ប្រតិភូអ្នកសារព័ត៌មានកម្ពុជាចំនួនជិត១០០នាក់ បានចូលរួមកិច្ចប្រជុំប្រចាំឆ្នាំរបស់គណៈកម្មការសហព័ន្ធប្រព័ន្ធផ្សព្វផ្សាយអាស៊ាន (ហៅកាត់ថា UMA ) នៅសណ្ឋាគារ Kosit Hill ខេត្តផេតចាប៊ូន (Phetchabun) នៅផ្នែកភូមិភាគកណ្តាល ទិសឧត្តរ នៃព្រះរាជាណាចក្រថៃ កាលពីថ្ងៃទី២៥ ធ្នូ ឆ្នាំ២០១៩ ក្រោមការរៀបចំពីលោកប្រាសិត សែងរុងរឿង អគ្គលេខាធិការ UMA ប្រចាំប្រទេសថៃ ដោយមានភាគីថៃចំនួន៥០រូបបានចូលរួម និងលោកបណ្ឌិត ណាយផែត ភុនដែត ពីនប្រះធីប សមាជិកព្រឹទ្ធសភាប្រទេសថៃ និងលោកសៀនសាក់ សៀមវិចាន អភិបាលខេត្តផេតចាប៊ូន ជាអធិបតីក្នុងកម្មវិធីនោះ ។
លោក បានហាន ប៊ុនឃេត សមាជិករបស់(UMA)ប្រចាំខេត្តផេតចាប៊ូន បានមានមតិស្វាគមន៍និងបញ្ជាក់អំពីការរួបរួមគ្នាពីសកម្មភាពនៃអ្នកសារព័ត៌មានកំពុងបន្តពង្រឹងសាមគ្គីភាព សហប្រតិបត្តការរួមគ្នា ឆ្ពោះទៅរកប្រទេសផ្សេងៗក្នុងអាស៊ាន ដើម្បីជាប្រយោជន៍ដល់ប្រជាជាតិ និងសង្គមយើងទាំងមូលឲ្យទទួលបានភាពល្អប្រសើរបានដូចៗគ្នា ។
លោក សុខ សុវណ្ណ អគ្គលេខាធិការង UMA តំណាងកម្ពុជា បានថ្លែង ថ្វីត្បិតតែUMA ត្រូវបានបង្កើតឡើងបានប្រមាណ១០ឆ្នាំមកនេះ គឺបានជួបឧបស័គ្គជាច្រើន ព្រោះតែភាពមិនចុះសម្រុង និងគ្នា តែដោយបានការខិតខំប្រឹងប្រែងពីសំណាក់លោកប្រាស៊ិត សែងរុងរឿង រួមជាមួយអ្នកសារព័ត៌មានទាំងពីរប្រទេស បានធ្វើអោយអង្គភាពមួយនេះសម្រចជោគជ័យតាមគោលដៅកំណត់ជាបន្តបន្ទាប់។
បន្ទាប់មកលោក ប្រាស៊ិត សែងរុងរឿង អគ្គលេខាធិការសហព័ន្ធប្រព័ន្ធផ្សព្វផ្សាយអាស៊ានUMA ក៏បានថ្លែងការកោតសើរ ដល់អ្នកសារព័ត៌មានកម្ពុជា ដែលកន្លងមកបានធ្វើការផ្សព្វផ្សាយនូវរាល់ព័ត៌មាន ព្រឹត្តិការណ៍ផ្សេងៗដែលបានជម្រុញអោយស្ថានភាពនៃទំនាក់ទំនងល្អរវាងប្រទេសក្នុងតំបន់អាស៊ានបានយ៉ាងល្អប្រសើរ និងដើម្បីរក្សាសន្តិភាព និងកិច្ចសហប្រតិបត្តការណ៍កាន់តែស៊ីជម្រៅ ហើយក៏សុំគាំទ្រទទួលស្គាល់រាជរដ្ឋាភិបាលថ្មីរបស់កម្ពុជា ដែលបានកើតឡើងមកនេះគឺ ដោយសារតែសម្លេងគាំទ្រនៃការបោះឆ្នោតពីប្រជាជនសុទ្ធសាធ ។
លោកប្រាស៊ិត សែងរុងរឿង លើកឡើងថា៖លោកនឹងបន្តពង្រីកចំណងកិច្ចសហប្រតិបត្តការណ៍ជាមួយប្រទេសជប៉ុន ក្នុងពេលឆាប់ៗខាងមុខនេះ បន្ទាប់ពីយើងបានជួបជុំសហការគ្នា រវាងប្រទេសទាំង៥រួចមក មានប្រទេសថៃ,កម្ពុជា,ឡាវ,វៀតណាម និងភូមារួចមក ក្នុងការផ្លាស់ប្តូរបទពិសោធន៍ពីគ្នាទៅវិញទៅមកក្នុងប្រទេសអាស៊ានផងដែរ ហើយលទ្ធផល ដែលទទួលបានមកនេះគឺមាននៅសល់អ្នកសារព័ត៌មានចាស់ៗ តិចណាស់កំពុងនៅជាមួយយើងទាំងអស់គ្នា ដើម្បីជួយរៀបចំផ្តល់បទពិសោធន៍ ទុកឲ្យយុវវ័យជំនាន់ក្រោយដែលកំពុងមកចូនរួមជាមួយគ្នានេះបន្តវេនឲ្យមានប្រសិទ្ធិភាពក្នុងពេលអនាគត់សម្រាប់ជាផលប្រយោជន៍ ជួយដល់សង្គមជាតិ នៃប្រទេសយើងដូចៗគ្នាក្នុងអាស៊ានទាំងមូល ។
ព័ត៌មានពិស្តារនឹងមានផ្សាយជូនបន្ត ។
ចែករំលែកព័តមាននេះ