ខេត្តរតនគិរី ៖ បទល្មើសព្រៃឈើហាក់ចាប់ផ្ដើមកក្រើកឡើងវិញ ក្រោយពីស្ងប់ស្ងាត់អស់រយៈពេល២ទៅ៣ខែកន្លងមក ។ ជាក់ស្ដែងនៅយប់ថ្ងៃទី១៨ រហូតដល់ថ្ងៃទី២១ ខែធ្នូ កន្លងទៅ មានឈ្មួញជាច្រើនក្រុមនៅស្រុកអណ្ដូងមាស…
ខេត្តរតនគិរី ៖ បទល្មើសព្រៃឈើហាក់ចាប់ផ្ដើមកក្រើកឡើងវិញ ក្រោយពីស្ងប់ស្ងាត់អស់រយៈពេល២ទៅ៣ខែកន្លងមក ។ ជាក់ស្ដែងនៅយប់ថ្ងៃទី១៨ រហូតដល់ថ្ងៃទី២១ ខែធ្នូ កន្លងទៅ មានឈ្មួញជាច្រើនក្រុមនៅស្រុកអណ្ដូងមាស បានឃុបឃិតគ្នាជាមួយមន្ត្រីសមត្ថកិច្ចខិលខូចខ្លះ ធ្វើសកម្មភាពក្នុងជំនួញឈើខុស
ច្បាប់នេះ ។
ប្រជាពលរដ្ឋនិងមន្ត្រីររាជការតូចតាចនៅស្រុកអណ្ដូងមាស បានឱ្យអ្នកយកព័ត៌មានដឹងថា ឈើខុសច្បាប់ដឹកតាមម៉ូតូចូលប្រទេសវៀតណាមតាមច្រករបៀងចំនួន២ គឺច្រករបៀងបាសៅ និងច្រករបៀងបាតាម ។
ប្រភពព័ត៌មានបន្តថា មូលហេតុដែលនាំឲ្យមានបទល្មើសព្រៃឈើកើតឡើងបាន ដោយសារមានមន្ត្រីប៉ូលិសម្នាក់ជាអ្នកជួយសម្រួលនិងរត់ការជំនួសក្រុមឈ្មួញឈើ ។
ប្រភពដែលផ្តល់ព័ត៌មាននេះ ក៏ស្នើឱ្យថ្នាក់លើចុះមកធ្វើការស៊ើបអង្កេតទើបដឹងថា អ្នកបំផ្លាញព្រៃឈើគឺជាសមត្ថកិច្ចដែលមានតួនាទីបង្ក្រាបបទល្មើសតែម្ដង ទោះបីរាជរដ្ឋាភិបាលធ្លាប់បានប្រើធម៌ក្ដៅចាប់
ខ្លួនឧកញ៉ាបំផ្លាញព្រៃឈើនៅខេត្តមណ្ឌលគិរីអស់ប៉ុន្មាននាក់មកហើយក្តី ក៏មន្ត្រីសមត្ថកិច្ចរូបនោះនៅតែលួចប្រព្រឹត្តបទល្មើសព្រៃឈើដដែល ។
ដោយសារសកម្មភាពបែបនេះ ធ្វើឲ្យមានការព្រួយបារម្ភថា ព្រៃឈើដែលនៅសេសសល់បន្តិចបន្តួចក្នុងស្រុកអណ្ដូងមាស នាពេលអនាគតពិតជារលាយហិនហោចអស់ជាមិនខាន ហើយក្មេងជំនាន់ក្រោយពិតជាមិនបានស្គាល់ឈើដែលមានតម្លៃនោះទៀតទេ ៕
ចែករំលែកព័តមាននេះ