ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា រថយន្តដឹកឈើពេញប្រៀបមួយគ្រឿង បានគេប្រទះឃើញក្រឡាប់ធ្លាក់ផ្លូវ នាព្រឹកថ្ងៃទី២៨ ធ្នូ នេះ ស្ថិតចំណុចផ្លូវបំបែកប៊ូស្រា ក្នុងភូមិពូលូង សង្កាត់រមនា ក្រុងសែនមនោរម្យ តែមិនមានមនុស្សរងគ្រោះថ្នាក់នោះទេ ឃើញតែកំណាត់ឈើប៉ុណ្ណោះ ។
សេចក្តីរាយការណ៍បន្តថា អ្វីដែលចាប់អារម្មណ៍ គឺឈើទាំងនេះត្រូវគេដឹងថា បានដឹកចេញពីភូមិក្រង់តេះ ឃុំស្រែអំពូម ស្រុកពេជ្រាដា ជាឈើដេញថ្លៃពីជំនាញបរិស្ថានទៀតផង ។ បើតាមការបញ្ជាក់ពីមន្ត្រីថា ឈើមានចំនួន៥រថយន្ត បានដឹកចេញទៅអស់ហើយនៅសល់តែមួយគ្រឿងនេះ ពេលឡើងចំណោតក៏ដាច់កាឡេ រអិលថយក្រោយក្រឡាប់តែម្តង។
គួរបញ្ជាក់ថា គណៈកម្មការជាតិទប់ស្កាត់បទល្មើសព្រៃឈើកាលពីអំឡុងដើមឆ្នាំ២០១៩ បានបង្ក្រាបការកាប់បំផ្លាញឈើខុសច្បាប់ តាមបណ្តាលក្រុមហ៊ុនទូទាំងខេត្តមណ្ឌលគិរី និងបានចាប់ខ្លួនអ្នកពាក់ព័ន្ធបញ្ជូនទៅតុលាការ ក្នុងនោះមានទាំងឧកញ៉ាមួយចំនួនផងដែរ។ បន្ទាប់ពីប្រតិបត្តិការនេះ បញ្ចប់ឈើជាង១ពាន់ម៉ែត្រគូបត្រូវបានគណៈកម្មការជាតិដាក់ដេញថ្លៃ ឲ្យដឹកចេញពីខេត្តមណ្ឌលគិរី ទៅស្តុបទុកនៅខេត្តកំពង់ធំ។
ព័ត៌មានពិស្តារនឹងមានផ្សាយជូនបន្ត ។
ចែករំលែកព័តមាននេះ