ខេត្តកំពង់ស្ពឺ ៖អំពែភ្នំទ្រនំវាសនាចារពីបុព្វពេរថ្ងៃបាក់រសៀលជ្រាលជ្រេរបងបំពេរអូនក្រោមដើមជ្រៃយើងនាំគ្នាឡើងជិះដំរីខំវេញក្រងកំរងនិស្ស័យរសង្ឃឹមគ្មានថ្ងៃព្រាត់ឡើយ។ នៅពេលដែលនឹកដល់បទចំរៀងនេះធ្វើឱ្យយើងនឹកឃើញដល់រមណីយដ្ឋានមួយនោះគឺរមណីយដ្ឋានអំពែភ្នំជារមណីយដ្ឋានវប្បធម៌ធ្មមជាតិដែល ភ្ញៀវទេសចរទាំងក្នុងនិងក្រៅស្រុកចូលចិត្តនាំគ្នាទៅកម្សាន្តនៅទីនោះព្រោះតែទីនោះមានធាតុអាកាសល្អបរិសុទ្ធ ។
រមណីយដ្ឋាននេះស្ថិតក្នុងភូមិសាស្រ្តភូមិតាំងទន្លេនិងភូមិអំពែភ្នំបច្ចុប្បន្នស្ថិតក្រោមការគ្រប់គ្រងរបស់ក្រុមហ៊ុនឯកជន តែក៏ស្ថិតក្រោមការគ្រប់គ្រងរបស់មន្ទីរទេសចរដែរ។ ហើយអ្វីដែលឱ្យគេស្គាល់និងល្បីល្បាញរបស់ខេត្តកំពង់ស្ពឺគឺ តាមរយះស្ករត្នោតកាលពីទសវត្សមុនពេលដែលគេនិយាយពីខេត្តកំពង់ស្ពឺគេតែងនឹកដល់រមណីយដ្ឋានមួយដែលស្ថិតនៅជាប់មាត់ស្ទឹងព្រែកត្នោតនោះគឺរមណីយដ្ឋានអំពែភ្នំនេះឯង។
បើយើងធ្វើដំណើរពីភ្នំពេញតាមបណ្តោយផ្លូវជាតិលេខ៤ចំងាយ៤៥គីឡូម៉ែត្រមកដល់មុខមន្ទីរអប់រំខេត្តបត់ឆ្វេងចូលទៅក្នុងចំងាយ២គីឡូម៉ែត្ររមណីយដ្ឋាននេះជារមណីយដ្ឋានវប្បធម៌និងធម្មជាតិ។ ចំណុចដែលទាក់ទាញភ្ញៀវទេសចរឱ្យមកកម្សាន្តនៅទីនេះដោយសារតែរមណីយដ្ឋានមួយនេះមានម្លប់ឈើត្រឈឹងត្រឈៃមានកន្លែងសំរាប់ឱ្យភ្ញៀវអង្គុយកម្សាន្តនៅអែបមាត់ទឹក។ ហើយអ្វីដែលអ្នកទេសចរសប្បាយរីករាយនោះគឺដោយសារតែពួកគេអាចមុជទឹកស្ទឹងលេងនៅរដូវប្រាំងហើយទឹកដ៏ត្រជាក់ដែលហូរធ្លាក់មកពីស្ទឹងព្រែកត្នោតផ្នែកខាងលើធ្វើឱ្យអ្នកមុជទឹកមានអារម្មណ៏ជ្រះថ្លាសប្បាយរីករាយអ្នកខ្លះក៏រត់ប្រឡែងគ្នាតាមឆ្នេរខ្សាច់សក្បុសជាពិសេសរមណីយដ្ឋានអំពែភ្នំមានស្ពានយោលភ្ជាប់ពីត្រើយម្ខាងទៅត្រើយម្ខាងកាត់ស្ទឹងសំរាប់ឱ្យភ្ញៀងឆ្លងកម្សាន្តទៅមកយ៉ាងសប្បាយរីករាយ។
ពេលដែលទៅដល់ទីនោះអ្នកទេសចរគ្រប់គ្នាតែងលាន់មាត់ថាការមកកម្សាន្តនៅទីនេះហាក់បីដូចជាបានធូរស្បើយពីអារម្មណ៏តានតឹងទាំងឡាយហើយបើយើងឆ្លងទៅត្រើយខាងត្បូងពេលដែលយើងឈប់សំរាកពេលនោះយើងនឹងបានឃើញវត្តមួយឈ្មោះថាវត្តអំពែរភ្នំទីនោះមានសត្វស្វាជាច្រើនដែលរស់នៅលើដើមឈើធំៗក្នុងបរិវេណវត្តអំពែភ្នំនេះ។
ជាពិសេសពេលដែលយើងទៅដល់គឺពពួកសត្វស្វាទាំងនោះនាំគ្នាមកជិតដើម្បីរង់ចាំឱ្យយើងបោះចំណីឱ្យសុី។ នៅទីនេះមានតូបអែបជាប់មាត់ស្ទឹងទាំងត្រើយខាងជើងនិងខាងត្បូងតំរៀបគ្នាជាជួរតាមមាត់ស្ទឹងសំរាប់អោយភ្ញៀវទេសចរអង្គុយកម្សាន្តហើយក៏មានសេវាកម្មលក់បាយម្ហូបមានតំលៃសមរម្យទៀតផង។
ជួបជាមួយអ្នកយកព័ត៌មានកោះសន្តិភាពបងប្អូនអ្នកលក់បាយនិងម្ហូបនៅរមណីយដ្ឋានមួយនេះបានលើកឡើងថាក្នុងមួយថ្ងៃពួកគាត់អាចរកប្រាក់ចំណូលចាប់ពី៦០មុឺនទៅ៨០មុឺនរៀលហើយចំពោះរដូវបុណ្យនិងថ្ងៃឈប់សំរាកវិញកាលណាមានភ្ញៀវមកកម្សាន្តច្រើនពួកគាត់ក៏លក់ដាច់បានប្រាក់ចំណូលកើនទៅតាមនោះដែរអាចនិយាយបានថាចាប់ពី១០០០០០០មុឺនទៅ១៥០០០០០លានរៀលឬលើសនេះក៏មាន។
ក្រុមអ្នកទេសចររអ៌ូរទាំថាពេលខ្លះពពួកសត្វស្វាបានបង្កការអុកឡុកដូចជាមកឆក់យកនំចំណីឬរបស់របរអ្វីផ្សេងៗតែទោះជាយ៉ាងនេះក្តីក៏អ្នកខ្លះលើកឡើងថានេះមិនមែនជាបញ្ហាចោទនោះទេត្បិតសត្វគឺវារស់ទៅតាមធម្មជាតិរបស់វា អ្នកណាៗក៏ដឹងថាសត្វស្វាវារបិុលរប៉ូចបន្តិចហើយ។ តែទោះជាទោះជាយ៉ាងនេះក្តីក៏ខាងមន្ទីរបានចុះធ្វើការត្រួតពិនិត្យនិងចាប់សត្វស្វាទាំងនោះបានចំនួន០៥ក្បាល(ធំៗនិងកាច)និងបានប្រគល់ទៅឱ្យជំនាញរដ្ឋបាលព្រៃឈើទទួលយកទៅព្រលែងនៅរមណីយដ្ឋានភ្នំតាម៉ៅ។
លោកកេត សុខុម ប្រធានមន្ទីរទេសចរខេត្តបានឱ្យដឹងថាឆ្នាំនេះមិនថារដូវបុណ្យចូលឆ្នាំឬបុណ្យភ្ជុំទេគឺភ្ញៀវទេសចរមានការកើនឡើងជាងឆ្នាំមុន។ ដោយលោកបន្តថាចំណូលបានមកពីវិស័យទេសចរកើនឡើង នេះបើយើងធ្វើការប្រៀបធៀបឆ្នាំ២០១៣និងពាក់កណ្តាលឆ្នាំ២០១៤ ។
ចែករំលែកព័តមាននេះ