រាជធានីភ្នំពេញ ៖ ក្មេងទំនើងចំនួន៩នាក់ត្រូវបានកំលាំងសមត្ថកិច្ចឃាត់ខ្លួន ខណៈពួកគេជិះម៉ូតូដេញវាយគ្នាបង្កភាពអនាធិបតេយ្យតាមដងផ្លូវសាធារណៈ កាលពីវេលាម៉ោង១០និង១៥នាទីយប់ថ្ងៃទី២១ ខែធ្នូ ឆ្នាំ២០១៩ ត្រង់ចំណុចមុខអគារអ៊ែតវូត តាមបណ្តោយផ្លូវសហព័ន្ធរុស្សី ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ។
ក្រុមក្មេងទំនើងទាំង៩នាក់ខាងលើនោះមិនស្គាល់អត្តសញ្ញាណនោះទេ ។
តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ ស្របពេលដែលសមត្ថកិច្ចដាក់គោលដៅតាមដងផ្លូវសហព័ន្ធរុស្សីការពារក្បូនថ្នាក់ដឹកនាំ ស្រាប់តែឃើញក្មេងទំនើងខាងលើជាង១០នាក់ជិះម៉ូតូប្រមាណជា៥គ្រឿងដេញវាយគ្នាយ៉ាងអនាធិបតេយ្យពេលនោះកម្លាំងសមត្ថកិច្ចក៏ដេញឃាត់ខ្លួនភ្លាមៗបានចំនួន៩នាក់ និងដកហូតបានម៉ូតូចំនួន៣គ្រឿងផងដែរ ដោយឡែកបក្ខពួកដែលនៅសេសសល់បាននាំគ្នាជិះម៉ូតូគេចខ្លួនបាត់អស់។
ក្រោយពេលឃាត់ខ្លួនក្រុមក្មេងទំនើងខាងលើ ព្រមទាំងម៉ូតូ៣គ្រឿងត្រូវបានសមត្ថកិច្ចបញ្ជូនខ្លួនទៅអធិការដ្ឋានខណ្ឌសែនសុខដើម្បីធ្វើការសាកសួរ៕ (កែសម្រួលដោយ ៖ ធីតា)
ចែករំលែកព័តមាននេះ