អ្នកដែលជោគជ័យ និងមានទ្រព្យសម្បត្តិស្តុកស្តម្ភមិនមែនតែងតែជាមនុស្សដែលមានសំណាងខ្ពស់ឡើយ ។ ពេលខ្លះទៀតពួកគេអាចជាមនុស្សដែលមានគុណសម្បត្តិមួយចំនួនដែលជួយដល់ការប្រកបការងារ ឬអាជីវកម្ម ។ ហើយការដឹងពីគុណសម្បត្តិទាំងនេះក៏អាចជួយឲ្យអ្នកដទៃដែលមានក្តីសុបិនចង់ធ្វើជាអ្នកមាន មានឱកាសកាន់តែច្រើនក្នុងការសម្រេចគោលដៅដែរ ។ យោងតាមការសង្កេតមើលបានឲ្យដឹងថា…
អ្នកដែលជោគជ័យ និងមានទ្រព្យសម្បត្តិស្តុកស្តម្ភមិនមែនតែងតែជាមនុស្សដែលមានសំណាងខ្ពស់ឡើយ ។ ពេលខ្លះទៀតពួកគេអាចជាមនុស្សដែលមានគុណសម្បត្តិមួយចំនួនដែលជួយដល់ការប្រកបការងារ ឬអាជីវកម្ម ។ ហើយការដឹងពីគុណសម្បត្តិទាំងនេះក៏អាចជួយឲ្យអ្នកដទៃដែលមានក្តីសុបិនចង់ធ្វើជាអ្នកមាន មានឱកាសកាន់តែច្រើនក្នុងការសម្រេចគោលដៅដែរ ។
យោងតាមការសង្កេតមើលបានឲ្យដឹងថា ភាពច្នៃប្រឌិត និងការខិតខំយកចិត្តទុកដាក់ធ្វើការជាកត្តាដែលមហាសេដ្ឋីភាគច្រើនមាន ។ ការធ្វើនវានុវត្តន៍ គឺជារូបិយប័ណ្ណដែលសំខាន់ជាងគេហើយវាទាក់ទិនទៅនឹងទឹកចិត្តចង់យល់ដឹងពីបញ្ហាដែលសង្គមកំពុងជួបប្រទះ និងការប្តេជ្ញារកដំណោះស្រាយសម្រាប់បញ្ហាទាំងនោះ ។ ឧទាហរណ៍ជាក់ស្តែងមានដូចជាមហាសេដ្ឋី ប៊ីល ហ្គេតស៍ (Bill Gates) ស្ទីវ ចបស៍ (Steve Jobs) និង អ៊ីឡុន ម៉ាស់ (Elon Musk) ជាដើម ។
ភាពច្នៃប្រឌិត និងការខិតខំជាកត្តាសំខាន់ប៉ុន្តែមហាសេដ្ឋីប្រៀបដូចជាមានសមត្ថភាពអស្ចារ្យមួយទៀតដែរហើយវា គឺសមត្ថភាពក្នុងការដឹងពីស្ថានការវិស័យនីមួយៗច្បាស់លាស់ ។ វាប្រៀបបានជាជំនាញដែលអនុញ្ញាតឲ្យសហគ្រិនមួយរូបដឹងច្បាស់ថាពួកគេគួរចាប់ឱកាសណាមួយ ឬទេ ។
យោងទៅតាមអត្ថបទមួយទៀតរបស់អ្នកស្រី អាណា ចនសាន់ (Anna Johnson) ក៏បានចែករំលែកពីគុណសម្បត្តិរបស់មហាសេដ្ឋីភាគច្រើនដែរ ហើយវាជាគុណសម្បត្តិដែលអនុញ្ញាតឲ្យមនុស្សយកវាទៅរកលុយបាន ។ ក្នុងនោះរួមមានគោលដៅ និងការប្តេជ្ញា ការពង្រីកវាឲ្យធំ ការធ្វើវាម្តងហើយម្តងទៀត ការគ្រប់គ្រងខ្លួន និងសេចក្តីស្រលាញ់លើកិច្ចការដែលខ្លួនកំពុងតែធ្វើ ។ ចំណុចទាំងប្រាំនេះជួយផ្តល់ជាការលើកទឹកចិត្តដល់សហគ្រិន ។
អ្នកស្រីបានលើកឡើងពីឧទាហរណ៍មួយទាក់ទិននឹងក្រុមហ៊ុនបច្ចេកវិទ្យាថ្មីមួយ ។ បើក្រុមហ៊ុនបច្ចេកវិទ្យាធំៗចង់ទិញក្រុមហ៊ុនថ្មីនោះក្នុងតម្លៃ ១៥លានដុល្លារ សហគ្រិនទូទៅប្រហែលជាទទួល១៥លានដុល្លារនោះភ្លាមៗ តែមហាសេដ្ឋីនៅថ្ងៃអនាគតមួយរូបនឹងបដិសេធដើម្បីសម្រេចគោលដៅដំបូងរបស់ខ្លួនវិញ ៕ កែសម្រួលដោយ ៖ សុឃាក់
ចែករំលែកព័តមាននេះ