ខេត្តកំពង់ឆ្នាំង ៖ យោងតាមការបញ្ជាក់លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំងឱ្យដឹងកាលពីព្រឹកថ្ងៃទី១ ខែមករា ឆ្នាំ២០២៥ ថា មានភ្ញៀវទេសចរជាង៣ម៉ឺននាក់បានមកលេងកម្សាន្តនៅក្នុងខេត្តកំពង់ឆ្នាំងនៅឱកាសនៃពិធីបុណ្យឆ្លងឆ្នាំងសកល២០២៤-២០២៥…
ខេត្តកំពង់ឆ្នាំង ៖ យោងតាមការបញ្ជាក់លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង
ឱ្យដឹងកាលពីព្រឹកថ្ងៃទី១ ខែមករា ឆ្នាំ២០២៥ ថា មានភ្ញៀវទេសចរជាង៣ម៉ឺននាក់បានមកលេងកម្សាន្តនៅក្នុងខេត្តកំពង់ឆ្នាំងនៅឱកាសនៃពិធីបុណ្យឆ្លងឆ្នាំងសកល២០២៤-២០២៥ ។
គេសង្កេតឃើញថា ប្រជាពលរដ្ឋមកពីគ្រប់ទិសទីយ៉ាងច្រើនកកកុញ មកលេងកម្សាន្តនៅខេត្តកំពង់ឆ្នាំង នាពេលយប់ចន្លោះពីម៉ោង៩ ដល់ម៉ោង១២យប់ នាឱកាសចូលឆ្នាំសកល។ ក្នុងនោះ មាន៣ទីតាំងគឺ សួនវិមានឯករាជ្យ, សួនមុខសាលាខេត្ត និងសួនថ្មីសម្តេចចៅហ្វាវាំងគង់សំអុល ប៉ុន្តែទីតាំងដែលមានប្រជាពលរដ្ឋច្រើនខ្លាំងគឺចំណុចវិមានឯករាជ្យ ។
ជាពិសេស ឆ្នាំនេះមានប្រជាពលរដ្ឋមកពីគ្រប់មជ្ឈដ្ឋាន អញ្ជើញចូលរួមអបអរសាទរយ៉ាងច្រើនលើសលប់ ជាងឆ្នាំកន្លងទៅគួអោយកត់សម្គាល់ ។ គួររំលឹកផងដែរ ក្រោមការដឹកនាំឯកឩត្តម ស៊ុន សុវណ្ណារិទ្ធិ ក្នុងអណត្តជាអភិបាលខេត្ត មានភាពសុខដុមរមនា ធានាបាននូវសុខសុវត្ថិភាពជូនពលរដ្ឋ ក្នុងការមកលេងកម្សាន្ត ដោយគ្មានក្តីបារម្ភ និងមានភាពរីកចម្រើនគ្រប់វិស័យ៕
ចែករំលែកព័តមាននេះ