ្យជូនវិញ្ញាណក្ខន្ធ ឯកឧត្តមបណ្ឌិត ជា ចាន់តូ និងវីរកងទ័ពកម្ពុជាដែលបានពលីជីវិត និងកំពុងបំពេញភារកិច្ចទាំងអស់តាមព្រំដែន ដែលបានបូជាកម្លាំងកាយចិត្ត ការពារអធិបតេយ្យជាតិ បូរណភាពទឹកដីកម្ពុជា និងរក្សាសន្តិភាពជូនប្រជាជនកម្ពុជាផងដែរ ៕ អត្ថបទសហការ
ចែករំលែកព័តមាននេះ