បុរី ប៉េង ហួត និង ធនាគារ មេយប៊ែង ចុះ MOU ដើម្បីឱ្យអតិថិជន អាចទិញផ្ទះក្នុងក្ដីស្រមៃបានកាន់តែលឿន
រាជធានីភ្នំពេញ៖ ទិដ្ឋភាពដ៏អ៊ូអរក្នុងការិយាយលក់ផ្ទះគម្រោង ភូមិមរកត នៃបុរី ប៉េង ហួត នាព្រឹកថ្ងៃទី 18 ខែកក្កដា ឆ្នាំ…
រាជធានីភ្នំពេញ៖ ទិដ្ឋភាពដ៏អ៊ូអរក្នុងការិយាយលក់ផ្ទះគម្រោង ភូមិមរកត នៃបុរី ប៉េង ហួត នាព្រឹកថ្ងៃទី 18 ខែកក្កដា ឆ្នាំ 2025 គឺជាកម្មវិធីចុះអនុស្សារណៈនៃការយោគយល់គ្នារវាង បុរី ប៉េង ហួត និង ធនាគារ មេយប៊ែង ដើម្បីឱ្យអតិថិជនអាចទិញផ្ទះក្នុងក្ដីស្រមៃបានកាន់តែលឿន ។
លោក ឌុក សារ៉ាក់ នាយក នៃនាយដ្ឋាន សេវាហិរញ្ញវត្ថុសហគមន៍ បានប្រាប់ឱ្យដឹងថា៖ កិច្ចសហប្រតិបត្តិការនេះ បានបង្ហាញពីការប្តេជ្ញាចិត្តរយៈពេលវែងរបស់ ធនាគារ មេយប៊ែង ខេមបូឌា ចំពោះប្រទេសកម្ពុជា និងដៃគូអភិវឌ្ឍន៍ដ៏សំខាន់ ដូចជាបុរី ប៉េង ហួត ហើយក៏ដើម្បីបម្រើជូនតាមតម្រូវកាស្របតាមការកើនឡើងរបស់អតិថិជននៃដៃគូទាំងពីរ ។
កិច្ចសហប្រតិបត្តិការនេះនឹងផ្ដល់ជូននូវអត្ថប្រយោជន៍ ដ៏ពិសេសដូចជា៖
• អត្រាការប្រាក់មានភាពទាក់ទាញ និងប្រកួតប្រជែងត្រឹមតែ៦.៩៩%ក្នុងមួយឆ្នាំ
• ទំហំឥណទានរហូតដល់ ៩០% នៃតម្លៃផ្ទះ
• លក្ខខណ្ឌនៃការសងត្រឡប់មកវិញមានភាពបត់បែននិងរយៈពេលកម្ចីរហូតដល់ ២៥ឆ្នាំ ។
បន្ថែមពីនោះ លោកស្រី ទេព កន្និដា នាយិការងផ្នែកលក់ នៃក្រុមហ៊ុន បុរី ប៉េង ហួត បានប្រាប់ឱ្យដឹងថា ៖ កិច្ចសហប្រតិបត្តិការណ៍រវាងធនាគារ MayBank ជាមួយ បុរី ប៉េង ហួត មិនមែនទើបតែចាប់ផ្តើមនៅថ្ងៃនេះទេ គឺមានការសហការរវាងក្រុមហ៊ុនទាំង 2 តាំងពី ឆ្នាំ2015 មកម្ល៉េះ ។ ដោយឡែកការអនុស្សារណៈនៃការយោគយល់គ្នាក្នុងថ្ងៃនេះ គឺធ្វើឡើងដើម្បីផ្ដល់នូវលក្ខខណ្ឌឱ្យកាន់តែពិសេស ដល់អតិថិជនកាន់តែឆាប់ ទទួលបានផ្ទះក្នុងក្ដីស្រមៃ ។
សូមបញ្ជាក់បន្ថែមទៀតផងដែរថា នៅក្នុងការិយាល័យលក់ផ្ទះគម្រោង ភូមិមរកត នេះ មិនត្រឹមតែមានកម្មវិធីចុះអនុស្សារណៈនៃការយោគយល់គ្នារវាង បុរី ប៉េង ហួត និង ធនាគារ មេយប៊ែង ប៉ុណ្ណោះទេ គឺមានកម្មវិធីបើកលក់ម៉ូតផ្ទះអាជីវកម្មថ្មីគឺ វីឡា រ៉ូហ្សាណា ម៉ូដឺន និង វីឡា រ៉ូហ្សាណា ម៉ូដឺន អេ រយៈពេល 3 ថ្ងៃបន្តទៀត ក្នុងថ្ងៃទី 18-19-20 ខែកក្ដដា ឆ្នាំ 2025 នេះ ចាប់ពីម៉ោង 9 ព្រឹក ដល់ ម៉ោង 6 ល្ងាច ។
ដូចនេះសូមកុំឱ្យឱកាសដ៏ល្អនេះកន្លងផុតទៅ សម្រាប់ព័ត៌មានបន្ថែមអំពីកម្មវិធី សូមទំនាក់ទំនងតាមលេខទូរសព្ទ 016/017 59 6789 ៕ អត្ថបសហការ
ចែករំលែកព័តមាននេះ