ឯកឧត្តម បណ្ឌិត ហ៊ុន ម៉ាណែត ចូលរួមអបអរពិធីបញ្ចប់ជាស្ថាពរនៃគម្រោង Picasso City Garden និងសម្ពោធដាក់ឱ្យដំណើរការគម្រោងតំបន់សេដ្ឋកិច្ចពិសេសរបស់ទីតាន ស្តូន
រាជធានីភ្នំពេញ ៖ ថ្ងៃទី ១៥ ខែកក្កដា ឆ្នាំ ២០២២ នេះ ឯកឧត្តម បណ្ឌិត…
រាជធានីភ្នំពេញ ៖ ថ្ងៃទី ១៥ ខែកក្កដា ឆ្នាំ ២០២២ នេះ ឯកឧត្តម បណ្ឌិត ហ៊ុន ម៉ាណែត បានចូលរួមប្រារព្ធពិធីបញ្ចប់ជាស្ថាពរនៃគម្រោង Picasso City Garden ហើយក្នុងនោះក៏បើកដំណើការគម្រោងតំបន់សេដ្ឋកិច្ចពិសេសរបស់ទីតានស្តូនផងដែរ ។ ព្រឹត្តិការណ៍ដ៏ធំនេះមានការចូលរួមពីសំណាក់ភ្ញៀវកិត្តិយសយ៉ាងច្រើនកុះករ ។ ទីតាន ស្តូន គ្រុប បានធ្វើការប្រកាសផងដែរទៅលើផែនការអាជីវកម្ម និង គម្រោងថ្មីៗដែលក្រុមហ៊ុនទីតាន ស្តូន មានដើម្បីពង្រីកការវិនិយោគនៅក្នុងប្រទេសកម្ពុជា ។
ក្រុមហ៊ុន ទីតាន ស្តូនគ្រុប បានប្រារព្ធពិធីបញ្ចប់ជាស្ថាពរនៃគម្រោង Picasso City Garden និងការបើកដំណើរការនៃគម្រោងតំបន់សេដ្ឋកិច្ចពិសេស ។ ថ្ងៃនេះនៅទីតាំង Picasso City Garden ដើម្បីអបអរការបញ្ចប់នៃវិមាន Picasso តែមួយគត់នៅអាស៊ី និងដើម្បីប្រកាសការសម្ពោធជាផ្លូវការនៃគម្រោងតំបន់តំបន់សេដ្ឋកិច្ចពិសេស Titan Stone ដែលបានគ្រោងទុកជាយូរមកហើយ ។ ភ្ញៀវកិត្តិយស និងដៃគូសហការណ៍ជាច្រើនបានចូលរួមក្នុងពិធីនេះ ។
ឯកឧត្តម បណ្ឌិត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ក៏បានអញ្ជើញចូលរួមពិធីកាត់ខ្សែបូ ដើម្បីអបអរសាទរការបញ្ចប់គម្រោងនេះផងដែរ ។ លោកក៏មានសុទិដ្ឋិនិយមចំពោះ គម្រោងវិនិយោគវិនិយោគ តំបន់សេដ្ឋកិច្ចពិសេស របស់ក្រុមហ៊ុន Titan Stone ហើយលោកបានបញ្ជាក់ពីការយកចិត្តទុកដាក់ ចំពោះការបន្តការវិនិយោគរបស់ Titan Stone Group នៅក្នុងប្រទេសកម្ពុជា ។
ឯកឧត្តម បណ្ឌិត ហេង វុទ្ធី ប្រធានសមាគមអ្នកវិនិយោគចិននៅកម្ពុជា ក៏បានចូលរួមក្នុងពិធីនេះ ដើម្បីអបអរការបញ្ចប់ជាស្ថាពរនៃគម្រោង Picasso City Gardenផងដែរ ។ លោកជឿជាក់ថា ប្រទេសកម្ពុជានឹងងើបឡើងវិញយ៉ាងឆាប់រហ័សពីជំងឺរាតត្បាត ហើយដំណើរការសេដ្ឋកិច្ចនឹងវិលទៅរកស្ថានភាពប្រសើរដូចមុនពេលមានជំងឺរាតត្បាតក្នុងពេលឆាប់ៗនេះ ។
ឯកឧត្តម បណ្ឌិត ហ៊ុន ម៉ាណែត ឯកឧត្តម បណ្ឌិត ហេង វុទ្ធី និងលោកជំទាវ កេត រ៉ាឌី បានអញ្ជើញចូលរួម ក្នុងពិធីបញ្ចប់ជាស្ថាពរនៃគម្រោង Picasso City Garden និងសម្ពោធបើកអោយដំណើរការនៃគម្រោងតំបន់សេដ្ឋកិច្ចពិសេសរបស់ទីតាន ស្តូន Picasso City Garden គម្រោងវិនិយោគទុនដ៏ធំ ដើម្បីផ្តល់នូវលំនៅដ្ឋានដែលមានផាសុខភាព ត្រូវបានបញ្ចប់ការសាងសង់ក្រោយជម្នះរាល់ស្ថានភាពលំបាក ។
ដើម្បីផ្តល់ឱ្យប្រជាជនកម្ពុជានូវគុណភាព និងស្តង់ដារនៃការរស់នៅដូចលំនៅដ្ឋានប្រណីតនៅអឺរ៉ុប និងសហរដ្ឋអាមេរិក ក្រុមហ៊ុន Titan Stone Group បានវិនិយោគទឹកប្រាក់ចំនួន 51 លានដុល្លារអាមេរិកនៅក្នុង គម្រោង Picasso City Garden ដែលជាលំនៅដ្ឋានប្រណីតលំដាប់កំពូល ។ ទីតានស្តូន គ្រុប ទទួលបានការអនុញ្ញាតជាផ្លូវការពី Picasso Group ដើម្បីនាំយកសិល្បៈ Picasso មករួមបញ្ជូលក្នុងការរចនារបស់អាគារទាំងមូលក៏ដូចជាមកកាន់ប្រទេសកម្ពុជា ។ ខុនដូរលំដាប់កំពូលនេះរួមបញ្ចូលគ្នានូវសោភ័ណភាពរបស់ Picasso ដែលធ្វើអោយ Picasso City Garden ក្លាយជាកន្លែងស្នាក់នៅក្នុងពិភពសិល្បៈ ពីផ្នែកខាងក្រៅ និងខាងក្នុង ។ អ្នកនឹងមានអារម្មណ៍ដូចបានរស់នៅក្នុងវិមានសិល្បៈ រាល់ពេលត្រលប់មកផ្ទះ ។
ដោយមានការសម្រិតសម្រាំងលើបច្ចេកវិទ្យាសុវត្ថិភាព បច្ចេកវិទ្យាខ្ពស់បំផុតត្រូវបានប្រើប្រាស់ ដូចជាជញ្ជាំង ដ្យាក្រាម វិធីសាស្ត្រសាងសង់ដូចគ្នា Dubai Burj Al Arab Hotel ការចាក់គ្រឹះក្រោមដីជម្រៅ៣ម៉ែត្រចូលទៅក្នុងថ្ម និងស្ដង់ដារពង្រឹងគុណភាពខ្ពស់ដែលប្រទេសអឺរ៉ុប និងអាមេរិកប្រើប្រាស់ផងដែរ ។
ដើម្បីការពារជំងឺរាតត្បាតក្នុងវរិយាកាសរស់នៅ ឬកន្លែងធ្វើការ Picasso City Garden ត្រូវបានសាងសង់ជាលំនៅដ្ឋានការពារជំងឺរាតត្បាតដែលមានផែនការធំៗចំនួនប្រាំពីរ ៖ ការការពាររាល់ពេលចេញចូល ការសម្លា.ប់មេរោគក្នុងទីសាធារណៈ ការបន្សុទ្ធខ្យល់ការផ្គត់ផ្គង់ទឹកស្អាត ការប្រើប្រាស់សម្ភារ: ប្រឆាំងនឹងបាក់តេរី និងសេវាកម្មបង្កាការរាតត្បាត ។ គោលបំណងនៃការវិនិយោគធនធានជាច្រើនគឺដើម្បីផ្តល់នូវកន្លែងរស់នៅប្រកបដោយគុណភាព ជាមួយនឹងសោភ័ណ្ឌភាព សុវត្ថិភាព និងការការពារជំងឺរាតត្បាត ក៏ដូចជាលំនៅដ្ឋានដែលអាចរស់នៅបានយូរអង្វែង ។
ក្រោមការរីករាលដាលនៃមេរោគនេះ ដោយសារមានការគាំទ្រ និងការជួយជ្រោមជ្រែងពីសំណាក់រដ្ឋាភិបាល អតិថិជន ដៃគូរសហការណ៍ និងវិស័យផ្សេងៗទៀត ទីបំផុតយើងបានជម្នះការលំបាកដែលកើតមានឡើងដូចជា កង្វះខាតវត្ថុធាតុដើម និងកម្មករ ។ Picasso City Garden នៅទីបំផុតអាចនៅបង្ហាញចំពោះមុខមនុស្សគ្រប់គ្នា ហើយក្លាយជាគម្រោងមួយក្នុងចំណោមគម្រោងយ៉ាងតិចប៉ផុតដែលបានបញ្ចប់ក្នុងទីក្រុងភ្នំពេញ ក្នុងអំឡុងពេលមានជំងឺរាតត្បាត។ ការបញ្ចប់គម្រោងនេះ មិនត្រឹមតែតំណាងឱ្យការកែលម្អកម្រិតផ្ទះប្រណិតក្នុងរាជធានីភ្នំពេញប៉ុណ្ណោះទេ ប៉ុន្តែក៏ជានិមិត្តសញ្ញាមួយនៃការងើបឡើងវិញនៃសេដ្ឋកិច្ចរបស់ប្រទេសកម្ពុជាផងដែរ ។
ទទួលបានពានរង្វាន់បី និងការទទួលស្គាល់ពី Cambodia Real Estate Awards
ឆ្នាំនេះ Picasso City Garden ត្រូវបានទទួលស្គាល់ដោយ Cambodia Real Estate Awards ដែលជាពានរង្វាន់អចលនៈទ្រព្យដ៏មានកិត្យានុភាពបំផុតនៅក្នុងប្រទេសកម្ពុជា និងបានឈ្នះពានរង្វាន់ចំនួនបីរួមមាន Serviced Apartment of the year, Premium Condominium of the year និង Condominium Design of the year ។
ក្រៅពីទទួលបានការទទួលស្គាល់ពីវិជ្ជាជីវៈគ្រប់គ្រង Picasso City Garden ក៏ទទួលបានការគាំទ្រពីទីផ្សារផងដែរ ។ បច្ចុប្បន្ននេះ អត្រានៃការជួលយូនីតមានរហូតដល់ 70% ដោយមិនរាប់បញ្ចូលយូនីតដែលកាន់កា.ប់ដោយម្ចាស់ផ្ទះផ្ទាល់ ។ អ្នកជួលភាគច្រើន គឺជាម្ចាស់សាជីវកម្ម ឬជានាយកប្រតិបត្តិនៃធនាគារ ឬក្រុមហ៊ុនផ្សេងៗនិងបុគ្គលិកស្ថានទូត ។ Picasso City Garden ផ្តល់នូវសេវាកម្មអចលនទ្រព្យលំដាប់ផ្កាយប្រាំមួយដើម្បីបំពេញតម្រូវការរបស់អ្នករស់នៅជាមួយនឹងគុណភាពខ្ពស់នៃការរស់នៅ ។ ដើម្បីអបអរសាទរការបញ្ចប់នៃ Picasso City Garden ក្រុមហ៊ុន Titan Stone Life Insurance ដែលជាក្រុមហ៊ុនចំណុះរបស់ក្រុមហ៊ុន Titan Stone Group ផ្តល់គោលការណ៍ធានារ៉ាប់រងអាយុជីវិតដោយឥតគិតថ្លៃដល់ម្ចាស់ផ្ទះថ្មី និងចាស់ទាំងអស់នៃគម្រោងនេះ ។
លោក Darren Teng អគ្គនាយកក្រុមហ៊ុន Titan Stone Group និងជាប្រធានក្រុមហ៊ុន Global Titan Stone Real Estate Company limited និងក្រុមហ៊ុន Picasso City Garden Development Co., Ltd បានមានប្រសាសន៍ថា “យើងខ្ញុំសូមថ្លែងអំណរគុណចំពោះឯកឧត្តមបណ្ឌិត ហ៊ុន ម៉ាណែត ដែលបានមកធ្វើជាសាក្សីក្នុងឱកាសដ៏រុងរឿងរបស់ Picasso City Garden និងការគាំទ្រដល់ដៃគូរបស់យើងទាំងអស់ដើម្បីអនុញ្ញាតឱ្យយើងរក្សាជំហររឹងមាំក្នុងការប្រឈមមុខនឹងការលំបាកនិងឆ្ពោះទៅមុខដើម្បីផ្តល់នូវផលិតផលដែលមានគុណភាពដល់សាធារណៈជន ។
នៅក្នុងឆមាសទីពីរនៃឆ្នាំនេះ យើងកំពុងរៀបចំគម្រោងថ្មីចំនួនពីរគឺ Picasso City Garden II និងអាផាតមិនលំដាប់ខ្ពស់ដែលសហការជាមួយសណ្ឋាគារម៉ាកល្បី ។ យើងក៏បានចាប់ផ្តើមរៀបចំសម្រាប់ការចុះបញ្ជីអចលនទ្រព្យ Titan Stone នៅលើផ្សារហ៊ុនកម្ពុជា ដើម្បីភ្ជាប់ជាមួយទីផ្សារហិរញ្ញវត្ថុ និងរីកចម្រើនជាមួយគ្នា ។ លើសពីនេះទៀត ដោយមើលឃើញពីតម្រូវការនៃការផ្ទេរខ្សែសង្វាក់ផ្គត់ផ្គង់អន្តរជាតិ គម្រោងតំបន់សេដ្ឋកិច្ចពិសេស Titan Stone (Titan Stone SEZ) ដែលបានគ្រោងទុកជាយូរមកហើយត្រូវបានបើកដំណើរការជាផ្លូវការនៅថ្ងៃនេះ ។ Titan Stone Group នឹងប្រើប្រាស់ធនធានវិនិយោគផ្ទាល់ខ្លួន ដើម្បីទាក់ទាញនឹងណែនាំសហគ្រាសនិងអ្នកផ្គត់ផ្គង់ឈានមុខគេលំដាប់អន្តរជាតិ មកសហការណ៍ចូលរួមក្នុងតំបន់សេដ្ឋកិច្ចពិសេសនេះ ។ ទីតាន ស្តូនគ្រុបសង្ឃឹមថានឹងបង្កើនឱកាសការងារក្នុងស្រុកតាមរយៈការផ្ទេរខ្សែសង្វាក់ផ្គត់ផ្គង់នេះ និងលើកកំពស់កម្លាំងផលិតកម្មនៅកម្ពុជា ដើម្បីជួយឧស្សាហកម្មកម្ពុជាផ្លាស់ប្តូរពីកសិកម្ម ឬឧស្សាហកម្មធុនស្រាលទៅជាឧស្សាហកម្មកាន់តែរីកចំរើនបន្ថែម ។
លោក Wayne Yeh ប្រធានក្រុមហ៊ុន Titan Stone Group ក៏បានសម្តែងផងដែរថា កាលពីប្រាំឆ្នាំមុន Titan Stone Group បានចូលមកប្រទេសកម្ពុជាដោយសារតែមើលឃើញពីសក្តានុពលរបស់ប្រទេសកម្ពុជា។ប្រាំឆ្នាំបានកន្លងផុតទៅហើយ ហើយលទ្ធផលសេដ្ឋកិច្ច និងសក្តានុពលនាពេលអនាគតរបស់កម្ពុជាត្រូវបានបង្ហាញឱ្យយើងឃើញថា យើងបានសម្រេចចិត្តត្រឹមត្រូវនៅពេលនោះ ។ បន្ថែមពីលើអាជីវកម្មអចលនទ្រព្យដែលមានស្រាប់របស់យើង និង Titan Stone Life Insurance គ្រុបនៅតែបន្តស្វែងរកការវិនិយោគចម្រុះ ដែលមួយនៅក្នុងចំណោមនោះគឺ Titan Stone SEZ ។ យើងក៏ចូលរួមចំណែកយ៉ាងសកម្មដល់សង្គមដោយការចូលរួមយ៉ាងសកម្មក្នុងសកម្មភាពសប្បុរសធម៌ ការបរិច្ចាគ ការឧបត្ថម្ភសម្ភារៈកីឡា កម្មវិធីសុន្ទរកថារបស់សាលា និងកម្មវិធីផ្សេងៗជាច្រើនទៀត ។ តាមរយៈការជួយជនក្រីក្រ និងបណ្តុះទេពកោសល្យធនធានមនុស្សក្នុងស្រុក យើងសង្ឃឹមថានឹងធ្វើឱ្យសង្គមកាន់តែប្រសើរឡើង ។
ការបន្តចាក់ឫសក្នុងសេដ្ឋកិច្ចកម្ពុជា និងបង្កើតអនាគតដ៏ត្រចះត្រចង់ជាមួយប្រទេសកម្ពុជា
ការបញ្ចប់ Picasso City Garden និងការបើកដំណើរការ Titan Stone SEZ គឺជាព្រឹត្តិការណ៍ដ៏សំខាន់មួយទៀតសម្រាប់ Titan Stone Group នៅក្នុងប្រទេសកម្ពុជា ។ ជាមួយនឹងការបើកដំណើរការគម្រោងនៃ Titan Stone SEZ គម្រោងការចុះបញ្ជីអចលនទ្រព្យ Titan Stone និងការរៀបចំគម្រោងអចលនទ្រព្យថ្មីចំនួនពីរផ្សេងទៀត ក្រុមហ៊ុន Titan Stone Group នឺងបន្តធ្វើឱ្យទំនាក់ទំនងក្នុងតំបន់របស់ខ្លួនកាន់តែស៊ីជម្រៅ និងជាស្ពាន រវាងសហគ្រាសអន្តរជាតិនិងកម្ពុជាដើម្បីជួយដល់ប្រទេសកម្ពុជាក្នុងការ អភិវឌ្ឍសេដ្ឋកិច្ច ធ្វើឱ្យប្រសើរឡើងនូវឧស្សាហកម្មរបស់ខ្លួន និងតភ្ជាប់ជាមួយសហគមន៍អន្តរជាតិ។ Titan Stone Group នឹងបន្តចែករំលែក និងបង្កើតអនាគតដ៏ត្រចះត្រចង់ជាមួយប្រទេសកម្ពុជា ។
អំពី Titan Stone Group
ទីតាន ស្តូន គ្រុប ត្រូវបានបង្កើតឡើងក្នុងទីក្រុងហុងកុងក្នុងឆ្នាំ 2003 ជាក្រុមហ៊ុន វិនិយោគហិរញ្ញវត្ថុដែលមានជំនាញវិជ្ជាជីវៈ ។ សកម្មភាពអាជីវកម្មរបស់ ទីតាន ស្តូន គ្រុប មានដូចជា ៖ អចលនទ្រព្យនៅក្រៅប្រទេស ការធានារ៉ាប់រងលើអាយុជីវិត ការទិញភាគហ៊ុន ការគ្រប់គ្រងទ្រព្យសកម្ម ការគ្រប់គ្រងទ្រព្យសម្បត្តិឯកជន ។ល។ ទី តាន ស្តូន គ្រុបមានបទពិសោធន៍រហូតដល់ 19 ឆ្នាំ ក្នុងវិស័យហិរញ្ញវត្ថុនិងមានបទពិសោធន៍ទៅលើការ វិនិយោគដ៏សំបូរបែប ។ ជាមួយនឹងចក្ខុវិស័យពិសេសលើសពីទីផ្សារ ពួកយើងបានផ្តល់ឱ្យសហគ្រាស និងអ្នកវិនិយោគនូវឱកាសវិនិយោគឈានមុខគេបំផុត ។ ទីតាន ស្តូន គ្រុបផ្តោតសំខាន់នៅក្នុងតំបន់អាស៊ី ដើម្បីអភិវឌ្ឍសេវាកម្មវិនិយោគពេញលេញ បង្កើនចំនួនវិនិយោគិននិងប្រកាន់ខ្ជាប់នយោបាយឈ្នះ-ឈ្នះសម្រាប់ រដ្ឋាភិបាលនិង សាធារណៈជន ក្នុងតំបន់ ។ ដើម្បីស្វែងយល់បន្ថែមអំពី ទីតាន ស្តូន គ្រុប សូមចូលទៅកាន់ ៖http://www.titanstonegroup.com ៕ អត្ថបទសហការ
ចែករំលែកព័តមាននេះ