ខេត្តសៀមរាប ៖ បន្ទាប់ពីររាជរដ្ឋាភិបាលបានប្រកាសដាក់ឱ្យអនុវត្តជាផ្លូវការ នូវប្រព័ន្ធលក់សំបុត និងការត្រួតពិនិត្យសំបុត្រចូលទស្សនារមណីយដ្ឋានអង្គរ តាមប្រព័ន្ធឌីជីថលនាពេលថ្មីនេះ មគ្គុទេសទេសចរ និងភ្ញៀវទេសចរអន្ដរជាតិ បានសម្ដែងក្ដីរីកកាយ ដោយពួកគាត់បានលើកឡើងថា…
ខេត្តសៀមរាប ៖ បន្ទាប់ពីររាជរដ្ឋាភិបាលបានប្រកាសដាក់ឱ្យអនុវត្តជាផ្លូវការ នូវប្រព័ន្ធលក់សំបុត និងការត្រួតពិនិត្យសំបុត្រចូលទស្សនារមណីយដ្ឋានអង្គរ តាមប្រព័ន្ធឌីជីថលនាពេលថ្មីនេះ មគ្គុទេសទេសចរ និងភ្ញៀវទេសចរអន្ដរជាតិ បានសម្ដែងក្ដីរីកកាយ ដោយពួកគាត់បានលើកឡើងថា ការដាក់ឱ្យអនុវត្តនូវ ថ្នាលឌីជីថលនេះ ធ្វើឱ្យមានភាពងាយស្រួល និងចំណេញពេលវេលា ផងដែរ ។
ក្នុងនោះដែរ លោក ជ្រុន គឹមសេង ប្រធានសមាគមមគ្គុទេសក៏ទេសចរណ៍កម្ពុជា បានសម្ដែងការគាំទ្រយ៉ាងខ្លាំង ចំពោះការ អនុវត្ដន៍លក់សំបុត្រចូលទស្ស នារមណីយដ្ឋានតាមបច្ចេកវិទ្យាទំនើប នេះ ព្រោះបានធ្វើឱ្យភ្ញៀវទេសចរចំណាយតិច ចំណេញពេលវេលាច្រើន ជាពិសេស ពួកគាត់អាចទិញសំបុត្រចូលទស្សនានៅកន្លែងដែលគ្រិះស្ថានអង្គរបានដាក់គោលដៅ។លោកបានបន្ដថា នាពេលបច្ចុប្បន្ននេះ ប្រទេសកម្ពុជា កំពុងមានការរីកចំរើន ទាំងវិស័យប្រព័ន្ធឌីជីថល ដែលធ្វើឱ្យភ្ញៀវទេសចរអន្ដរជាតិពួកគាត់ពេញចិត្ដ ។
លោកបន្ដទៀតថា ការដាក់ឱ្យអនុវត្តនូវ ថ្នាលបណ្តុះ ឌីជីថល របស់គ្រឹះស្ថានអង្គរ ជាសមិទ្ធផលថ្មី មួយទៀតរបស់រាជរដ្ឋាភិបាល ក្នុងកិច្ចប្រឹងប្រែងធ្វើឱ្យប្រសើរឡើង នូវការផ្តល់សេវាជូនដល់ភ្ញៀវទេសចរជាតិ និង អន្តរជាតិ,ក្នុងការ ជម្រុញទាក់ទាញទេសចរអន្តរជាតិ និងការលើកកម្ពស់កំណើនសេដ្ឋកិច្ចជាតិជាដើម។
ភ្ញៀវទេសចរអន្ដរជាតិដែលដឹកនាំភ្ញៀវមកពីប្រទេសអ៊ីស្ដ្រាអែល និងបណ្ដាប្រទេស ផ្សេងទៀត ក៏បានលើកឡើងថា ពួកគាត់មានការសប្បាយចិត្ដ ខណៈដែលបានឃើញប្រទេសកម្ពុជាមានការអភិវឌ្ឍផ្នែកវិស័យទេសចរនេះ ជាពិសេសការលក់សំបុត្រដោយប្រព័ន្ធឌីជីថល ។ ពួកគាត់លក់សំបុត្របែបនេះ ចំណេញ ពេលវេលាច្រើន សមាសភាពលឿនរហ័ស។ពួកគាត់ក៏បានកោតសរសើរពីប្រាសាទអង្គរវត្ដ ដែលជាទីកន្លែងទេសចរណ៍ដ៍ល្បីល្បាញនៅលើពិភពលោកផងដែរ។ ការលក់សំបុត្រ មានបួនប្រភេទ រួមមានះ ទិញសំបុត្រនៅតាមបញ្ជរគ្រឹះស្ថានអង្គរ,ទិញសំបុត្រតាមអនឡាញ និងAPP របស់គ្រឹះស្ថានអង្គរ និងទិញតាមម៉ាស៊ីនស្វ័យប្រវត្ដិ ។
យោងតាមរបាយការណ៍របស់គ្រឹះស្ថានអង្គរ ស្ដីពីទិន្ន័យនៃការលក់សំបុត្រក្នុងខែមករាឆ្នាំ២០២៥នេះ បានបង្ហាញថា ភ្ញៀវទេសចរទិញបណ្ណតាមបញ្ជរលក់សំបុត្រមានចំនួនជាង១០ម៉ឺននាក់ស្មើនឹងជាង៧៤ភាគរយ ភ្ញៀវទេសចរទិញសំបុត្រតាមម៉ាស៊ីនស្វ័យប្រវត្ដិជាង២ ពាន់នាក់ ដែលស្មើជាងមួយភាគរយ ភ្ញៀវទេសចរទិញសំបុត្រតាមអនឡានមានជាង ២ពាន់៦០០នាក់ ដែលស្មើជិត២០ ភាគរយនិងទិញសំបុត្រតាម(ម៉ូបាលអប) មានជាង៨ពាន់នាក់ ដែលស្មើនឹងជាង៥ ភាគរយ ខណៈដែលភ្ញៀវទេសចរទិញបណ្ណមិនប្រើរូបថតមានជាង៦ម៉ឺន៤ពាន់នាក់ និងមិនប្រើរូបថតមានជាង២ម៉ឺនពីរពាន់នាក់ ផងដែរ៕
ចែករំលែកព័តមាននេះ